Maharashtra Assembly Election 2024 Live : शिवाजी पार्कातील मनसेची १७ तारखेची सभा रद्द, कारण देत राज ठाकरे म्हणाले….

पुणे : काँग्रेस आणि भाजप हा पारंपरिक प्रतिस्पर्धी असलेल्या पुणे कॅन्टोन्मेंट विधानसभा मतदारसंघातील यंदाची निवडणूक ही भाजपसाठी आव्हानात्मक, तर काँग्रेससाठी प्रतिष्ठेची झाली आहे. भाजपने पुण्यातील उमेदवार जाहीर केले असताना, शेवटच्या क्षणापर्यंत तिकिटासाठी झगडावे लागल्याने विद्यामान आमदार सुनील कांबळे यांना मागील पाच वर्षांत केलेल्या काही चुकांमुळे निर्माण झालेली प्रतिमा स्वच्छ करण्यासाठी धडपड करावी लागत आहे.

वाचा सविस्तर…

राज ठाकरेंनी चार भागातील जाहीरनामा प्रसिद्ध केला आहे. त्यापैकी पहिल्या भागात मुलभूत गरजा, दर्जेदार जीवनमान, पुरेसं अन्न, पिण्याचं पाणी, कायदा, सुव्यवस्था, महिला सुरक्षा, क्रिडा, बालसंगोपन, प्राथमिक शिक्षण आणि रोजगार

दुसरा भाग – दळणवळण, वीज, पाण्याचं नियोजन, महाराष्ट्राभर शहरांचे जाळे, घनकचरा व्यवस्थापन, मलनिस:रण, मोकळ्या जागा, पर्यावरण आणि जैवविवधता

तिसरा भाग- राज्याचं औद्योगिक धोरण, व्यापार धोरण, प्रशासन आणि उद्योग नियंत्रण, कृषी, पर्यटन आणि व्यावसायिक शिक्षण

चौथा भाग – मराठी अस्मिता, मराठी भाषेचा प्रचार, दैनंदिन वापरात मराठी, व्यवहारात मराठी, डिजिटल जगात मराठी जागतिक व्यावसीफाटवर मराठी, गड किल्ले संवर्धन, पारंपरिक खेळ.

चंद्रपूर : शहरातील सर्व मुख्य मार्ग, प्रमुख रस्ते, बगीच्या, वार्ड व प्रभागातील सर्व भागात पहाटेच्या सुमारास २०० रूपयांच्या नोटांचा अक्षरश: पाऊस पडला. जवळपास पाच ते सात करोड रूपयांच्या या नोटा ठिकठिकाणी आढळल्याने लोकांनाही आश्चर्याचा धक्का बसला.

वाचा सविस्तर…

१७ तारखेच्या सभेसाठी सरकारकडून परवानगी आलेली नाही. त्यामुळे दीड दिवस त्या सभेकरता उरलेला आहे. दीड दिवसांत या सभा करणं कठीण होऊन बसतंय. त्यामुळे १७ तारखेची सभा करत नाहीत. त्याऐवजी मुंबई ठाण्यातील मतदारसंघात दौरा सुरू होणार आहे- राज ठाकरे

मुंबई : अदानी कंपनीला मुंबईच्या उपनगरात वीज पुरवठा करण्याचे कंत्राट दिल्याने बृहन्मुंबई महानगरपालिकेचा ‘बेस्ट’ उपक्रम तोट्यात गेला असून परिणामी सामान्य मुंबईकरांचा प्रवास महाग आणि वीज दर अधिक झाले आहेत, अशी टीका ‘वंचित बहुजन आघाडी’चे अध्यक्ष ॲड. प्रकाश आंबेडकर यांनी केला.

वाचा सविस्तर…

अकोला : अकोट विधानसभा मतदारसंघात भाजपपुढे काँग्रेसचे तगडे आव्हान आहे. वंचित आघाडी देखील रिंगणात असून गठ्ठा मतदार लक्षात घेत पक्षांनी उमेदवार दिले. जातीय राजकारण कुणाच्या पथ्यावर पडणार, यावर मतदारसंघातील समीकरण जुळून येण्याची चिन्हे आहेत.

वाचा सविस्तर…

चंद्रपूर : लोकसभा निवडणुकीत पंतप्रधान नरेंद्र मोदी यांच्या जाहीर सभेचा फायदा भाजपला झाला नाही. उलट नुकसान अधिक झाले. त्यामुळे मोदी यांच्या चिमूर येथील सभेचा लाभ विधानसभा निवडणुकीत पूर्व विदर्भातील नागपूर, भंडारा, गोंदिया, गडचिरोली, चंद्रपूर व वर्धा जिल्ह्यातील महायुतीच्या उमेदवारांना होणार का, असा प्रश्न राजकीय वर्तुळात चर्चिला जात आहे.

वाचा सविस्तर…

गडचिरोली : विधानसभा निवडणूक शेवटच्या टप्प्यात आल्याने जिल्ह्यातील सर्वच मतदारसंघांत राजकीय वातावरण तापले आहे. गडचिरोली विधानसभेत काँग्रेस आणि भाजप या दोन्ही पक्षांनी नव्या उमेदवारांना मैदानात उतरवल्याने यंदा निवडणुकीत चांगलीच चुरस निर्माण झाली आहे. याठिकाणी भाजपकडून डॉ. मिलिंद नरोटे तर काँग्रेसकडून मनोहर पोरेटी आमनेसामने आहेत.

वाचा सविस्तर…

बुलढाणा : मागासवर्गीयांसाठी राखीव असलेला मेहकर विधानसभा मतदारसंघ शिवसेनेचा बालेकिल्ला. १९९५ पासून २०१९ पर्यंत या मतदारसंघात शिवसेनेचाच भगवा फडकला. आता शिवसेनेची दोन शकले झाल्याने गेल्या साडेतीन दशकात प्रथमच शिवसेना विरुद्ध शिवसेना अर्थात ठाकरे गट विरुद्ध शिंदे गट, अशी लढत रंगली आहे.

वाचा सविस्तर…

महायुती आणि मनसेची विचारसरणी एकच आहे. दोघांनीही हिंदुत्वाचा पुरस्कार केला आहे. राज ठाकरे यांनी लोकसभा निवडणुकीत आम्हाला पाठिंबा दिला होता. पण विधानसभा निवडणूक ते स्वतंत्रपणे लढत आहेत. पक्ष निवडणुकीपासून सतत दूर राहिल्यास कार्यकर्त्यांमध्ये शैथिल्य येते. यातूनच बहुधा राज ठाकरे हे स्वतंत्रपणे लढत असावेत. शेवटी पक्ष चालविण्याचा त्यांचा वैयक्तिक निर्णय आहे. मनसेने महायुतीत बरोबर यावे, असे प्रयत्न झाले. पण काही कारणाने ते शक्य झाले नाही, असे मत देवेंद्र फडणवीस यांनी लोकसत्ताला दिलेल्या विशेष मुलाखतीत मांडले.