सांगली: अनैतिक संबंधास नकार देणाऱ्या महिलेच्या खून प्रकरणी जन्मठेप

सांगली : अनैतिक संबंधास नकार देणार्‍या महिलेचा खून केल्या प्रकरणी आरोपी पांडूरंग कामू लोखंडे (वय ३३, रा. खिलारवाडी, ता. जत) याला प्रमुख जिल्हा व सत्र न्यायाधीश पी.के. शर्मा यांनी बुधवारी जन्मठेप आणि २ हजार रूपये दंडाची शिक्षा ठोठावली. आरोपीचे एका महिलेशी सात ते आठ वर्षांपासून अनैतिक संबंध होते. ही बाब कुटुंबातील अन्य लोकांना माहिती झाल्यानंतर महिलेने आरोपीशी असलेले अनैतिक संबंध तोडले. यामुळे आरोपी लोखंडे हा चिडून होता. यातूनच मृत महिलेला तिच्या घरातून स्वत:च्या घरी घेउन गेला.

हेही वाचा : आर्थिक लाभासाठी २५ लाखांस जिवंत शंख खरेदी करणे पडले महागात, महाराजासह पाचजणांविरूद्ध गुन्हा दाखल

आणखी वाचा

High Court : अल्पवयीन पत्नीशी संमतीनं ठेवलेले शरीरसंबंधही बलात्कारच; मुंबई हायकोर्टाचं १० वर्षांच्या शिक्षेवर शिक्कोमोर्तब

Nana Patole : निकालाआधी राजकीय घडामोडींना वेग; यातच…

अग्रलेख: नक्की काय बुलडोझ झाले?

तरुणाच्या कुटुंबीयांसाठी सर्वोच्च न्यायालय मदतीला; अकरा वर्षांपासून अंथरुणाशी खिळलेल्या तरुणावर आता सरकारी उपचार

“मुलीने हॉटेलची खोली बुक केली म्हणजे तिची शारीरिक संबंधांना संमती आहे असे नाही,” उच्च न्यायालयाचं परखड मत!

लैंगिक छळाच्या गुन्ह्यात पीडितेला नुकसान भरपाईचा आदेश देणे अपेक्षित…

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

मुंबई: अडीच वर्षांच्या मुलीवर बलात्कार करून हत्या, मानखुर्दमधील धक्कादायक घटना

घरी गेल्यानंतर दाराला कडी घालून महिलेवर धारदार हत्याराने वार करून तिचा खून केला. ही घटना ३० डिसेंबर २०१८ रोजी घडली होती. या प्रकरणी जत पोलीस ठाण्यात आरोपीविरूध्द खूनाचा गुन्हा दाखल करून पोलीसांनी आरोपपत्र सत्र न्यायालयात सादर केले होते. न्यायालयात सरकार पक्षाच्यावतीने १६ साक्षीदार तपासण्यात आले. न्यायालयाने आरोपीला खून प्रकरणी दोषी ठरवून आज त्याला जन्मठेप आणि दोन हजार रूपये दंड अशी शिक्षा ठोठावली. या प्रकरणी सरकार पक्षाची बाजू श्रीमती जे. के. लक्का यांनी मांडली.