Maharashtra Vidhan Sabha Election Live Updates Today : राज्यात विधानसभा निवडणुकीचे वारे वाहत आहेत. वेगवेगळ्या पक्षांनी, उमेदवारांनी राज्यभर जोरदार प्रचार सुरू केला आहे. दरम्यान, सोमवारी (४ नोव्हेंबर) दुपारी तीन वाजता उमेदवारी अर्ज मागे घेण्याची मुदत संपली. बंडखोरांनी माघार घ्यावी यासाठी सर्वच राजकीय पक्षांच्या नेत्यांचे प्रयत्न चालू होते. त्यात सर्वच पक्षांना काही प्रमाणात यश मिळालं आहे. तर, काही बंडखोऱांची समजूत काढण्यात नेते अपयशी ठरले आहेत. आता पुढचे काही दिवस राज्यभर केवळ प्रचार, राजकीय टिका-टिप्पण्या पाहायला मिळतील. सोमवारी सायंकाळी मनसे अध्यक्ष राज ठाकरे यांच्या जंगी सभेपासून त्यास सुरुवात झाली आहे. निवडणुकीसंबंधीच्या अशा सर्व बातम्यांचा आढावा आपण या लाईव्ह न्यूज ब्लॉगद्वारे घेणार आहोत.
हे वाचा >> “शरद पवार राजकारणातले भीष्म पितामह, त्यांनी निवृत्ती…”, संजय राऊतांचे आवाहन
विधानसभा निवडणुकीसाठी महायुतीने त्यांचा वचननामा प्रसिद्ध केला आहे. यामध्ये त्यांनी १० प्रमुख आश्वासनं दिली आहेत.
- लाडक्या बहिणींना ₹2100
प्रत्येक महिन्याला ₹ 1500 वरून ₹2100 देण्याचे तसेच महिला सुरक्षेसाठी 25,000 महिलांना पोलीस दलात समावेश करण्याचे वचन ! - शेतकऱ्यांना कर्जमाफी आणि शेतकरी सन्मान योजनेतून वर्षाला ₹15,000
प्रत्येक वर्षाला ₹12,000 वरून ₹15,000 देण्याचे तसेच MSP वर 20% अनुदान देण्याचे वचन ! - प्रत्येकास अन्न आणि निवारा
प्रत्येक गरिबाला अन्न आणि निवारा देण्याचे वचन ! - वृद्ध पेन्शनधारकांना ₹2100
महिन्याला ₹1500 वरून ₹2100 देण्याचे वचन ! - जीवनावश्यक वस्तूंच्या किंमती स्थिर
राज्यात जीवनावश्यक वस्तूंच्या किंमती स्थिर ठेवण्याचे वचन ! - 25 लाख रोजगारनिर्मिती तसेच 10 लाख विद्यार्थ्यांना ₹10,000
प्रशिक्षणातून महिन्याला 10 लाख विद्यार्थ्यांना ₹10,000 विद्यावेतन देण्याचे वचन ! - 45,000 गावांत पांदण रस्ते बांधणार
राज्यातील ग्रामीण भागात पांदण रस्ते बांधण्याचे वचन ! - अंगणवाडी आणि आशा सेविकांना ₹15,000 आणि सुरक्षा कवच
महिन्याला ₹15,000 वेतन आणि विमा संरक्षण देण्याचे वचन ! - वीज बिलात 30% कपात करून
सौर आणि अक्षय ऊर्जेवर भर देण्याचे वचन ! - सरकार स्थापनेनंतर ‘व्हिजन महाराष्ट्र @ 2029’
100 दिवसांच्या आत सादर करण्याचे वचन
Maharashtra Breaking News Live Today, 05 November 2024 : महाराष्ट्रातील महत्त्वाच्या राजकीय बातम्या
नागपूर : विधानसभा निवडणुकीत उमरेड मतदार संघातून माघार घेतल्यानंतर माजी आमदार राजू पारवे यांनी मंगळवारी दुपारी उपमुख्यमंत्री देवेंद्र फडणवीस यांच्या उपस्थित भारतीय जनता पक्षात प्रवेश केला.
वर्धा : लोकसभा निवडणुकीत इंडिया अलायन्ससोबत काम करीत अमर काळे यांच्या विजयास हातभार लावणाऱ्या आम आदमी पार्टीने या विधानसभा निवडणुकीत उमेदवारनिहाय भूमिका घेतली आहे.
शाहू महाराज – सतेज पाटील यांच्यातील संबंधात कटुता ?
कोल्हापूर उत्तर विधानसभा मतदारसंघातील उमेदवार अचानकपणे मागे घेतल्यावर कोल्हापूर जिल्हा काँग्रेसचे अध्यक्ष सतेज पाटील यांनी खासदार शाहू महाराज यांच्याकडे करड्या शब्दात विचारणा केली होती. यावरून आता शाहू महाराज आणि सतेज पाटील यांच्यातील संबंध दुरावणार का अशी चर्चा होत आहे.
असा असेल उद्धव ठाकरेंचा महाराष्ट्र दौरा
शिंदे यांच्याकडे मुख्यमंत्री पद आणि पुढे शिवसेना हा पक्ष येताच त्यांनी नवी मुंबईत पक्षाचे जिल्हाध्यक्ष पद चौगुले यांच्याकडे सोपविले.
ऐन दिवाळीच्या धामधुमीत काँग्रेसचे नवी मुंबई जिल्हाध्यक्ष अनिल कौशीक आणि राष्ट्रवादी काँग्रेसचे प्रवक्ते राजू शिंदे यांनी भाजपमध्ये प्रवेश केला.
उमेदवारी मागे घेण्याच्या अंतिम मुदतीत, सोमवारी जिल्ह्यातील सात मतदारसंघातील प्रमुख आणि विविध पक्षीय बंडखोर उमेदवारांनी आपले उमेदवारी अर्ज मागे घेतले.
नागपूर :महाराष्ट्रात विधानसभा निवडणुकीच्या निमित्ताने अनेक राजकीय घराण्यात फूट पडली, वडिलांच्या विरुद्ध मुलीने बंड केले, भावाच्या विरुद्ध भाऊ रिंगणात उतरला.
शिवसेनेचे (ठाकरे) खासदार अनिल देसाई यांनी शिवसेनेचे (शिंदे) वरळी विधानसभेचे उमेदवार मिलिंद देवरा यांच्याविरोधात निवडणूक आयोगाकडे तक्रार केली आहे. वरळी येथील शोभायात्रेत देवरा यांनी प्रत्येकी ५०० रुपये देऊन लोकांना जमवलं होतं असा आरोप देसाई यांनी केला आहे. देसाई यांनी निवडणूक आयोगाला लिहिलेल्या पत्रात म्हटलं आहे की या शोभायात्रेला गेलेल्या लोकांनी ही गोष्ट कबूल केली आहे. त्यामुळे निवडणूक आयोगाने देवरांविरोधात कारवाई करावी, अशी मागणी देखील देसाई यांनी केली आहे. देवरांनी आचारसंहितेचा भंग केल्याचं देसाई यांचं म्हणणं आहे.
अनिल देसाई यांनी पत्रात म्हटलं आहे की वरळीतील शोभायात्रेचे चित्रीकरण करणाऱ्या माध्यम प्रतिनिधींनी या शोभायात्रेत सहभागी लोकांना विचारले असता त्यांनी आपल्याला प्रत्येकी ५०० रुपये देऊन शोभायात्रेत सहभागी होण्यास सांगितल्याचे कॅमेऱ्यासमोर कबूल केले आहे. ज्याचे असंख्य व्हिडिओज समाजमाध्यमांवर उपलब्ध आहेत. या पत्रासह व्हिडीओदेखील पाठवत आहोत. निवडणूक आदर्श आचारसंहितेसंदर्भातील भारतीय राज्यघटनेच्या कलमानुसार पैशाचे आमिष दाखविणे हा गंभीर गुन्हा आहे. (Bribery as defined in clause (1) of section 123 of the Representation of the people Act, 1951 (43 of 1951). Under influence as defined in clause (2) of the said section.) त्यामुळे देवरा यांच्याविरोधात कारवाई करायला हवी.
मोदी यांची सभा माझ्या मतदारसंघात व्हावी, असा लकडा भाजप नेते लावतात. मात्र, हेच नेते आता नको, असे म्हणायला लागल्याचे दिसून आले आहे.
संजय कुमार वर्मा महाराष्ट्राचे नवे पोलीस महासंचालक होणार
जिल्ह्यातील तीनही मतदारसंघांत काँग्रेस प्रदेशाध्यक्ष नाना पटोले यांची प्रतिष्ठा पणाला लागली आहे.
ही विधानसभा निवडणुकही २०१९ प्रमाणेच भाजपा, शिवसेना(ठाकरे) व शेतकरी कामगार पक्ष यांच्यात तिरंगी होत आहे. त्यामुळे या निवडणुकीतही भाजपा, शिवसेना (उद्धव ठाकरे) व शेकाप यांच्यात चुरशीच्या लढतीचे चित्र आहे.
नवी मुंबई ऐरोली आणि बेलापूर या दोन्ही मतदारसंघात महायुतीत झालेली बंडखोरी रोखण्यात मुख्यमंत्री एकनाथ शिंदे यांना अपयश आल्याचे सोमवारी स्पष्ट झाले.
कौशिक यांनी पक्ष सोडल्यामुळे काँग्रेस पक्षाला कोणताही धक्का बसलेला नाही असे म्हणत पक्षाच्या प्रमुख पदाधिकारी आणि कार्यकर्त्यांनी वाशीतील काँग्रेस भवनाबाहेर एकत्र येत रस्त्यावर फटाके फोडून आनंद व्यक्त केला.
विधानसभा निवडणूक स्वबळावर लढवित असतानाही मनसेकडून स्थानिक पातळीवर काही अपक्ष आणि अन्य पक्षांच्या अधिकृत उमेदवारांना पाठिंबा देण्यात आल्याचे पुढे आले आहे.
महाराष्ट्र विधानसभा निवडणुकीच्या अवघ्या १५ दिवस आधी राज्याच्या पोलीस महासंचालक रश्मी शुक्ला यांची बदली करण्यात आली आहे. केंद्रीय निवडणूक आयोगाने यासंदर्भातले आदेश जारी केले आहेत. पदरचनेतील शुक्ला यांच्या नंतरच्या सर्वात वरीष्ठ पोलीस अधिकाऱ्याकडे पोलीस महासंचालकपदाचा कार्यभार सोपवण्याचे निर्देश निवडणूक आयोगाने राज्याच्या मुख्य सचिवांना दिले आहेत. यानंतर मुख्य सचिवांनीदेखील तीन वरीष्ठ आयपीएस अधिकाऱ्यांच्या पॅनलला नव्या पोलीस महासंचालकांच्या नियुक्तीची प्रक्रिया सुरू करण्याचे आदेश दिले आहेत. यावर वेगवेगळ्या राजकीय प्रतिक्रिया येऊ लागल्या आहेत. शिवसेनेचे (ठाकरे) खासदार म्हणाले, "बऱ्याच गोष्टी करून घेतल्या आहेत, सरकार बेकायदेशीर आहे, त्यामुळे त्यांनी अनेक नेमणुका सुद्धा बेकायदेशीरपणे करून घेतल्या आहेत".
राऊत म्हणाले, "जो अधिकारी तुरुंगात जाण्याच्या तयारीत होता, ज्या अधिकाऱ्यावर गुन्हे दाखल आहेत त्याला सरकार बदलताच त्या अधिकाऱ्यावरील गुन्हे काढून त्यांना थेट राज्याच्या पोलिस महासंचालकपदाचे बक्षीस देण्यात आले. त्यांच्याकडून अनेक राजकीय गैर कृत्ये करून घेतली. ती व्यक्ती भाजपाच्या जवळची आहे. अखेर पापाचा घडा भरला आणि निवडणूक आयोगालाच लाज वाटली असेल. हे जर फार काळ टिकवलं तर निवडणूक आयोगाची उरली सुरली इज्जतसुद्धा धुळीस मिळेल म्हणून अखेर देवेंद्र फडणवीस यांच्या लाडक्या ताईंना राज्याच्या पोलीस महासंचालक पदावरून हटवण्यात आले. गृहमंत्र्यांना प्रशासन कळत नाही, राज्य व्यवस्था कळत नाही आणि नैतिकता कळत नाही. आम्ही निवडणूक आयोगाचे आभारी आहोत. उशीर का होईना त्यांनी शहानपणाचा निर्णय घेतला.
Gadchiroli Vidhan Sabha Constituency Election 2024 बंड शमवण्यासाठी केल्या गेलेल्या प्रयत्नानंतरही जिल्ह्यातील आरमोरी, गडचिरोली आणि अहेरी या तिन्ही विधानसभा क्षेत्रात बंडखोरी कायम राहिल्याने महाविकास आघाडीची कोंडी झाली आहे.
वर्धा : विधानसभा निवडणुकीसाठी अर्ज परत घेण्याची प्रक्रिया आटोपली आहे. आरोप प्रत्यारोप तसेच खुलासे सूरू झाले आहेत. सर्वाधिक लक्षवेधी चर्चा आजवर आर्वी मतदारसंघात भाजप उमेदवारीवरून झाली.
चौगुले यांच्यावर उमेदवार माघारीसाठी दबाव येऊ नये यासाठी गेल्या दोन दिवसांपासून उमेदवारासह शिंदेसेनेचे ऐरोलीतील प्रमुख प्रभावी नेते ‘नाॅट रिचेबल’ झाल्याचे पहायला मिळाले.
Raigad Vidhan Sabha Constituency Election 2024: रायगड जिल्ह्यात महाविकास आघाडीतील घटक पक्षात असलेला समन्वयाचा आभाव उघड झाला आहे.
पुणे जिल्हा बँकेचे संचालक आप्पासाहेब जगदाळे यांनी राष्ट्रवादी काँग्रेस (अजित पवार) पक्षाचे इंदापूर विधानसभेचे उमेदवार दत्तात्रय भरणे यांना पाठिंबा जाहीर केला आहे.
Maharashtra Assembly Election 2024: विदर्भात सर्वच प्रमुख राजकीय पक्षात झालेली बंडखोरी शमवण्यासाठी नेत्यांनी अखेरच्या क्षणापर्यंत प्रयत्न केले. त्यात त्यांना काही ठिकाणी त्यांना यश आले.
दिवाळी फराळासोबत पैसे वाटत असताना दोघांना पकडून १ लाख ३ हजार ५०० रुपये जप्त करण्यात आले.
सांगली, जत, खानापूर याठिकाणी बंडखोरी झाली असून अन्य ठिकाणी महायुती विरुद्ध महाविकास आघाडी अशा लढती होत आहेत.
सांगली, खानापूरसह जतमध्ये विधानसभा निवडणुकीत झालेली बंडखोरी महायुती व महाविकास आघाडीच्या अधिकृत उमेदवारांना आव्हानात्मक ठरणार आहे.
देवेंद्र फडणवीस मुख्यमंत्रीपदाबाबत काय म्हटलं आहे? (फोटो-देवेंद्र फडणवीस, एक्स पोस्ट)
महायुतीचा पुढचा मुख्यमंत्री कोण? देवेंद्र फडणवीस म्हणाले, "आमचं धोरण..."
महाराष्ट्रात विधानसभा निवडणूक पार पडण्यासाठी अवघ्या काही दिवसांचा अवधी उरला आहे. महायुती आणि महाविकास आघाडी या दोहोंनी जिंकून येण्याचा दावा केला आहे. तसंच मुख्यमंत्री पदाचा चेहरा कोण? यावरुन मविआ आणि महायुती दोहोंमध्ये बराच खल झाला. आम्ही तर एकनाथ शिंदेंच्या नेतृत्वात निवडणूक लढवत आहोत. महाविकास आघाडीने चेहरा जाहीर करावा अशी खोचक टीका भाजपाने आणि महायुतीने वारंवार केली आहे. दुसरीकडे देवेंद्र फडणवीस यांनी महाराष्ट्राच्या मुख्यमंत्रीपदासाठी काय फॉर्म्युला असेल ते सांगितलं आहे.
"आम्हाला महाराष्ट्रातल्या अनेक भागांमधून चांगला पाठिंबा मिळतो आहे. मी हे अतिआत्मविश्वासाने नाही तर अगदी मनापासून सांगतो आहे. अडीच वर्षांच्या कालावधीत आम्ही जी विकासकामं केली आणि ज्या विविध प्रकारच्या योजना आणल्या त्या योजनांमुळे आणि विकासकामांमुळे जनता आमच्या बरोबर आहे. लोकांनी महाराष्ट्रातली पहिली अडीच वर्षे महाविकास आघाडीचं सरकार कसं चाललं आणि आमचं सरकार कसं चाललं हे दोन्ही पाहिलं आहे. त्यामुळे जनता आमच्या बरोबर आहे हा माझा विश्वास आहे" असं देवेंद्र फडणवीस (म्हणाले.
