“महिला मुलं जन्माला घालणाऱ्या मशीन्स नाहीत”, ‘त्या’ चित्रपटावरून जितेंद्र आव्हाडांचा संताप

जितेंद्र आव्हाड म्हणाले, “गरिबांनी चित्रपट पाहिले म्हणून अमिताभ बच्चन सुपरस्टार झाला. त्याने केलेल्या भूमिका पाहून असं वाटायचं की तो आपल्यासाठी भांडतोय. मात्र आता चित्रपट दाखवणाऱ्या लोकांचा द्वेष पसरवण्यासाठी वापर होतोय. ‘केरला स्टोरी’ हा चित्रपट प्रदर्शित झाला आणि तीन दिवसात तो चित्रपटगृहांनी काढून टाकला. आता हा (हमारे बारह) चित्रपट आणतायत. या चित्रपटात कुराणचा वपर केला आहे. मात्र कुराणमध्ये लिहिलेल्या गोष्टी मोडून-तोडून सादर केल्या आहेत. कुराण आपल्यासमोर चुकीच्या पद्धतीने मांडलं आहे. चित्रपटात जे दाखवलं जातंय ते खोटं आहे. कारण कुराणमध्ये सांगितलं आहे की, पतीने पत्नीशिवाय कुठेही जायचं नाही.”

आणखी वाचा

“मन दुखावले, जिव्हारी लागले…” आमदार संजय राठोड असे का म्हणाले?

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

नातवाच्या जन्मानंतर अमिताभ बच्चन मिठाई घेऊन आले अन्…, नाना पाटेकरांनी सांगितला किस्सा; ‘ती’ भेटवस्तू अजूनही ठेवलीये जपून

महाराष्ट्र पुढे जाणार तरी कसा?

“भावाचं लग्न सिंधी मुलीशी, मुलगी पंजाबी कुटुंबात अन् मुलगा…”; अमिताभ बच्चन यांचे कुटुंबातील सदस्यांच्या लग्नाबाबत वक्तव्य

“मूर्ख आणि बिनडोक…”, अमिताभ बच्चन कोणावर भडकले? म्हणाले, “विवेकहीन आणि अर्धवट बुद्धी…”

रेखा यांनी सांगितला अमिताभ बच्चन यांच्याबरोबर ‘सुहाग’ या चित्रपटात काम करण्याचा अनुभव, म्हणाल्या, “ज्यांच्याबरोबर मी…”

“ऐश्वर्या-अभिषेक बच्चनचा स्वभाव एकमेकांच्या अगदी विरुद्ध…”, ‘कुछ ना कहो’फेम अभिनेत्रीचा खुलासा

शरद पवार गटातील आमदार म्हणाले, “एखाद्या दाम्पत्यामधील संबंध कसे असावेत हे देखील कुराणमध्ये सांगितलं आहे. संभोग कसा करावा हेदेखील त्यात सांगितलं आहे. कोणी किती मुलं-मुली जन्माला घालावी हे त्यात सांगितलेलं नाही. खरंतर मुलांचा विषय सामाजिक आणि आर्थिक गोष्टींशी संबंधित असतो. घरात किती पैसे येतायत ते पाहून लोक मुलं जन्माला घालण्याचा निर्णय घेतात. आता त्यांनाही (मुस्लिमांना) समजलं आहे. सध्याची परिस्थिती काय आहे, मुलं शिकली नाहीत तर काय होऊ शकतं, शिक्षणाच्या आभावामुळे त्यांच्या कित्येक पिढ्या बरबाद झाल्याचं आपण पाहिलं-वाचलं आहे. तरीदेखील तुम्ही लोक एखाद्या समाजाला कोपऱ्यात नेऊन किती मारणार आहात? इतका चुकीचा चित्रपट आणणं, तो लोकांना दाखवणं चुकीचं आहे. महिलांची काही आब्रू नाही का? महिला काय मुलं जन्माला घालणाऱ्या मशीन्स आहेत का? मुस्लीम महिलांनाही महत्त्व द्या, त्यांचा आदर राखा.”

हे ही वाचा >> “निवडणुकीत भाजपाचा पराभव झाला तर…”, भारताच्या अर्थव्यवस्थेबाबत माजी RBI गव्हर्नर रघुराम यांचं मोठं वक्तव्य

आव्हाड म्हणाले, “या चित्रपटामधून कुराणचं चुकीच्या पद्धतीने चित्रण करण्यात आलं आहे. सेन्सॉरने त्यावर कुठलाही आक्षेप न घेता प्रदर्शनाला मान्यता कशी दिली? चित्रपटकर्त्यांनी असं काहीतरी बनवण्यापूर्वी कुराण वाचायला हवं, तपासायला हवं. असं काहीतरी केल्यामुळे समाजात वितुष्ट निर्माण होतंय आणि यात देशाचं हित नाही हे काही लोकांच्या लक्षात कसं येत नाही? जनतेलाही समजलं आहे की हे सगळं केवळ राजकीय कारणांसाठी वापरलं जातंय.”