शेतात पुरलेला ५ लाखाचा चोरीचा ऐवज हस्तगत, चोरट्याला अटक

पोलीस अधिक्षक संदीप घुगे, अप्पर अधिक्षक रितु खोकर यांनी स्थानिक गुन्हे अन्वेषण व संजयनगर पोलीस ठाण्यास संशयिताचा तातडीने तपास करण्याच्या सूचना दिल्या.स्थानिक गुन्हे अन्वेषण विभागाचे निरीक्षक सतीश शिंदे यांच्या मार्गदर्शनाखाली संशयिताच्या शोधासाठी पथक कार्यरत होते. उप निरीक्षक कुमार पाटील यांच्या पथकामधील हवालदार बिरोबा नरळे यांना ही घरफोडी करणाऱ्या संशयिताची माहिती मिळाली.

हेही वाचा >>>सातारा : आराम बसमधून पैशाची बॅग पळविणाऱ्या दोघांकडून ८३ लाख रुपये हस्तगत

या माहितीनुसार आपटा पोलीस चौकीजवळ संशयित आकाश सतीश कवठेकर (वय २६ वर्षे, रा. भारत सुतगिरणीजवळ, कुपवाड) याला ताब्यात घेऊन कसून चौकशी केली असता त्याने घरफोडीची कबुली दिली.त्याने चोरीतील ५ लाख १९ हजाराचे २३ तोळे सोन्याचे दागिने व १२ हजाराचे चांदीचे दागिने  उमेदनगर, कुपवाड येथील राहत्या घराच्या पाठीमागील मोकळया शेतात लाकडी पेटीत पुरून ठेवले असल्याचे सांगितल्याने सहायक पोलीस निरीक्षक मनोजकुमार लोंढे यांनी सर्व मुद्देमाल  जप्त केला. कवठेकर हा पोलीस दप्तरी सराईत गुन्हेगार नोंद असून त्याचेवर सांगली, सोलापुर जिल्हयात घरफोडी चोरी व मोटार सायकल चोरीचे गुन्हे दाखल आहेत असे निरीक्षक श्री. शिंदे यांनी सांगितले.