सातारा : मराठा आंदोलकांकडून पालकमंत्री शंभूराज देसाई धारेवर

मराठा समाजाला आरक्षण मिळावे या मागणीसाठी मनोज जरांगे पाटील यांच्या आंदोलनाला पाठिंबा देण्यासाठी सातारा जिल्हाधिकारी कार्यालयासमोर मराठा समाजाच्या कार्यकर्त्यांनी साखळी उपोषण सुरू केले आहे. एका बैठकीसाठी पालकमंत्री शंभूराजे देसाई जिल्हाधिकारी कार्यालयात आले, तेव्हा मराठा समाजाच्या कार्यकर्त्यांनी जोरदार घोषणाबाजी केली .या घोषणाबाजीने परिसर दणाणून गेला. यावेळी मराठा आरक्षण उपसमितीचे सदस्य असलेले पालकमंत्री शंभूराज देसाई आंदोलकांना भेटण्यास गेले.

आणखी वाचा

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

महायुतीला सत्ता मिळाली, लाडक्या बहिणींना २१०० रुपये कधीपासून…

शहाजीबापू पाटील आमच्या टीमचे ‘धोनी’! मुख्यमंत्री एकनाथ शिंदेंनी केले कौतुक

राजकिय वातावरण गढूळ करणाऱ्या शिंदे पिता-पुत्राचे राजकारण संपविण्याची वेळ आली आहे; मनसे आमदार राजू पाटील यांची संतप्त प्रतिक्रिया

राज्याचे मोठे पद सांभाळण्याची जबाबदारी माझ्यावर- जयंत पाटील

शिंदे यांच्या बंडाच्या वेळीच राष्ट्रवादीचाही सत्तेत सहभाग निश्चित; अजित पवार यांचा गौप्यस्फोट

केंद्रीय वस्त्रोद्योग समितीवर धैर्यशील माने, सुनेत्रा पवार

हेही वाचा : मनोज जरांगेंची प्रकृती खालवल्यानंतर लेकीनं सांगितलं घरातलं दु:ख; म्हणाली, “मम्मी सतत रडतेय, आजोबाही…”

यावेळी सरकार पातळीवर आरक्षणावर गांभीर्यपूर्वक विचारविनिमय सुरु आहे. मी स्वतः मुख्यमंत्री एकनाथ शिंदे यांच्याशी बोललो असून लवकरच मुख्यमंत्री आरक्षण देतील. मुख्यमंत्र्यांनीच तशी शपथ घेतली आहे. अशी ग्वाही पालकमंत्र्यांनी देताच, आंदोलकांनी त्यांना धारेवर धरले. अनेक प्रश्नांचा भडीमार केला. तुमच्या सरकारने आरक्षणासाठी मराठा समाजाला झुलवत ठेवले आहे. केवळ सहानभूती दाखवू नका, आरक्षण कधी देताय ते सांगा. मुख्यमंत्र्यांच्या शपथेवर आमचा विश्वास नाही, असे सुनावले.

हेही वाचा : उपोषणाच्या पाचव्या दिवशी मनोज जरांगेंचे हात थरथरले; देवेंद्र फडणवीस म्हणाले, “त्यांच्याबरोबरच्या…”

मुख्यमंत्र्यांच्या सर्वात जवळचे मंत्री म्हणून तुमची ओळख आहे. पण तुम्ही आरक्षणासाठी काय केले. मुख्यमंत्री सातारा जिल्ह्यातले असून आम्हाला काय फायदा. मराठा आरक्षणा संदर्भातील शिंदे समितीला परस्पर वेळ वाढवून दिला, त्याचे कारण काय, आदी अनेक बाबींवरून पालकमंत्र्यांना धारेवर धरले. यावेळी देसाई यांनी हे सरकार मराठा आरक्षण नक्की देईल मुख्यमंत्री त्यासाठी आग्रही असल्याचे सांगत बैठकीतून काढता पाय घेतला.