लातूरच्या अल्पवयीन मुलीस जन्मदात्या आईनेच विकून लग्न लावले, माढ्यातील धक्कादायक प्रकार

सोलापुरातील फौजदार चावडी पोलीस ठाण्यात शून्य क्रमांकाने दाखल झालेल्या फिर्यादीनुसार, अनुसूचित जातीची पीडित मुलगी (वय १५ वर्षे १० महिने) मूळची लातूर येथील राहणारी असून, तिचे वडील रंगकाम करून कुटुंब चालवितात. मागील काही दिवसांपासून आई तिच्या लग्नासाठी स्थळ शोधत होती.

आणखी वाचा

नाशिक पूर्व मतदार संघातील मनसे उमेदवाराविरुध्द गुन्हा, पक्ष सचिवाच्या घरात लूट

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू

फडणवीस म्हणाले, “पाटणी पुत्राची समजूत घालण्याचा प्रयत्न केला, पण…”

‘पुरुष शिंप्यांनी महिलांचे माप घेऊ नये’ ; उत्तर प्रदेश राज्य महिला आयोगाचा सल्ला

बालविवाहाचा फेरा : भारत मुक्त कधी होईल?

मुलांना जिवे मारण्याची धमकी देऊन महिलेवर सामुहिक बलात्कार; स्वारगेट पोलिसांकडून तिघांविरुद्ध गुन्हा

पुणे : स्पर्धा परीक्षेची तयारी करणाऱ्या तरुणाचा मोबाईल हिसकाविला

हेही वाचा : Crime News : महाराष्ट्रात चाललंय तरी काय? बदलापूर, मुंबई अकोल्यासह मुलींवर अत्याचाराच्या मन सून्न करणाऱ्या घटना

शेजारच्या महिलेने पीडित मुलीसाठी स्थळ आणले. त्यानुसार पीडित मुलीला घेऊन आई व शेजारच्या महिलेसह अन्य मंडळी सोलापूर जिल्ह्यातील माढा तालुक्यात आली. तेथे घाई गडबडीत मुलीचा साखरपुडा उरकण्यात आला. नंतर तीनच दिवसांनी तिचे लग्नही लावून देण्यात आले. तत्पूर्वी, पीडित मुलीने आताच लग्न करायची इच्छा नसल्याने मामाशी गुपचूप मोबाइलद्वारे संपर्क साधून आपबीती सांगितली. त्याच वेळी आईने पीडित मुलीला फोन करून, मी तुझ्या नवऱ्याकडून पैसे घेऊन तुझे लग्न लावून दिले आहे, असे कळविले. त्यानंतर पीडित मुलीने नवऱ्याला विचारणा केली असता त्याने, तू हलक्या जातीची असल्यामुळे तुझ्या आईला साडेतीन लाख रुपये देऊन मी तुला विकत घेतले आहे. तू तुझ्या लायकीप्रमाणे आमच्याकडे गुपचूप राहा, असा दम भरला. लग्नाच्या रात्री घरात नवऱ्याने पीडित मुलीचा विनयभंग केला.

हेही वाचा : Maharashtra Bandh : ‘उद्याचा महाराष्ट्र बंद मागे घ्या’, मुंबई उच्च न्यायालयाच्या निर्णयानंतर शरद पवारांचं आवाहन

शेवटी हे लग्न आपल्या इच्छेविरुद्ध झाल्याने पीडित मुलीने सोलापुरातील आपल्या मामाशी संपर्क साधून, त्याच्या मदतीने सोलापूर गाठले आणि पोलिसांत धाव घेतली. आरोपींविरुद्ध अनुसूचित जाती-जमाती अत्याचार प्रतिबंधक अधिनियम, बालविवाह प्रतिबंधक अधिनियम, बाललैंगिक शोषण प्रतिबंधक कायद्यानुसार हा गुन्हा फौजदार चावडी पोलिसांनी नोंदवून कुर्डूवाडी पोलीस ठाण्यास वर्ग केला आहे.