Full List of NCP AP Candidates : अजित पवारांच्या राष्ट्रवादीच्या सर्व उमेदवारांची यादी एका क्लिकवर, कोणाला कुठून उमेदवारी?

अजित पवारांच्या राष्ट्रवादीची संपूर्ण यादी (Full List of NCP AP Candidate)

राष्ट्रवादी काँग्रेस पक्षात जुलै २०२३ मध्ये बंडखोरी झाली. अजित पवारांनी पक्षातील ४० आमदारांना आपल्यासोबत घेऊन भारतील जनता पक्षाला समर्थन दिलं. त्यामुळे विरोधी बाकावरून ते थेट उपमुख्यमंत्री पदाच्या खुर्चीवर जाऊन बसले. दरम्यान, लोकसभेच्या निवडणुका होऊन गेल्या. या निवडणुकीत महायुतीत राष्ट्रवादींना हवीतशी जादू करून दाखवता आली नाही. त्यामुळे महाराष्ट्रातील भाजपाच्या पराभवाचं खापर अजित पवारांवर सोडण्यात आलं. त्यामुळे विधानसभेत अजित पवार एकला चलो रे ची भूमिका घेतील असं म्हटलं जात होतं. परंतु, आम्ही महायुतीतूनच निवडणूक लढवणार असल्याचं जाहीर केलं. त्यामुळे विधानसभेला तरी अजित पवार काही जादू करून दाखवतात हे पाहणं महत्त्वाचं ठरणार आहे.

हेही वाचा >> Mahayuti vs Maha Vikas Agahdi Candidate : महायुती विरुद्ध महाविकास आघाडी, २८८ मतदारसंघात कोण कोणाविरोधात वाचा एका क्लिकवर!

दरम्यान, अजित पवारांसाठी ही निवडणूक अतिशय प्रतिष्ठेची बनली आहे. लोकसभा निवडणुकीत त्यांच्या पत्नी सुनेत्रा पवार यांचा दारूण पराभव झाला होता. तर, आता अजित पवारांविरोधात त्यांचाच सख्खा पुतण्या युगेंद्र पवार उभे ठाकले आहेत. त्यामुळे गेल्या अजित पवार आपली जागा राखून ठेवण्यात यशस्वी होतात की बारामतीची जनता पुन्हा एकदा शरद पवारांवर विश्वास दाखवणार हे २३ तारखेलाच निश्चित होईल.