शिंदे सरकारमधील १२ मंत्र्यांना फडणवीसांच्या मंत्रिमंडळात स्थान नाही, स्वतः मुख्यमंत्र्यांनीच सांगितलं डच्चू देण्याचं कारण

राज्यात याआधी देखील महायुतीचंच सरकार होतं. एकनाथ शिंदे हे त्या सरकारचे प्रमुख (मुख्यमंत्री) होते. त्यांच्या मंत्रीमंडळातील १२ मंत्र्यांना यावेळी फडणवीसांच्या मंत्रीमंडळात स्थान दिलेलं नाही. यामध्ये अनेक मोठ्या नेत्यांची नावं देखील आहेत. यात रवींद्र चव्हाण, तानाजी सावंत, दीपक केसरकर, छगन भुजबळ, दिलीप वळसे पाटील अशा मोठ्या नेत्यांचा देखील समावेश आहे.

हे ही वाचा >> फडणवीसांच्या मंत्रिमंडळात पश्चिम महाराष्ट्राचा वरचष्मा? तिन्ही पक्षांकडून सहकार पंढरीला झुकतं माप; साताऱ्यातील चौघांना संधी

या माजी मंत्र्यांना डावललं

हे ही वाचतो >> “आम्हाला मध्येच डच्चू मिळू शकतो”, संजय शिरसाटांनी सांगितला एकनाथ शिंदेंनी नवनिर्वाचित मंत्र्यांना दिलेला संदेश

मंत्र्यांना डच्चू देण्याचं कारण काय?

दरम्यान, मंत्र्यांच्या शपथविधीनंतर चहापानाचा कार्यक्रम पार पडला. त्यानंतर नव्या मंत्रीमंडळाची पहिली बैठक देखील पार पडली. या बैठकीनंतर मुख्यमंत्री व दोन्ही उपमुख्यमंत्र्यांनी प्रसारमाध्यमांशी बातचीत केली. यावेळी देवेंद्र फडणवीस म्हणाले, “आम्ही वेगवेगळ्या समाजांना, जिल्ह्यांना मंत्रिमंडळात प्रतिनिधित्व दिलं आहे”. यावर त्यांना प्रसारमाध्यमांच्या प्रतिनिधींनी विचारलं की अनेक ज्येष्ठ नेत्यांना मंत्रिमंडळात स्थान दिलेलं नाही. अनेक माजी मंत्री या मंत्रिमंडळात दिसत नाहीत. याची काय कारणं आहेत? यावर देवेंद्र फडणवीस म्हणाले, “यामागे वेगवेगळी कारण आहेत. मी माझ्या पक्षापुरतं उत्तर देईन. अनेकदा काही मंत्र्यांना पक्षांतर्गत कारणांमुळे मंत्रिमंडळात घेतलं जात नाही. उदाहरणार्थ पक्षाने एखाद्या नेत्याला वेगळी जबाबदारी द्यायचं ठरवलं असेल तर त्या नेत्याला आम्ही मंत्रिमंडळात घेत नाही. भाजपात कोणाला पक्षात मोठी जबाबदारी द्यायची असेल तर आम्ही त्यांना मंत्रिमंडळात स्थान देत नाही. तसेच असेही असू शकतं की एखाद्या नेत्याला त्याच्या कामगिरीमुळे मंत्रिमंडळात स्थान देणं टाळलेलं असू शकतं.