महाबळेश्वर : किल्ले प्रतापगड परिसरात आढळला १२ फुटी अजस्र अजगर

जंगलात जखमी अवस्थेत हा अजगर दिसला. त्याच्या पाठीवर जखमा झाल्या होत्या. वनरक्षक रोहित लोहार, आशिष पाटील, लहू राऊत, दीपक सोरट, महादेव कट्टे, वनमजूर वागदरे, सह्याद्री प्रोटेक्‍टर्सचे संदेश भिसे, शुभम टेके यांनी हा अजगर पकडून सुरक्षितरित्या हिरडा विश्रामगृहात उपचारासाठी आणला होता. पशुवैद्यकीय अधिकारी डॉ. जयसिंग ससोदिया, डॉ. संदीप आरडे यांनी या अजगरावर उपचार केले. महाबळेश्वर तालुक्‍यात प्रथमच अजगर आढळला आहे. मादी जातीच्या या अजगराचे वजन चाळीस किलोहून अधिक असून त्याचे वय अंदाजे सात ते आठ वर्षे असावे, असे सांगण्यात आले आहे.