सांगली : कुपवाडमध्ये ३०० कोटींचा एमडीचा साठा जप्त, तिघे ताब्यात

सांगली : पुणे व सांगली पोलीसांच्या संयुक्त कारवाईमध्ये कुपवाडमध्ये १४० किलो मेफेड्रॉन (एमडी) या घातक अमली पदार्थाचा साठा जप्त करण्यात आला. या प्रकरणी तिघांना ताब्यात घेण्यात आल्याची माहिती पुणे गुन्हे शाखेचे वरिष्ठ पोलीस निरीक्षक विनायक गायकवाड यांनी बुधवारी दिली. पुणे पोलीसांनी पुणे व दिल्लीमध्ये छापे टाकून कोट्यावधींचा अंमली पदार्थांचा साठा जप्त केला. या ठिकाणी मिळालेल्या माहितीनुसार या अंमली पदार्थांचे धागेदोरे कुपवाडपर्यंत असल्याची माहिती पुणे पोलीसांना मिळाली.