थायलंडच्या फुलांची जगदंबेच्या चरणी सेवा, एक टन फुलांनी सजला तुळजाभवानी देवीचा दरबार

मागील १३ वर्षांपासून पुणे जिल्ह्यातील रांजणगाव येथील ज्ञानेश्वर पाचुंदकर सेवा म्हणून तुळजाभवानी देवीच्या चरणी फुलांची आरास सादर करतात. तुळजाभवानी मंदिराप्रमाणेच विठ्ठल-रूक्मिणी मंदिर पंढरपूर, आळंदीचे संत ज्ञानेश्वर मंदिर, जेजुरीचा खंडोबा, कोल्हापुरची अंबाबाई आणि रांजणगावच्या महागणपतीलाही दरवर्षी पाचुंदकर परिवाराकडून फुलांची आरास केली जाते. तुळजाभवानी देवी मंदिरात फुलांची सजावट करण्याचे त्यांचे हे तेरावे वर्ष आहे.

आणखी वाचा

बारसू रिफायनरी प्रकल्पावरुन महायुतीत जुंपली

कल्याण मारहाण प्रकरण: “तो म्हणाला मुख्यमंत्री कार्यालयातून एक…

निसर्गलिपी : फुलांच्या वार्षिक प्रदर्शनांना जाच!

‘या’ उत्सवात दिला जातो हजारो जनावरांचा बळी; काय आहे गढीमाई उत्सव? याला जगातील सर्वांत रक्तरंजित उत्सव का म्हटले जाते?

तुळजाभवानी मंदिराला मिळणार पुरातन झळाळी, जीर्णोध्दाराचे काम पुरातत्व खात्याच्या निगराणीखाली वेगात सुरू

“राहुल गांधींचं एकच स्वप्न, मेरी शादी कब होगी?” मारकडवाडीतून सदाभाऊ खोतांचा चिमटा; ‘खळं लुटणारा’ म्हणत पवारांवर टीका

नवपंचम राजयोग देणार पैसाच पैसा; ‘या’ तीन राशींवर शुक्र-गुरूची होणार कृपा

अलोट उत्साहात प्रतापगड येथे शिवप्रताप दिन साजरा; छत्रपतींच्या अश्वारूढ पुतळ्यावर हेलिकॉप्टरमधून पुष्पवर्षाव

हेही वाचा : आंजर्लेत शिवरायांचा अवमान करणाऱ्यांच्या तोंडाला काळे फासले

पुणे येथील कुमार शिंदे आणि त्यांच्या सहकार्‍यांनी ३० सप्टेंबरपासून फुलांची सजावट करण्यास सुरूवात केली. महाद्वार आणि जिजाऊ द्वाराचे तोरण, यज्ञमंंडपाला आकर्षक पध्दतीने बांधण्यात आलेले फुलतोरण, त्याचबरोबर मंदिराच्या परिसरात असलेल्या उपदेवतांची सजावट, दगडी देवळ्यांना फुलांची माळांनी दिलेले अनोखे रूप, चांदी दरवाजा, सिंह दरवाजा, मुख्य गाभारा आणि पिंपळ पारावर केलेली लक्षवेधी सजावट येणार्‍या प्रत्येक भाविकाचे लक्ष वेधून घेत आहे.

या फुलांचा करण्यात आला आकर्षक वापर

थायलंड येथून व्हाईट ऑर्चिड फुलांचे दहा बंच आणि अ‍ॅन्थुरियमचे ५०० बंच मागविण्यात आले. या प्रत्येक बंचची किंमत हजार रुपयांहून अधिक आहे. त्याव्यतिरिक्त शेवंती, झेंडू, अश्टर, जरबेरा, गुलाब, ग्लॅडिओस, जिप्सो आणि अशोकाचा पाला अशा एक हजार किलो सुट्या फुलांचा या सजावटीसाठी वापर करण्यात आला असल्याची माहिती कुमार शिंदे यांनी दिली.

हेही वाचा : आई राजा उदोऽऽ उदोऽऽ घटस्थापनेने तुळजाभवानी देवीच्या नवरात्रोत्सवास प्रारंभ

आई वडिलांच्या श्रद्धेपोटी जगदंबेची सेवा

आई-वडिलांच्या श्रध्देपोटी कुलस्वामिनी तुळजाभवानी देवीची आपण या सुगंधी फुलांच्या माध्यमातून दरवर्षी सेवा करीत असल्याची माहिती ज्ञानेश्वर पाचुंदकर यांनी दिली. पुणे येथे मोठे उद्योजक असलेल्या पाचुंदकरांच्या केमिकल आणि फार्मा कंपन्या आहेत. त्याचबरोबर ८०० खासगी बसचे ते मालक आहेत. दरवर्षी पंढरपूर, आळंदी, जेजुरी, कोल्हापूर, रांजणगाव आणि तुळजापूर आदी तीर्थक्षेत्री फुलांची आरास मांडण्याकरिता दरवर्षी ३० ते ३५ लाख रूपयांचा खर्च मोठ्या आनंदाने करीत असल्याचे त्यांनी सांगितले.