चंद्रपुरात राष्ट्रवादी काँग्रेसची पदाधिकारीच निघाली दुचाकी चोर, टोळी गजाआड, ११ वाहनं जप्त, नेमकं काय घडलं?

नेमकं काय घडलं?

चंद्रपुरात वाढत्या दुचाकी चोरीची प्रकरणं वाढल्यानंतर पोलिसांनी या प्रकरणाचा सखोल तपास सुरू केला. यावेळी पोलिसांना एक व्यक्ती काळ्या रंगाची दुचाकी विकण्यासाठी ग्राहकाचा शोध घेत असल्याची गुप्त माहिती मिळाली. यानंतर पोलिसांनी सापळा रचून या आरोपीला अटक केली. याचा अधिक तपास केला असता संबंधित दुचाकी चोरीची असल्याचं स्पष्ट झालं. पोलिसी खाक्या दाखवल्यानंतर आरोपीने त्याच्या साथीदारांसह तब्बल ११ दुचाकी चोरल्याचीह कबुली दिली.

आणखी वाचा

Crime News : कर्माचे फळ! अपघातानंतर मृत्युशी झुंजणाऱ्या व्यक्तीला तसंच सोडलं… बाईक घेऊन पळालेल्या तिघांचाही अपघात

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

कर्जत : जामखेड जवळ बोलेरो जीप विहिरीत पडून चार ठार

कल्याणमध्ये चिंचपाडा येथे मुलीची छेड काढणाऱ्या टवाळखोरांना नागरिकांचा चोप

लोकजागर: शून्य शहर!

पालकमंत्री वाटपाचा घोळ दोन दिवसात संपणार, बावनकुळेंचे संकेत

पुणे : टिळक रस्त्यावर मध्यरात्री थरार, भरधाव मोटार दुकानाच्या दरवाजा तोडून आत शिरली

भंडारा : ‘नील’ला नेणारा तो ‘हरा मामा’ कोण ? चार दिवसांनंतर रहस्य…

चोरीची अनोखी शक्कल

चोरांनी दुचाकी चोरीची अनोखी शक्कल लढवली. राष्ट्रवादी काँग्रेसची पदाधिकारी असलेली तरुणी आपल्या दोन सहकाऱ्यांसह या चोऱ्या करत होती. सर्वात आधी ही टोळी विना लॉक असलेल्या दुचारी हेरायची. त्या गाडीवर आणि चालकावर लक्ष ठेऊन संधी मिळताच आरोपी तरुणी ही गाडी लोटत दूर न्यायचे. तिला तिचा एक साथीदार गाडी लोटण्यासाठी मदत करायचा. यावेळी गाडीची नंबर प्लेट देखील बदलली जायची.

गाडी विर्जनस्थळी नेल्यानंतर त्यांचा तिसरा साथी गाडीची नकली चावी तयार करून गाडी चालू करायचे आणि मग ही गाडी लपून ठेवली जायची. चोरी केलेल्या महागड्या गाड्या पैशांसाठी अगदी कमी किमतीत विकल्या जायच्या. यासाठी योग्य ग्राहकांचा शोध घेतला जायचा.

आरोपींकडून ११ दुचाकींसह ६ लाख ३० हजाराचा मुद्देमाल जप्त

पोलिसांनी आरोपींकडून तब्बल ११ दुचाकींसह एकूण ६ लाख ३० हजार रुपयांचा मुद्देमाल जप्त केला आहे. यातील ५ दुचाकी रामनगर पोलीस स्टेशन हद्दीतून, ३ दुचाकी चंद्रपूर शहर हद्दीतून, १ दुचाकी बल्लारशाह परिसरातून आणि २ दुचाकी इतर ठिकाणाहून ताब्यात घेण्यात आल्यात.

आरोपी तरुणीचं राष्ट्रवादीकडून महिन्यापूर्वीच निलंबन

दरम्यान, हे प्रकरण समोर आल्यानंतर चंद्रपूर राष्ट्रवादी काँग्रेसचे जिल्हाध्यक्ष राजीव कक्कड यांनी आरोपी तरुणीचं महिनाभरापूर्वीच निलंबन केल्याचा दावा केलाय. मात्र, या तरुणीच्या फेसबुकवर अजूनही ती राष्ट्रवादी काँग्रेसच्या पदावर असल्याचा उल्लेख आहे.