सांगली : पुतण्या फुटला, मात्र लबाड लांडग्यांची पिलावळ छगन भुजबळांच्या मागे लागली असल्याची टीका करीत भाजप आमदार गोपीचंद पडळकर यांनी रविवारी राष्ट्रवादी काँग्रेसचे अध्यक्ष शरद पवार यांच्यावर नाव न घेता घणाघात केला. आरेवाडी (ता.कवठेमहांकाळ) येथील बिरोबा बनात आज दसरा मेळाव्याचे आयोजन करण्यात आले होते. यावेळी ते बोलत होते.
पडळकर म्हणाले, शालिनीताई पाटील यांनी गरीब मराठा समाजासाठी आरक्षणाची मागणी केली, त्यावेळी त्यांची पक्षातून हकालपट्टी करण्यात आली. हीच प्रवृत्ती धनगर आरक्षणासाठी जागर यात्रा सुरु करताच टीका करत आहे. धनगर आरक्षणाची लढाई दोन टप्प्यात सुरु आहे. नाताळनंतर न्यायालयीन निकाल अपेक्षित असून भक्कम पुरावे सादर केले आहेत. मात्र धनगर समाजानेही एसटी आरक्षणासाठी रस्त्यावरच्या संघर्षासाठी सज्ज राहावे. गरज पडेल तिथे बाळूमामा व्हा आणि गरज पडेल तिथे बापू बिरु वाटेगावकर व्हा, असे आवाहन त्यांनी केले.
हेही वाचा : …म्हणून नारायण राणे मराठा आरक्षणाचा विषय भरकवटण्याचा प्रयत्न करत आहेत”, सुजात आंबेडकरांचं विधान
धनगर समाजाच्या प्रश्नासाठी हिंदूस्थान शिवमल्हार क्रांती सेनेची घोषणा करुन ही संघटना अराजकीय असेल आणि फक्त मेंढपाळ समाजासाठी काम करणार असल्याचे पडळकर यांनी जाहीर केले.
