लाडकी बहीण’मुळे सरकारची तिजोरी रिकामी – जयंत पाटील

यावेळी ज्येष्ठ नेते बी.डी.पवार, दिलीपराव मोरे, ‘राजारामबापू’चे संचालक दादासाहेब मोरे, कृष्णेचे संचालक जे. डी. मोरे, माजी संचालक सुजित मोरे, अविनाश मोरे, माजी जि. प. सदस्य धनाजी बिरमुळे, सरपंच शुभांगी बिरमुळे, सुहास पवार तसेच राष्ट्रवादी काँग्रेसचे जिल्हा सरचिटणीस बाळासाहेब पाटील, तालुकाध्यक्ष विजयराव पाटील, महिला जिल्हाध्यक्षा सुस्मिता जाधव, तालुकाध्यक्षा सुनिता देशमाने आदी प्रामुख्याने उपस्थित होते. आ.पाटील म्हणाले, की सरकारने लोकप्रियतेसाठी अनेक घोषणा केल्याने सध्या तिजोरीवर ताण पडत आहे.

हेही वाचा >>> बार्शीत राजेंद्र राऊत – सोपल गटात गोंधळ; दोन्ही गटांचे आरोप-प्रत्यारोप, तणाव

अगोदरच राज्यावर पावणे आठ लाख कोटींचे कर्ज आहे. पुन्हा सव्वा लाख कोटींचे कर्ज मागणी केली आहे. यामुळे राज्यातील प्रत्येक माणसावर ६५-७० हजार रुपयांचे कर्ज होणार आहे. मतदारसंघातील विरोधक माझ्या विरुध्द बोलण्यास काहीच नसल्याने ऊसदराचा प्रश्न काढत आहेत. मात्र, आपला कारखाना राज्यात चांगला चालू असलेला कारखाना आहे. यामुळे या विरोधकांच्या टीकेवर मतदार विश्वास ठेवणार नाही.

ॲड. विवेकानंद मोरे यांनी स्वागत केले. महेश पवार यांनी आभार मानले.