“शिरसाट यांचं काय होणार? एक टोपी घेतली, दुसरीवर अन्याय का?” जयंत पाटलांची तुफान फटकेबाजी; सभागृहात पिकला हशा

हेही वाचा>> “इकडे या, कुठलीही भानगड न ठेवता मुख्यमंत्रीपद देऊ!” भर सभागृहात जयंत पाटलांची एकनाथ शिंदेंना ऑफर

“तुम्ही अब्दुल सत्तार यांना मंत्री केलं. संदीपान भुमरे यांना मंत्री केलं. आता आमच्या संजय शिरसाट यांचं काय होणार? शिरसाट यांना काही चान्स आहे का? एका जिल्ह्यात दोन मंत्री झाले. संजय शिरसाट यांना कसं अॅडजस्ट करणार? हरिभाऊ रोठोड यांनी आरएसएसचं काम खूप वर्षे केलं. त्यांना एकदा विधानसभेचं अध्यक्ष केलं. त्यावेळी ते चिडले होते. औरंगाबाद जिल्ह्याची एक टोपी घेतली मग दुसरी टोपी का नाही घेतली? जी निष्ठेची टोपी आहे ती बाहेर ठेवली,” अशी टोलेबाजी जयंत पाटील यांनी केली.

हेही वाचा>> “कोणी काहीही म्हणू दे, पण छत्रपती शिवाजी महाराजांचे खरे गुरू हे…”; अमोल कोल्हेंचं राज्यपाल कोश्यारींसमोर विधान!

“आमच्या काँग्रेसच्या विचाराच्या माणसाला तुम्ही खांद्यावर घेतलं. अब्दुल सत्तार आमचे मित्र आहेत. ते २०२४ च्या विधानसभा निवडणुकीत आमच्याच पक्षाच्या तिकिटावर निवडणूक लढवणार आहेत. हरिभाऊ राठोड यांच्यासारख्या भाजपाच्या ज्येष्ठ नेत्यांचा यावेळी विचार का नाही केला?” असे मिश्किल भाष्य करत त्यांनी भाजपा तसेच शिंदे गटातील असंतुष्ट नेत्यांना डिवचण्याचा प्रयत्न केला.

हेही वाचा>> सर्व काही घटनाबाह्य करायचं आहे का? विचारणाऱ्या आदित्य ठाकरेंना एकनाथ शिंदेंनी दिलं उत्तर, म्हणाले “काही लोक…”

पुढे त्यांनी एकनाथ शिंदे यांनी मुख्यमंत्रीपदाची खुली ऑफर दिली. “मनावर दगड ठेवून एकनाथ शिंदे यांना मुख्यमंत्री केलं आहे, असे चंद्रकांत पाटील एका बैठकीत म्हणाले होते. भारतीय जनता पक्षाने मनावर दगड ठेवून आमच्या शिंदे यांना मुख्यमंत्री केले असेल तर कुठलीही भानगड ठेवता आम्ही एकनाथ शिंदे यांना मुख्यमंत्री होण्याची संधी देऊ. तुमच्यातील गुण पाहता तसे करण्यास कोणीही नकार देणार नाही,” असे मिश्किल भाष्य करत जयंत पाटील यांनी एकनाथ शिंदे यांना मुख्यमंत्रीपदाची ऑफर दिली.