Maharashtra Breaking News : राज्याच्या विधिमंडळाच्या पावसाळी अधिवेशनाचा आजचा आठवा दिवस आहे. आज विधानभवनात ऐतिहासिक क्षणाचे साक्षीदार सर्वजण बनले आहेत. कारण, विश्वविजेते भारतीय खेळाडू आज विधानभवनात दाखल झाले. त्यांच्यासाठी विधानभवनाच्या सभागृहात खास कार्यक्रमाचं आयोजन करण्यात आलं होतं. रोहित शर्मा, सूर्यकुमार यादव, शिवम दुबे, यशस्वी जैस्वाल हे खेळाडू आज विधानभवनात आले. या खेळाडूंचं जंगी स्वागत करण्यात आलं. तसंच, त्याआधी मुख्यमंत्र्यांच्या वर्षा या निवासस्थानीही ते दाखल झाले होते. तर, दुसरीकडे राज्यातील तामपानात सातत्याने चढ-उतार पाहायला मिळत आहे. त्यामुळे काही ठिकाणी पाऊस आहे तर काही ठिकाणी ऊन-पावसाचा खेळ सुरू आहे. भारतीय क्रिकेट संघ काल ४ जुलै रोजी मुंबईत आले होते. त्यांच्या स्वागतासाठी अवघी मुंबापुरी मरीन ड्राईव्हवर जमली होती. पंरतु, या रोड शोला गुजरातहून बस मागवण्यात आली होती. त्यामुळे राज्यातील राजकारण या प्रकरणामुळे तापण्याची शक्यता आहे. राज्यातील इतर महत्त्वाच्या घडामोडी, राजकीय अपडेट्स जाणून घेऊयात.