Maharashtra Breaking News 22 October 2024 : राज्यात विधानसभेची निवडणूक जाहीर झाल्यामुळे राजकीय घडामोडींना वेग आला आहे. सर्वच नेत्यांकडून बैठकांचा धडाका सुरु आहे. महाविकास आघाडीच्या नेत्यांमध्ये जागावाटपासंदर्भात चर्चा सुरु आहे. दुसरीकडे महायुतीमधील भारतीय जनता पक्षाने ९९ उमेदवारांची पहिली यादी जाहीर केली. आज महाविकास आघाडीच्या उमेदवारांची यादी जाहीर होण्याची शक्यता आहे. तसेच शिवसेना (शिंदे) आणि राष्ट्रवादी काँग्रेस (अजित पवार) पक्षाची उमेदवारांची यादी आज जाहीर होण्याची शक्यता आहे. यातच सत्ताधारी आणि विरोधकांमध्ये आरोप-प्रत्यारोप सुरु आहेत. मनसेचे अध्यक्ष राज ठाकरे यांनी देखील सोमवारी दोन उमेदवारांच्या नावाची घोषणा केली. तसेच मनसेच्या उमेदवारांचीही यादी आज जाहीर होण्याची शक्यता आहे. दरम्यान, विधानसभा निवडणुकीसाठी अर्ज भरण्यासाठी आजपासून सुरुवात झाली आहे. त्यामुळे राजकारण तापण्याची शक्यता आहे. राज्यातील सर्व घडामोडींसह राजकीय घडामोडींवर आपलं लक्ष असणार आहे.
Maharashtra Breaking News Live Today, 22 October 2024 : विधानसभेची रणधुमाळी सुरू, उमेदवारी अर्ज भरण्यास आजपासून सुरुवात
शिरीष यादव यांच्यासह त्यांच्या पत्नीविरूध्दही बेहिशेबी मालमत्ता जमा केल्याप्रकरणी गुन्हा नोंद करण्यात आलेला आहे.
नाशिक : पक्षाने संधी न दिल्यामुळे आता कुठल्याही परिस्थितीत थांबणार नाही, हरणार नाही. विधानसभा निवडणूक लढविणारच, असा निर्धार भाजपचे माजी नगरसेवक दिनकर पाटील यांनी व्यक्त केला.
लष्कर भागातील कटक मंडळाच्या प्रशासकीय इमारतीतील गच्चीवर एक जण मृतावस्थेत सापडला.
नाशिक : महाविकास आघाडी आणि महायुतीतील जागा वाटप घोळात उमेदवारांना अर्ज दाखल करण्यास विलंब होण्याची शक्यता आहे. मंगळवारपासून अर्ज दाखल करण्यास सुरूवात झाली असतानाही अनेक जागांवरील उमेदवारीचा तिढा सुटलेला नाही.
अजय-अतूल संगीत रजनीप्रसंगी ज्येष्ठ नेते तथा मंत्री छगन भुजबळ यांनी पंकज आणि समीर भुजबळ यांच्या पाठीशी उभे राहण्याचे आवाहन केले होते.
रत्नागिरी: मुंबई-गोवा महामार्गावर लांजा देवधे येथे सोमवारी सायंकाळी उशिरा करण्यात आलेल्या कारवाईत १२ लाख रुपयांची कार आणि गोवा बनावटीची ७ हजार ४०० रुपयांची दारु असा एकूण १२ लाख ७ हजार ४०० रुपये किंमतीचा मुद्देमाल जप्त करण्यात आला. दारूची वाहतूक केल्या प्रकरणी लांजा पोलिसांनी खालापूर (रायगड) येथील एका व्यक्तीला ताब्यात घेतले आहे.
विधानसभा निवडणुकीच्या पार्श्वभूमीवर, लांजा पोलीस ठाणे मार्फत मुंबई-गोवा महामार्गावर वाहन तपासणी सुरू आहे. सोमवारी २१ ऑक्टोबरला देवधे येथील हॅपी धाब्यासमोर मुंबईकडे जाणाऱ्या कार क्रमांक एमएच ४६ सिपी ३७१३ ची तपासणी करण्यात आली असता कारमध्ये गोवा बनावटीचा दारूसाठा आढळून आला.
नगर सोलापूर महामार्गावर कर्जत तालुक्यातील माहीजळगाव बायपास जवळ भीषण अपघात यामध्ये दोन तरुणांचा मृत्यू झाला असून एकाचा जागेवरच तर दुसरा मिरजगाव येथील लोकमान्य हॉस्पिटल उपचार घेत असताना मृत्यू झाला आहे.
त्यांनी केलेली टीका म्हणजे चोराच्या उलट्या बोंबा, असेच म्हणावे लागेल, अशी टीका वंचित बहुजन आघाडीचे राष्ट्रीय अध्यक्ष अॅड. प्रकाश आंबेडकर यांनी केली.
अजित पवार यांनी उपमुख्यमंत्री पदाची शपथ घेतली तेव्हा हेच अण्णा बनसोडे अजित पवारांच्या सोबत होते.
नाशिक : दीपोत्सवाच्या पार्श्वभूमीवर अन्न व औषध प्रशासनाच्या वतीने खाद्यपदार्थ विक्रेत्यांना नियमांचे पालन करण्याचे आवाहन केले असून कुठल्याही पदार्थात भेसळ आढळल्यास कारवाईचा इशारा देण्यात आला आहे.
पुणे : सोने आणि चांदीच्या भावातील तेजीचे वारे मंगळवारी कायम राहिले. यामुळे सोने आणि चांदीच्या भावाने सार्वकालिक उच्चांकी पातळी गाठली. दिल्लीतील सराफी बाजारपेठेत सोन्याचा भाव प्रति १० ग्रॅमला ३५० रुपयांनी वधारून ८१ हजार रुपयांवर गेला.
"उद्धव ठाकरेंची शिवसेना, शरद पवारांची राष्ट्रवादी आणि कॉग्रेस यांच्यामध्ये तिकीट वाटपावरून मोठ्या प्रमाणात मतभेद झाले आहेत. त्यामुळे पुढच्या काही तासांतच महाविकास आघाडी तुटल्याचे महाराष्ट्रातील जनतेच्या समोर येणार आहे. त्याचं कारण असं आहे की उद्धव ठाकरे हे मुख्यमंत्रीपदासाठी गुडघ्याला बाशिंग बांधून बसलेले आहेत. तसेच नाना पटोले हे देखील मुख्यमंत्री पदासाठी गुडघ्याला बाशिंग बांधून बसले आहेत. त्यामुळे त्यांच्यामध्ये रस्सीखेच सुरु आहे. त्यामुळे पुढच्या काही तासांतच महाविकास आघाडीतून उद्धव ठाकरेंची शिवसेना बाजूला झालेली तुम्हाला दिसेल", असा मोठा दावा शिवसेना शिंदे गटाचे नेते रामदास कदम यांनी केला आहे. ते माध्यमांशी बोलत होते.
पूर्व द्रुतगती महामार्गावरील नितीन कंपनी जंक्शन परिसरात एका भरधाव मर्सिडीज मोटारीच्या धडकेत दर्शन हेगडे (२१) याचा मृत्यू झाला आहे.
नागपूर : शहरातील सर्वात गजबलेलेल्या चिटणीस पार्क चौकातील गर्दीत न्यू इंग्लिश माध्यमिक शाळा अडकली आहे. शाळा सुटताच विद्यार्थी, विद्यार्थिनी सायकलने थेट गर्दीच्या मुख्य रस्त्यावरून घराची वाट काढतात. त्यामुळे विद्यार्थ्यांच्या सुरक्षिततेचा प्रश्न निर्माण झाला आहे.
बुलढाणा: होय! ही बातमी सावध करणारीच आहे. गुंतविलेल्या पैशाचे अल्पावधीतच दामदुप्पट, तिप्पट करण्याच्या आमिषाने शेअर बाजारात गुंतवणूक करण्याचा आपला बेत असेल तर ही बातमी तुमचे आर्थिक नुकसान होण्यापासून वाचवू शकते. बुलढाणा जिल्ह्यातील मलकापूर येथील एका व्यापाराला हा मोह भलताच महागात म्हणजे चोवीस लाखात पडला आहे.
नागपूर: राज्यातील बार्टी, सारथी, महाज्योती, ‘टीआरटीआय’ या संस्थांच्या यूपीएससी, एमपीएससीसह ‘आयबीपीएस’च्या व पोलीस आणि सैन्य भरती पूर्व प्रशिक्षणासाठी निविदा प्रक्रिया राबवण्यात आली. यातून महाज्योतीने माघार घेतली असली तरी बार्टी, सारथी आणि टीआरटीआयसाठी प्रशिक्षण संस्थांची निवड करण्यात आली आहे.
अमरावती : भाजपने उमेदवारांची पहिली यादी जाहीर केली. त्‍यापैकी धामणगाव मतदारसंघातून अपेक्षेप्रमाणे विद्यमान आमदार प्रताप अडसड यांना उमेदवारी मिळाली, तर अनपेक्षितपणे अचलपुरातून प्रवीण तायडे यांना उमेदवारी मिळाली. पण, जिल्ह्यातील इतर मतदारसंघांमध्‍ये उमेदवारी जाहीर होण्याची प्रतीक्षा आहे.
नाशिक : जिल्ह्यातील चांदवड-देवळा विधानसभा मतदारसंघात माजी जिल्हाध्यक्ष केदा आहेर यांना उमेदवारी न दिल्याच्या निषेधार्थ देवळा नगरपंचायतीच्या १५ नगरसेवकांनी भाजपच्या प्राथमिक सदस्यत्वाचा राजीनामा दिला आहे.
विधानसभा निवडणूक जाहीर झाल्यानंतर अनेक राजकीय घडामोडी घडत असल्याचं पाहायला मिळत आहे. या निवडणुकीच्या अनुषंगाने अनेकजण एका पक्षातून दुसऱ्या पक्षात प्रवेश करत असल्याचं पाहायला मिळत आहे. यातच आज मुंबईतील कुर्ला मतदारसंघात भाजपाला मोठा धक्का बसला आहे. भाजपाचे महामंत्री स्वप्नील येरूनकर यांनी शिवसेना ठाकरे गटात प्रवेश केला आहे. यावेळी उद्धव ठाकरे यांनी महायुतीवर हल्लाबोल केला. उद्धव ठाकरे म्हणाले, "मशाल धगधगणार, महाराष्ट्र जिंकणार. ज्यांनी आपला पक्ष चोरला त्या चोरांकडून तुम्ही आपल्या शिवसेनेत आलात. आपण चोरांची टोळी राजकारणात जाळून खाक केल्याशिवाय राहणार नाहीत", असं म्हणत उद्धव ठाकरे यांनी भाजपावर हल्लाबोल केला.
नाशिक : दिंडोरी लोकसभा निवडणुकीत अखेरच्या क्षणी माघार घेणाऱ्या माकपसाठी महाविकास आघाडीने कळवण विधानसभा मतदारसंघ सोडला आहे.
डाॅ. तारा भवाळकर यांनी बुधवारी (२३ ऑक्टोबर) महाराष्ट्र साहित्य परिषदेच्या वतीने होणारा सत्कार स्वीकारू नये, अशी विनंती खुद्द नियोजित संमेलनाध्यक्षांनाच करण्यात आली आहे.
विधानसभा निवडणूक जाहीर झाल्यानंतर अनेक राजकीय घडामोडींना वेग आला आहे. या निवडणुकीच्या अनुषंगाने अनेकजण एका पक्षातून दुसऱ्या पक्षात प्रवेश करत असल्याचं पाहायला मिळत आहे. माजी आमदार राजकुमार बडोले यांनी अजित पवार यांच्या राष्ट्रवादी काँग्रेसमध्ये (NCP) प्रवेश केला आहे. ते राष्ट्रवादी काँग्रेसच्या घड्याळ चिन्हावर निवडणूक लढणार असल्याची चर्चा आहे.
https://platform.twitter.com/widgets.jsमाजी मंत्री मा.श्री. राजकुमार बडोले यांचा राष्ट्रवादी काँग्रेस पक्षात प्रवेशाचा कार्यक्रम प्रदेश कार्यालयात पार पडला. राजकुमार बडोलेंसारखा एक अनुभवी आणि जनसामान्यांसाठी आवाज उठवणारा नेता पक्षात सामील झाल्याने पक्षाची ताकद नक्कीच वाढली आहे, याचा आम्हाला आनंद आहे. त्यांचं मी… pic.twitter.com/bL6Ld7zF9P
— Ajit Pawar (@AjitPawarSpeaks) October 22, 2024
ऐन निवडणुकीच्या तोंडावर राऊत आणि त्यांच्यात शाब्दिक खटके उडाल्याचे तत्कालीन कारण पटोले यांना महागात पडले आहे.
मतदार संघातील मतदानाची गणिते बदलण्याची आणि विद्यमान आमदारांना ही निवडणूक आणखीच जड जाण्याची शक्यता वर्तविली जात आहे.
मतदारसंघात नवीन उमेदवार देण्याची मागणी असून बहल यांनी अप्रत्यक्षपणे बनसोडे यांच्या उमेदवारीला विरोध केला आहे.
विधानसभा निवडणूक जाहीर झाल्यानंतर अनेक राजकीय घडामोडींना वेग आला आहे. या निवडणुकीच्या अनुषंगाने अनेकजण एका पक्षातून दुसऱ्या पक्षात प्रवेश करत असल्याचं पाहायला मिळत आहे. माजी आमदार राजकुमार बडोले यांनी अजित पवार यांच्या राष्ट्रवादी काँग्रेसमध्ये (NCP) प्रवेश केला आहे. ते राष्ट्रवादी काँग्रेसच्या घड्याळ चिन्हावर निवडणूक लढणार असल्याची चर्चा आहे.
मुंबई : जी. टी. रुग्णालयाच्या आवारात सुरू करण्यात आलेल्या शासकीय वैद्यकीय महाविद्यालयामधील अतिदक्षता विभागात आणखी १० खाटांची भर पडणार आहे. त्यामुळे दक्षिण मुंबई विभागामधील अत्यव्यस्थ रुग्णांना अतिदक्षता विभागातील खाटा उपलब्ध होण्यास मदत होणार आहे. त्याचप्रमाणे शासकीय वैद्यकीय महाविद्यालयामध्ये रक्तशुद्धकरण केंद्रही सुरू करण्यात येणार आहे.
भंडारा : जिल्ह्यात पुन्हा एक राजकीय वादळ उठले आहे. जिल्ह्यातील एका डीजे व्यावसायिकाने आत्महत्या गेली. त्यानंतर त्याने आत्महत्या का केली, याबाबतची पोस्ट सोशल मिडियावर व्हायरल झाली.
विधानसभा निवडणूक जाहीर झाल्यानंतर अनेक राजकीय घडामोडींना वेग आला आहे. या निवडणुकीच्या अनुषंगाने अनेकजण एका पक्षातून दुसऱ्या पक्षात प्रवेश करत असल्याचं पाहायला मिळत आहे. आता संदीप नाईक यांनी राष्ट्रवादी कॉग्रेस शरद पवार गटात प्रवेश केला आहे. आज मुंबईत त्यांचा पक्ष प्रवेशाचा सोहळा पार पडला. आमदार गणेश नाईक याचे पुत्र संदीप नाईक यांनी आज (दि.२२) राष्ट्रवादी कॉग्रेस (शरद पवार) पक्षात प्रवेश केला आहे.
महाविकास आघाडी, (फोटो-संग्रहित छायाचित्र)
महाविकास आघाडीच्या नेत्यांमध्ये जागावाटपासंदर्भात चर्चा महाविकास आघाडीच्या नेत्यांमध्ये जागावाटपासंदर्भात चर्चा सुरु आहे. शिवसेना ठाकरे गट आणि काँग्रेसमध्ये जागावाटपारून मतभेद असल्याची चर्चा राजकीय वर्तुळात आहे. या पार्श्वभूमीवरच शरद पवार, उद्धव ठाकरे आणि काँग्रेसच्या नेत्यांमध्ये बैठकांवर बैठका सुरु आहेत. आज महाविकास आघाडीची उमेदवारांची यादी जाहीर होण्याची शक्यता आहे.
