राजापूर : मांजराचा पाठलाग करताना बिबट्या सांड पाण्याच्या टाकीत पडून मृत्यू

टाकीत पडलेला बिबट्या सुमारे अडीज ते तीन वर्षाचा मादी जातीतील असून शवविच्छेदनानंतर वन विभागाच्या वतीने त्याच्यावर अंत्यसंस्कार करण्यात आले. याबाबत वन विभागाकडून मिळालेल्या माहितीनुसार शनिवार १० ऑगस्टला सकाळी साडेनऊ वाजण्याच्या सुमारास रायपाटण, टक्केवाडी येथील रामचंद्र बाळकृष्ण रोडे यांच्या घराजवळ सांडपाण्यासाठी बांधण्यात आलेल्या सिमेंटच्या टाकीमध्ये बिबटया मृत अवस्थेत पडला असल्याची  माहिती टक्केवारी  पोलीस पाटील  मृन्मयी पांचाळ यांनी परिमंडळ वन अधिकारी राजापूर यांना दूरध्वनी वरून दिली. त्यांनी या घटनेची माहिती परिक्षेत्र वन अधिकारी रत्नागिरी यांना देखील दिली.

आणखी वाचा

वाघाच्या हल्ल्यात शेतकरी ठार

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

कोंढव्यात दुचाकी घसरुन महिलेचा मृत्यू; दुचाकीस्वार पती जखमी

पाळीव प्राण्यांच्या विरहाच्या भीतीने नैराश्य, तरुणाची गळफास घेऊन आत्महत्या

ठाणे : अपघातात एकाचा मृत्यू, ओवळा नाका येथील घटना

ठाणे : वाद सोडविण्यासाठी गेलेल्या तरुणाच्या डोक्यात चाकूने भोसकले

Wasim Akram : तब्बल ५५ हजारात कापले मांजरीचे केस! बिल पाहून वसीम अक्रम चकित; म्हणाला, ‘इतक्या पैशात तर पाकिस्तानात…’, पाहा VIDEO

“तोंड रक्ताने माखलेली एक…”, दिव्या भारतीच्या निधनाबद्दल बॉलीवूड अभिनेत्रीचा मोठा खुलासा; तिला पडताना ‘या’ व्यक्तीने पाहिल्याचा केला दावा

हेही वाचा…Amit Shah : “हर्षवर्धन नेहमी माझी कॉलर पकडून म्हणतो…”, अमित शाहांनी सांगितला किस्सा; म्हणाले, “हा तुमचा वकील…”

त्यानंतर  वनपाल राजापूर, वनरक्षक राजापूर व रेस्क्यू टीमसह घटनास्थळी दाखल झाले. व त्यांनी पाहणी केली असता, बिबट्या हा घराच्या बाजूलाच  सांडपाण्यासाठी बांधण्यात आलेल्या टाकीमध्ये असलेल्या पाण्यात मृतावस्थेत आढळून आला. त्याच्या बाजूलाच ज्या भक्षाचा त्याने पाठलाग केला होता, ते मांजर देखील मृत होऊन पडले होते. वनविभागाच्या अधिकाऱ्यांनी त्या बिबट्याला दोरीच्या सहाय्याने बाहेर काढले. त्यानंतर मृत बिबटयाची रीतसर तपासणी करण्यात आली. त्याच्या शरीराचे सर्व अवयव सुस्थेतीत होते. मृत बिबट्या हा मादी  असून त्याचे  वय अडीच ते तीन वर्ष असल्याची माहिती वन विभागाच्या अधिकाऱ्यांनी दिली. तर पशुधन विकास अधिकारी प्रभास किनरे यांचे मार्फत  शवविच्छेदन करण्यात आले.  टाकीत असलेल्या पाण्यात गुदमरून  बिबटयाचा मृत्यू झाल्याचे पशुवैद्यकीय अधिकारी राजापूर यांनी सांगितले.