आगामी लोकसभा निवडणूक अवघ्या काही महिन्यांवर येऊन ठेपली आहे. तर राज्याच्या विधानसभा निवडणुकीला केवळ एक वर्ष बाकी आहे. त्यामुळे राज्यातल्या सर्वच राजकीय पक्षांनी निवडणुकीच्या अनुषंगाने तयारी सुरू केली आहे. दोन्ही निवडणुकांमध्ये राज्यात महायुती विरुद्ध महाविकास आघाडी असा सामना असला तर राज्यात महाराष्ट्र नवनिर्माण सेना, स्वाभिमानी शेतकरी संघटना, राष्ट्रीय समाज पक्ष, वंचित बहुजन आघाडी यांसारखे काही पक्ष आहेत जे महायुतीत किंवा महाविकास आघाडीत सहभागी झालेले नाहीत. राष्ट्रीय समाज पक्ष हा त्यापैकीच एक आहे. महादेव जानकरांचा हा पक्ष मागील निवडणुकीत एनडीएबरोबर होता. परंतु, यावेळी मात्र त्यांची भाजपाबरोबर युती झालेली नाही. पक्षाचे सर्वेसर्वा महादेव जानकर सध्या पक्षबांधणीसाठी काम करत आहेत. ते रासपच्या जनस्वराज्य यात्रेनिमित्त राज्यभर फरत आहेत. अशातच त्यांनी आगामी निवडणुकीत ‘एकला चलो रे’चा नारा दिला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
