वाई:विख्यात इज्राईली वनस्पतिशात्रज्ञ, वैज्ञानिक आणि सुप्रसिद्ध होमिओपॅथ डॉ. श्रीमती मिखाल याकीर यांनी सुप्रसिद्ध अशा कास पुष्प पठारास भेट दिली.यावेळी साताऱ्यातील डॉ. अजित कुलकर्णी उपस्थित होते.साताऱ्यातील वास्तव्यात श्रीमती याकीर आणि श्रीमती मोअर यांनी जगप्रसिद्ध अशा कास पठार आणि ठोसेघर धबधब्यासोबत कुमुदिनी सरोवरासही भेट दिली. येथील विविधरंगी पुष्पांचे सौन्दर्य, प्रसन्न, शुद्ध तसेच आल्हाददायक वातावरण अनुभवून त्या दोघीही अत्यंत प्रभावित झाल्या. कास पठारावरील निसर्गाच्या सान्निध्यामुळे आपणास अत्युच्च कोटीचे आणि आश्चर्यकारक असे भावनिक समाधान मिळाल्याचेत्यांनी आवर्जून सांगितले. या परिसरास केवळ अभ्यासासाठीच नव्हे तर मानसिक समाधानासाठी सुद्धा वारंवार भेट देण्याचा मोह होतो असेही त्यांनी सांगितले. या निसर्ग सहवासात डॉ. याकीर यांना वन अधिकारी. माने आणि मार्गदर्शक श्रीरंग शिंदे यांनी मोलाचे सहकार्य केले. यावेळी कास पठार समितीने डॉ. याकीर यांना कास पठाराचे चित्र देऊन उचित सन्मान केला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
