राज्यातील मुलींच्या सक्षमीकरणासाठी लेक लाडकी योजना, शिंदे-फडणवीस-पवार सरकारचे ७ मोठे निर्णय

मुख्यमंत्री एकनाथ शिंदे यांच्या अध्यक्षतेखाली राज्य मंत्रिमंडळाची बैठक पार पडली. या बैठकीत विविध निर्णय घेण्यात आले. या बैठकीला उपमुख्यमंत्री देवेंद्र फडणवीस, उपमुख्यमंत्री अजित पवार यांच्यासह मंत्रिमंडळातील सदस्य उपस्थित होते, अशी माहिती सीएमओ ‘एक्स’ ( ट्वीटर ) अकाउंटवरून देण्यात आली.

मंत्रिमंडळ बैठकीत कुठले निर्णय घेण्यात आले?

• राज्यात मुलींच्या सक्षमीकरणासाठी लेक लाडकी योजना. मुलींना करणार लखपती. ( महिला आणि बालविकास विभाग )

• सार्वजनिक खासगी भागीदारीतून उदंचन जलविद्युत प्रकल्पासाठी धोरण. मोठ्या प्रमाणावर खासगी गुंतवणूक जलविद्युतमध्ये येणार. ( जलसंपदा विभाग )
• सांगली, अहमदनगर जिल्ह्यात जिल्हा व अतिरिक्त सत्र न्यायालये ( विधी आणि न्याय विभाग )
• पात्र माजी खंडकरी शेतकऱ्यांना १ एकरापेक्षा कमी जमीन मिळणार. ( महसूल विभाग )
• फलटण ते पंढरपूर नवीन ब्रॉडगेज रेल्वेमार्ग आता रेल्वे मंत्रालयातर्फे पूर्ण करणार ( परिवहन विभाग )
• भोसला मिलिटरी स्कूलला नागपूर येथे जमीन ( महसूल आणि वन विभाग )
• विद्यापीठाच्या नावात औरंगाबाद ऐवजी छत्रपती संभाजीनगर बदल करण्यास मान्यता. ( उच्च आणि तंत्र शिक्षण विभाग )