सांगली : पश्चिम घाटासह सांगली जिल्ह्यात पावसाचा जोर मंदावला असला तरी चांदोली धरण पन्नास टक्के भरले असून धरणात १७.२९ टी.एम.सी. पाणीसाठा झाला असल्याचे जलसंपदा विभागातून सांगण्यात आले. धरणाची साठवण क्षमता ३४.४० टी.एम.सी.आहे.
कर्नाटकातील अलमट्टी धरणात ७१.३९ टीएमसी पाणीसाठा झाला असून क्षमतेच्या ५८ टक्के भरले आहे. धरणात ७८ हजार ६६८ क्युसेक प्रती सेकंद पाण्याची आवक आहे. सांगली जिल्ह्यात गेल्या २४ तासांत सरासरी ०.८ मि. मी. पावसाची नोंद झाली असून आटपाडी तालुक्यात सर्वाधिक १६.१ मि. मी. पावसाची नोंद झाली आहे.
हेही वाचा : महानुभाव आणि जैन धर्मियांच्या दक्षिण काशीत फलटण शहरात पालखी सोहळ्याचे मोठे स्वागत
विविध धरणातील पाणीसाठा
कोयना – ३१.६८ टीएमसी
धोम – ४.६३ टीएमसी
कन्हेर – ३.३० टीएमसी
दूधगंगा – ८.६६ टीएमसी
राधानगरी – ३.९७ टीएमसी
तुळशी – १.७५ टीएमसी
कासारी – १.२५ टीएमसी
पाटगांव – २.३७ टीएमसी
धोम बलकवडी – ०.४८ टीएमसी
उरमोडी – १.९९ टीएमसी
तारळी – १.७८ टीएमसी
