Ajit Pawar: “ऊस उत्पादकांना पैसे देऊ न शकणाऱ्यांना मुख्यमंत्रिपदाचे स्वप्न”, अजित पवारांची जयंत पाटलांवर बोचरी टीका

या वेळी उपमुख्यमंत्री पवार म्हणाले, की गेली ३५ वर्षे एकाच व्यक्तीकडे नेतृत्व असताना, अर्थ खाते असताना विकासकामासाठी निधी का देऊ शकले नाहीत, हा प्रश्न आहे. आपल्यापेक्षा अन्य कोणाचे नेतृत्वच उभे राहू नये ही भूमिका यामागे असावी. राजारामबापू पाटील यांनी स्थापन केलेला कारखाना असतानाही उसाचा दर का कमी दिला जातो? आमच्या भागापेक्षा साखर उतारा जास्त असताना कमी दर देऊन फरकातील दोन-सव्वादोनशे रुपये कुठे गेले असा सवालही त्यांनी केला. ऊस उत्पादकांना दिवाळीपूर्वी पैसे द्यायला हवे होते; मात्र ते देऊ शकले नाहीत आणि मुख्यमंत्रिपदाच्या गप्पा मारतात. आज आष्टा, इस्लामपूर बसस्थानकांची अवस्था कशी आहे? पोलिसांसाठी घरे बांधता आली नाहीत. आमदार जयंत पाटील यांच्या गावचे- कासेगावचे पोलीस ठाणे भाड्याच्या जागेत आजही असेल, तर मुख्यमंत्री झाल्यावर राज्यातील सर्व पोलीस ठाणी भाड्याच्या जागेत ठेवणार का, असा सवाल त्यांनी उपस्थित केला.

नक्की वाचा

Prakash Ambedkar: “शरद पवार-दाऊद इब्राहिमच्या कथित भेटीची चौकशी करा”, प्रकाश आंबेडकरांची आरोपवजा मागणी

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Asaduddin Owaisi : “आंबेडकर जिंदा है तो गोडसे…”, असदुद्दीन ओवैसींची पंतप्रधान मोदींच्या विधानावर जोरदार टीका

Ajit Pawar : “शरद पवार राजकारणातून बाजूला झाल्यानंतर हा पठ्ठ्या…”, अजित पवारांचं सूचक वक्तव्य

Ajit Pawar : “…मग मी बघतो, तुम्ही आमदार कसे राहता”, अजित पवारांचा रामराजे निंबाळकरांना इशारा; म्हणाले, “धमक असेल तर…”

Jayant Patil : “अरे बाप नाही, तुझा काकाच…”, जयंत पाटलांचं अजित पवारांच्या टीकेला प्रत्युत्तर

Sarangi Mahajan : सारंगी महाजन यांचा आरोप; “धनंजय आणि पंकजा मुंडे या दोघांनी माझी जमीन लाटली, आणि..”

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

हेही वाचा :Ajit Pawar : “…मग मी बघतो, तुम्ही आमदार कसे राहता”, अजित पवारांचा रामराजे निंबाळकरांना इशारा; म्हणाले, “धमक असेल तर…”

या भागात औद्योगिक वसाहत स्थापन करायला हवी होती. आता आमदार पाटील यांचे व्याही किर्लोस्कर आहेत. त्यांना सांगून एखादा प्रकल्प सुरू करावा, मग गरजू तरुणांना रोजगार मिळेल, अशी मिश्कील टिप्पणीही त्यांनी केली. केंद्रात आणि राज्यात एका विचाराचे सरकार असेल, तर विकासाला गती देता येते असे सांगून आम्ही शाहू, फुले, आंबेडकर यांच्या विचाराने पुढे जात असून, विधानसभेच्या मिळालेल्या जागामध्ये १० टक्के जागा अल्पसंख्याकांना, १० टक्के महिलांना, साडेबारा टक्के आदिवासींना आणि साडेबारा टक्के मागासवर्गीयांना दिल्या असून, सर्व जातींना सोबत घेऊन जाण्याची आमची भूमिका आहे. मतदारसंघाच्या विकासासाठी विधानसभा निवडणुकीत भोसले-पाटील यांना विजयी करावे, असे आवाहन त्यांनी केले.

हेही वाचा :Ajit Pawar : “शरद पवार राजकारणातून बाजूला झाल्यानंतर हा पठ्ठ्या…”, अजित पवारांचं सूचक वक्तव्य

‘लाडकी बहीण’मुळे विरोधक अस्वस्थ

आम्ही लाडकी बहीण, लाडका भाऊ, शेतकऱ्यांना वीज देयक माफी योजना लागू केली. यासाठी ७५ हजार कोटींची तरतूद केली. त्या वेळी विरोधकांनी तिजोरी रिकामी केल्याची टीका केली. मात्र, या योजनांना चांगला प्रतिसाद मिळतोय हे लक्षात येताच, विरोधक अस्वस्थ झाले आहेत. टीका करू लागले आहेत. यानंतर महाविकास आघाडीच्या नेत्यांनीदेखील पंचसूत्री योजना जाहीर केली. यासाठी ३ लाख कोटी रुपये लागणार आहेत. मग या योजनांसाठी पैसे कुठून आणणार याचे उत्तर मात्र त्यांच्या एकाही नेत्याने दिलेले नाही, अशी टीका पवार यांनी या वेळी केली.