महाबळेश्वर : संस्थात्मक विलीगीकरण केंद्रात एकाची आत्महत्या

हा व्यक्ती मानसिक आजारी असल्याची माहिती समोर येत असून, त्याला दारुचे व्यसनही होते. याशिवाय तो सतत आत्महत्या करण्याची धमकी देखील देत होता, असेही स्थानिक व विलगीकरण कक्षातील त्याचा सहकाऱ्यांकडून सांगण्यात आले. ही व्यक्ती करोनाबाधित आहे की नाही हे अहवाल आल्यानंतर समजणार आहे.

घटनास्थळी प्रांताधिकारी संगीता राजापूरकर-चौगुले, तहसीलदार सुषमा पाटील, पोलीस निरीक्षक बी ए कोंडुभैरी, आरोग्य अधिकारी अजय कदम यांनी भेट दिली.  शवविच्छेदन करून मृतदेहावर अंत्यसंस्कार करण्यात येणार आहेत. घटनास्थळी आरोग्य विभागाचे कर्मचारी आणि पोलीस बंदोबस्त आहे. सदर व्यक्तीचे नाव प्रशासनाकडून कळवण्यात  आलेले नाही.