रायगडातील २८ पैकी २४ धरणे भरली, हेटवणे धरणातही ९० टक्के पाणी साठा

जून महिन्याच्या सुरूवातीला कोलाड येथील लघुपाटबंधारे विभागाच्या अखत्यारीत असलेल्या २८ प्रकल्पात २३ टक्के पाणी साठा शिल्लक होता. यातील ९ धरणांमध्ये दहा टक्क्यांहून कमी पाणी साठा शिल्लक होता. त्यामुळे रायगड जिल्ह्यातील अनेक भागात पाणी टंचाईचे ढग दाटले होते. जून महिन्याच्या वीस दिवसात पावसाने ओढ दिली होती. त्यामुळे पाणी परिस्थिती बिकट झाली होती. मात्र जून महिन्याच्या शेवटच्या टप्प्यात जिल्ह्यात पावसाने जोर धरला.

आणखी वाचा

म्युच्युअल फंडात मुंबईचाच सिंहाचा वाटा; १७.८३ लाख कोटींचे योगदान; मुंबईसह महाराष्ट्राच्या तुलनेत अन्य राज्यांत वाढती दरी

महायुतीला सत्ता मिळाली, लाडक्या बहिणींना २१०० रुपये कधीपासून…

श्रीलंकेच्या संसदेत एनपीपीला बहुमत ; २२५ पैकी १५९ जागांवर विजय

रिलायन्स-डिस्ने यांचे ७०,३५२ कोटींचे महाविलीनीकरण पूर्ण

एमआयडीसीलाही झोपड्यांच्या जागा, ‘क्लस्टर’साठी साडेबारा टक्के योजनेचा प्रस्ताव

विश्लेषण : कांद्याचा तुटवडा का आणि किती दिवस?

ठाणे : आचार संहितेच्या काळात २३ कोटी रुपयांचा मुद्देमाल जप्त; लाखो लिटर दारू; ६ कोटींचे मोफत वाटप साहित्य; १ कोटींचे अंमली पदार्थ

हेही वाचा : Nilesh Lanke : “सगळ्यांचा नाद करा पण पवारांचा नाही, नाहीतर…”, खासदार निलेश लंकेंचा राम शिंदेंना इशारा

जुलै महिन्यातही पावसाचा जोर कायम होता. जुलै महिन्यातील बहुतेक दिवस पावसाळीच होते. पावसाच्या जोरदार महिन्याभरात सतत बरसत होत्या. धरणांच्या क्षेत्रातही चांगल्या पावसाची नोंद झाली. यामुळे कोलाडच्या लघुपाटबंधारे विभागाच्या अखत्यारीत असलेल्या २८ धरणांपैकी २४ धरणे पुर्ण क्षमतेनी भरली आहेत. ६७.४६८ दशलक्ष घन मीटर पाणीसाठा या धरणांमध्ये जमा झाला आहे. सुतारवाडी, आंबेघर, कोडगाव, कवेळे, ढोकशेत, घोटवडे, वावा, उन्हेरे, पाभरे, कुडकी, संदेरी, वरंध, खिंडवाडी, कोथुर्डे, खैरे, भिलवले, मोरबे, उसरण, फणसाड, श्रीगाव, कोलते-मोकाशी, डोणवत, बामणोली, उसरण ही धरणे पुर्ण क्षमतेनी भरली आहेत.

हेही वाचा : अपप्रचारांविरोधात व्यापक मोहीम राबवा

पुनाडे, अवसरे, रानिवली आणि कार्ले ही चार धरणे अद्याप पुर्ण क्षमतेनी भरली नसली तरी या चारही धरणात ८० टक्केहून अधिक पाणी साठा जमा झाला आहे. त्यामुळे रायगडकरांची जलचिंता मिटली आहे. प्रादेशिक हवामान विभागाने रायगड जिल्ह्यासाठी पुढील चार दिवसांसाठी यलो अलर्ट जारी केला आहे. जिल्ह्यात मध्यम ते मुसळधार पाऊस पडण्याची शक्यता वर्तवली आहे. त्यामुळे धरणांच्या पाणी पातळीत अजून वाढ अपेक्षित आहे.

हेही वाचा : राजकीय खटले मागे; मराठा आंदोलनाचा फटका बसल्याने राज्य सरकारची खबरदारी

नवी मुंबई, पेण, उरण आणि पनवेल परिसराला पाणी पुरवठा करणारे पेण तालुक्यातील हेटवणे धरणही ९० टक्के भरले आहे. या धरणाची साठवण क्षमता ५.१२ टिएमसी आहे. धरणात ९० टक्क्यांहून अधिक पाणीसाठा जमा झाला आहे. पावसाचा जोर कायम असल्याने लवकरच हे धरणही पूर्ण भरण्याची शक्यता आहे.