‘लोकसत्ता जिल्हा निर्देशांक’ कार्यक्रमात देवेंद्र फडणवीस यांचं महत्त्वाचं वक्तव्य! म्हणाले, “सरकारलाही या माहितीचा…”

'लोकसत्ता जिल्हा निर्देशांका'चं देवेंद्र फडणवीस आणि गौतम ठाकूर यांच्या हस्ते प्रकाशन करण्यात आलं आहे. तसंच उपमुख्यमंत्री देवेंद्र फडणवीस यांच्यासह सर्व विजेत्या जिल्हाधिकाऱ्यांनी फोटोही काढला

'लोकसत्ता जिल्हा निर्देशांक' याचा आम्हालाही अभ्यासासाठी उपयोग होणार आहे. यामध्ये एखादा जिल्हा तळाला आहे त्याला वरती आणण्यासाठी आम्हाला विचार करता येईल. 'लोकसत्ता'च्या या उपक्रमाचे मी आभार मानतो. या डेटाच्या आधारे अनेक मुलभूत बदल आपण घडवू शकतो असंही देवेंद्र फडणवीस यांनी म्हटलं आहे.

आज आपण ट्रान्सहार्बर लिंक तयार करतो आहोत. नेक्स्ट आय टी कॅपिटल हे नवी मुंबई असेल. कारण एका पुलाने आपण नवी मुंबईला मुंबईचा भाग करतो आहोत. मेट्रोचे प्रकल्प, कोस्टल रोड या पायाभूत सुविधा आहेत. पायाभूत सुविधा मूलभूत बदल घडवू शकतात. महाराष्ट्राचा जो विकास झाला त्यामध्ये जेएनपीटी बंदराचं महत्त्व वेगळं आहे.

लोकसंख्येची गणना कोव्हिडमुळे होऊ शकली नाही. पण त्यामुळे समोर येणारा डेटा किती महत्त्वाचा आहे ते आपल्याला लक्षात येतं. ३० कोटी लोकांपर्यंत शुद्ध पाणी पोहचत नाही ही बाबही डेटामुळेच समोर आली. बेघरांची संख्याही डेटामुळेच समोर आली, त्यानंतर त्यांना घरं देण्याची योजना तयार करता आली. हे सगळं असलं तरीही डेटाची अॅक्युरेसीही महत्त्वाची आहे असंही देवेंद्र फडणवीस यांनी म्हटलं आहे.

संगणकामुळे आणि डिजिटलायजेशनमुळे आपल्याला डेटा मिळू शकतो. निर्णय घेणं हे जर डेटावर आधारित असेल तर ते अधिक कार्यक्षम करता येतं. आज जो जिल्हा निर्देशांक सादर करतो आहोत. जे जिल्हे आजहीही तळाला आहेत किंवा निर्देशांकात कमी आहेत त्यांच्यासाठी आपल्याला धोरण आखावं लागेल असंही मत देवेंद्र फडणवीस यांनी म्हटलं आहे.

लोकसत्ता जिल्हा निर्देशांक या अतिशय चांगल्या कार्यक्रमात आपल्यात उपस्थित आमचे सहकारी मंगलप्रभात लोढा, आशिष शेलार, राजीव करंदीकर, गिरीश कुबेर, निरंजन राजाध्यक्ष, उपस्थित अनंत गोयंकाजी, सन्मानीय अतिथी गण आणि बंधू भगिनींनो. मी लोकसत्ता आणि सारस्वत बँकेचे गौतम ठाकूर यांचंं अभिनंदन करेन की एक चांगला उपक्रम समोर आणला.

लोकसत्ताचा हा नावीन्यपूर्ण उपक्रम आहे. या कार्यक्रमाला देवेंद्र फडणवीस हे या कार्यक्रमाचे प्रमुख पाहुणे आहेत.

लोकसत्ता निर्देशांक या कार्यक्रमात दिग्गजांची उपस्थिती

पाहा लोकसत्ताचा विशेष कार्यक्रम

मान्यवरांच्या उपस्थित नव्या सोहळ्याची सुरूवात

राज्यातील जिल्ह्यांच्या प्रगतीच्या पाऊलखुणांचा मागोवा घेण्यासाठी ‘लोकसत्ता’तर्फे हाती घेण्यात आलेल्या ‘जिल्हा निर्देशांक’ उपक्रमाची सांगता आज (३ मार्च) मुंबईत उपमुख्यमंत्री देवेंद्र फडणवीस यांच्या उपस्थितीत होत आहे.

‘लोकसत्ता’तर्फे हाती घेण्यात आलेल्या ‘जिल्हा निर्देशांक’ उपक्रमात विख्यात सांख्यिक आणि गणिती, केंद्रीय सांख्यिकी आयोगाचे प्रमुख राजीव करंदीकर यांचे ‘विकासासाठी विदा महती’ या विषयावर व्याख्यान होत आहे.

श्रीमती पवनीत कौर, जिल्हाधिकारी, अमरावती</p>

पृथ्वीराज बी. पी. जिल्हाधिकारी, लातूर

इक्बालसिंह चहल, आयुक्त, मुंबई महापालिका

मिलिंद शंभरकर, जिल्हाधिकारी, सोलापूर

डॉ. विबीन इटनकर, जिल्हाधिकारी, नागपूर

अभिजित राऊत, जिल्हाधिकारी, नांदेड

रूचेश जयवंशी, जिल्हाधिकारी, सातारा

मनिषा खत्री, जिल्हाधिकारी, नंदुरबार

जिल्हा विकास निर्देशांक सोहळ्याला थाटात सुरूवात झाली आहे. जिल्हा निर्देशांक महत्त्वाचा कार्यक्रम आहे असं मनोगत माजी मुख्य सचिव सीताराम कुंटे यांनी व्यक्त केलं आहे. जिल्हा स्तर आणि राज्य स्तरावर एक नवा विमर्श तयार होईल असंही सीताराम कुंटे यांनी म्हटलं आहे.

लोकसत्ता जिल्हा निर्देशांक कार्यक्रमाला सुरूवात. लोकसत्ताचे संपादक गिरीश कुबेर यांचं भाषण सुरू