लोकसत्ता प्रतिनिधी
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
सोलापूर : गेली दहा वर्षे भाजपमध्ये राहिलेले आणि विधानसभा निवडणुकीच्या तोंडावर ‘घरवापसी’ केलेले माजी मंत्री प्रा. लक्ष्मण ढोबळे यांना राष्ट्रवादी काँग्रेस शरद पवार पक्षात मोठी जबाबदारी देण्यात आली आहे. पक्षाच्या प्रदेश उपाध्यक्षपदी त्यांची वर्णी लागली आहे. एकीकडे वडिलांना पक्षात मानाचे पान मिळाले असताना दुसरीकडे त्यांचे पुत्र अभिजीत ढोबळे यांनी पक्षाच्या विरोधात सूर आळवला आहे. त्यामुळे हा चर्चेचा विषय झाला आहे.
विधानसभा निवडणुकीच्या तोंडावर प्रा. ढोबळे यांनी दहा वर्षांपासूनचा भाजपबरोबर कसाबसा चाललेला संसार मोडीत काढून राष्ट्रवादी शरद पवार पक्षात प्रवेश केला होता. मोहोळ राखीव विधानसभा मतदारसंघातून त्यांचे पुत्र अभिजीत ढोबळे आणि कन्या कोमल साळुंखे- ढोबळे या दोघांनी राष्ट्रवादी शरद पवार पक्षाकडे उमेदवारीची मागणी केली होती. पक्षाने राजू खरे यांना उमेदवारी दिली आहे.
दरम्यान, राज्यातील राजकारणात दलित चेहरा म्हणून ओळखले जाणारे आणि पूर्वी अनेक वर्षे शरद पवार यांच्यावर निष्ठा वाहिलेले माजी मंत्री प्रा. लक्ष्मण ढोबळे हे ‘घरवापसी’ करताच त्यांना राष्ट्रवादी शरद पवार पक्षाच्या प्रदेश उपाध्यक्षपदावर सामावून घेण्यात आले आहे. पक्षाचे प्रदेशाध्यक्ष जयंत पाटील यांनी त्यांना नेमणूकपत्र प्रदान केले आहे.प्रा. ढोबळे यांनी २०१४ नंतर शरद पवार यांची साथ सोडत भाजपमध्ये प्रयत्नपूर्वक प्रवेश मिळविला होता. त्यांच्यावर पक्षाच्या प्रदेश प्रवक्ते पदाची जबाबदारी सोपविण्यात आली होती. परंतु अलीकडे ते भाजपमध्ये फारसे रमले नव्हते. ते पक्षात माघारी फिरले आहेत.
तथापि, दुसरीकडे मोहोळ राखीव मतदार संघातून उमेदवारी डावलली गेल्यामुळे नाराज झालेले प्रा. ढोबळे यांचे पुत्र अभिजीत ढोबळे यांनी मात्र राष्ट्रवादी शरद पवार पक्षाच्या विरोधात सूर आळवायला सुरुवात केली आहे. पक्षाचे उमेदवार राजू खरे यांच्या विषयी त्यांनी उघडपणे नाराजी व्यक्त केली असून खरे यांच्या अवतीभवती शिवसेना एकनाथ शिंदे गटाच्या मंडळींचा वावर असतो. जे पक्षाचे सदस्य होते, त्यांना उमेदवारी डावलण्यात आली आणि जे पक्षाचे सदस्य नव्हते, त्यांना उमेदवारी देण्यात आल्याबद्दल अभिजीत ढोबळे यांनी नाराजी व्यक्त केली आहे. राजू खरे हे मुख्यमंत्री एकनाथ शिंदे यांचे निकटवर्तीय आहेत. त्यांचा प्रचार करायचा की नाही, याबाबतचा निर्णय येत्या १४ नोव्हेंबर रोजी आपण कार्यकर्त्यांच्या बैठकीत घेणार आहोत, असे ढोबळे यांनी सांगितले.
सोलापूर : गेली दहा वर्षे भाजपमध्ये राहिलेले आणि विधानसभा निवडणुकीच्या तोंडावर ‘घरवापसी’ केलेले माजी मंत्री प्रा. लक्ष्मण ढोबळे यांना राष्ट्रवादी काँग्रेस शरद पवार पक्षात मोठी जबाबदारी देण्यात आली आहे. पक्षाच्या प्रदेश उपाध्यक्षपदी त्यांची वर्णी लागली आहे. एकीकडे वडिलांना पक्षात मानाचे पान मिळाले असताना दुसरीकडे त्यांचे पुत्र अभिजीत ढोबळे यांनी पक्षाच्या विरोधात सूर आळवला आहे. त्यामुळे हा चर्चेचा विषय झाला आहे.
विधानसभा निवडणुकीच्या तोंडावर प्रा. ढोबळे यांनी दहा वर्षांपासूनचा भाजपबरोबर कसाबसा चाललेला संसार मोडीत काढून राष्ट्रवादी शरद पवार पक्षात प्रवेश केला होता. मोहोळ राखीव विधानसभा मतदारसंघातून त्यांचे पुत्र अभिजीत ढोबळे आणि कन्या कोमल साळुंखे- ढोबळे या दोघांनी राष्ट्रवादी शरद पवार पक्षाकडे उमेदवारीची मागणी केली होती. पक्षाने राजू खरे यांना उमेदवारी दिली आहे.
दरम्यान, राज्यातील राजकारणात दलित चेहरा म्हणून ओळखले जाणारे आणि पूर्वी अनेक वर्षे शरद पवार यांच्यावर निष्ठा वाहिलेले माजी मंत्री प्रा. लक्ष्मण ढोबळे हे ‘घरवापसी’ करताच त्यांना राष्ट्रवादी शरद पवार पक्षाच्या प्रदेश उपाध्यक्षपदावर सामावून घेण्यात आले आहे. पक्षाचे प्रदेशाध्यक्ष जयंत पाटील यांनी त्यांना नेमणूकपत्र प्रदान केले आहे.प्रा. ढोबळे यांनी २०१४ नंतर शरद पवार यांची साथ सोडत भाजपमध्ये प्रयत्नपूर्वक प्रवेश मिळविला होता. त्यांच्यावर पक्षाच्या प्रदेश प्रवक्ते पदाची जबाबदारी सोपविण्यात आली होती. परंतु अलीकडे ते भाजपमध्ये फारसे रमले नव्हते. ते पक्षात माघारी फिरले आहेत.
तथापि, दुसरीकडे मोहोळ राखीव मतदार संघातून उमेदवारी डावलली गेल्यामुळे नाराज झालेले प्रा. ढोबळे यांचे पुत्र अभिजीत ढोबळे यांनी मात्र राष्ट्रवादी शरद पवार पक्षाच्या विरोधात सूर आळवायला सुरुवात केली आहे. पक्षाचे उमेदवार राजू खरे यांच्या विषयी त्यांनी उघडपणे नाराजी व्यक्त केली असून खरे यांच्या अवतीभवती शिवसेना एकनाथ शिंदे गटाच्या मंडळींचा वावर असतो. जे पक्षाचे सदस्य होते, त्यांना उमेदवारी डावलण्यात आली आणि जे पक्षाचे सदस्य नव्हते, त्यांना उमेदवारी देण्यात आल्याबद्दल अभिजीत ढोबळे यांनी नाराजी व्यक्त केली आहे. राजू खरे हे मुख्यमंत्री एकनाथ शिंदे यांचे निकटवर्तीय आहेत. त्यांचा प्रचार करायचा की नाही, याबाबतचा निर्णय येत्या १४ नोव्हेंबर रोजी आपण कार्यकर्त्यांच्या बैठकीत घेणार आहोत, असे ढोबळे यांनी सांगितले.
