परंड्यात आघाडीत बिघाडी? ठाकरेंची सेना-मोठ्या पवारांची राष्ट्रवादी आमनेसामने

धाराशिव जिल्ह्यात एकूण चार विधानसभा मतदारसंघ आहेत. मागील विधानसभा निवडणुकीत आघाडीला एकाही मतदारसंघात विजय मिळविता आला नाही. चारपैकी तुळजापुरात भाजपाचे कमळ विजयी झाले. तर उर्वरित तीन विधानसभा मतदारसंघात धनुष्यबाणाला मतदारांनी विजयी कौल दिला. भूम-परंडा-वाशी, धाराशिव-कळंब आणि उमरगा-लोहारा या तीन विधानसभा मतदारसंघात अनुक्रमे प्रा. डॉ. तानाजी सावंत, कैलास पाटील आणि ज्ञानराज चौगुले विजयी झाले. गुवाहाटीमार्गे झालेल्या सत्ता स्थापनेच्या प्रयोगात भूम-परंडा-वाशी आणि उमरगा-लोहारा येथून धनुष्यबाणावर निवडून आलेले दोन्ही आमदार शिंदे सेनेत दाखल झाले. त्यातील भूम-परंडा-वाशी मतदारसंघात सावंत यांच्या या भूमिकेमुळे माजी आमदार ज्ञानेश्वर पाटील यांनी ठाकरेसेनेत राहणेच पसंत केले. सावंत यांनी मागील निवडणुकीत राष्ट्रवादीचे माजी आमदार राहुल मोटे यांचा पराभव केला होता. त्यामुळे या मतदारसंघातून पुन्हा एकदा लढण्यासाठी राहुल मोटे तयारीला लागले होते.

नक्की वाचा

Raj Thackeray Speech : शिवसेनेवर कुणाचा अधिकार? राज ठाकरेंनी स्पष्ट शब्दांत मांडली भूमिका; राष्ट्रवादी काँग्रेस फुटीवरही केलं भाष्य!

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Raj Thackeray Speech : “काकांनी डोळे वटारले अन् लगेच…!” सकाळच्या शपथविधीवरून राज ठाकरेंचा अजित पवारांना चिमटा

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

भुजबळ यांच्या दाव्याने नवे वादळ; ‘ईडीपासून मुक्तीसाठी भाजपबरोबर; ओबीसी असल्याने कारवाई’

NCP Clock Symbol : ऐन निवडणुकीत सर्वोच्च न्यायालयाकडून अजित पवारांना आदेश; पक्षचिन्हाबाबत दिला ३६ तासांचा अल्टिमेटम!

काँग्रेस अखेर शंभरीपार, अर्जमाघारीनंतर सर्वच पक्षांची अंतिम आकडेवारी आली समोर; वाचा काय आहे नेमकं समीकरण!

Amit Thackeray : “धनुष्यबाण आणि पक्षनाव घेऊन एकनाथ शिंदेंनी चूक केली”, शिवसेनेतील बंडखोरीवरील अमित ठाकरेंची प्रतिक्रिया चर्चेत!

हे ही वाचा… Maharashtra Assembly Election 2024 Live : ‘राज ठाकरेंनी श्रीकांत शिंदेंसाठी सभा घेतली, पण माझ्याविरोधात…’, अमित ठाकरेंचं सूचक विधान

मागील काही दिवसांपूर्वी शिवसेनेचे माजी आमदार ज्ञानेश्वर पाटील यांचे निधन झाले. त्यांचे चिरंजीव रणजित पाटील यांना उमेदवारी दिल्यास ठाकरेंसोबत झालेली गद्दारी गाढून टाकता येईल, असे सांगत रणजित पाटील यांच्या उमेदवारीसाठी शिवसैनिकांनी थेट मातोश्री गाठली. मातोश्रीवरून रणजित पाटील यांच्या नावावर मोहोर उमटविण्यात आली. मात्र दुसर्‍या दिवशी शिवसेनेच्या मुखपत्रातून जाहीर झालेल्या उमेदवारांच्या यादीत रणजित पाटील यांचे नाव नसल्यामुळे संभ्रम निर्माण झाला होता. त्यावर कोणीही प्रतिक्रिया देवू नका. संयम राखा, असे आवाहन करीत राहुल मोटे यांनी आपण उमेदवार असल्याचे सूचक संकेत दिले होते. झालेली चूक दुरूस्त करत शिवसेनेने उमेदवार म्हणून रणजित पाटील यांची गुरूवारी अधिकृत घोषणा केली. तर शुक्रवारी राष्ट्रवादीच्या शरद पवार गटाचे इच्छूक उमेदवार राहुल मोटे यांनी एबी फॉर्मसह तुतारी चिन्हावर निवडणूक लढविण्यासठी उमेदवारी अर्ज दाखल केला आहे. शिंदेसेनेचे शिलेदार तथा राज्याचे सार्वजनिक आरोग्यमंत्री तानाजी सावंत यांच्या विरोधात महाविकास आघाडीच्या दोन्ही घटक पक्षांनी उमेदवारी दाखल केल्यामुळे परंडा मतदारसंघात मोठा संशय कल्लोळ उसळला आहे. ही आघाडीत बिघाडी तर नाही ना? अशी चर्चा जोर धरू लगली आहे. ठाकरेंची मशाल आणि मोठ्या पवारांची तुतारी एकमेकांच्या विरोधात षड्डू ठोकणार का, हे लवकरच स्पष्ट होईल.