भाजपाचे नेते आणि माजी खासदार किरीट यांनी महाविकास आघाडी सरकारच्या काळात सत्ताधाऱ्यांवर वेगवेगळे आरोप केले होते, त्यांचे घोटाळे बाहेर काढले होते. राज्यात महायुतीचं सरकार आल्यापासून किरीट सोमय्या प्रसिद्धीपासून थोडे लांब राहिले आहेत. मात्र, सोमय्या यांनी आता महायुती सरकारच्याच कारभारावर बोट ठेवलं आहे. सोमय्या म्हणाले, “गेल्या दोन वर्षात मी पाहिलं की या सरकारनेही गोंधळ घालण्याचा प्रयत्न केला होता. या सरकारमधील लोकांनीही घोटाळा करण्याचे प्रयत्न केले. कारण व्यक्ती तर त्याच आहेत ना… (मविआतील अनेक नेते आज महायुतीत आहेत.) तिथले लोकच तुम्ही इकडे घेतले आहेत. परंतु, मी दिल्लीत जाऊन ज्या लोकांना या घोटाळ्याबद्दल सांगायला हवं होतं त्यांना या याबाबत माहिती दिली. एक मंत्री पूर्वी घोटाळा करत होता, तो आधी एकटा करत होता, आता महायुतीच्या सरकारमध्येही त्याने तसा प्रयत्न केला. तसेच या घोटाळ्यात त्याने एका भाजपावाल्याला साथीदार करून घेतलं होतं.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
