जन्म व मृत्यू दाखले आता टपालाने घरपोच, सांगली महापालिकेची सुविधा

जन्म व मृत्यू दाखले हे नागरिकांना आवश्यक असे दस्तऐवज असून, वेळेत आणि घरी मिळणे आवश्यक आहे. ही बाब लक्षात घेऊन शंभर दिवस कार्यक्रमांतर्गत जन्म व मृत्यू दाखले पोस्टाद्वारे घरपोच नागरिकांना उपलब्ध करून देण्यासाठी महापालिकेने उपक्रम हाती घेतला आहे.

दाखला मिळवण्यासाठी महापालिकेच्या अधिकृत संकेतस्थळावर जावून मागणी नोंदवावी लागणार आहे. यानंतर आवश्यक शुल्क ऑनलाईन भरल्यानंतर दाखला तयार झाल्यावर घरपोच होणार आहे, अशी माहितीही प्रसिद्धी पत्रकात देण्यात आली आहे.