Maharashtra Legislative Assembly Session : राज्यातील विधिमंडळाच्या पावसाळी अधिवेशनाचा आज चौथा दिवस. चौथ्या दिवशी कोणत्या मुद्द्यांवर सभागृहात खडाजंगी होईल हे पाहणं महत्त्वाचं ठरणार आहे. आर्थिक पाहणी अहवालात राज्य सरकारने अनेक घोषणांची खैरात केली आहे. त्यामुळे यावरूनही चर्चा होण्याची शक्यता आहे. दुसरीकडे राज्यात शेतकऱ्यांच्या आत्महत्येचं प्रमाण वाढतंय. आत्महत्या रोखून त्यांना तत्काळ कर्जमुक्ती व्हावी यासाठी विरोधकांकडून मागणी केली जाण्याची शक्यता आहे. तसंच, आज विधानपरिषदेच्या शिक्षक आणि पदवीधर मतदारसंघासाठी घेण्यात आलेल्या निवडणुकीचा निकाल जाहीर होणार आहे. तर, दुसरीकडे राज्यात लहरी हवामान निर्माण झालं आहे. अतिमुसळधार पावसाचा इशारा देऊनही पावसाने ओढ दिली आहे. त्यामुळे, राज्यातील राजकीय, सामाजिक, गुन्हेगारी आणि पावसाचे अपडेट्स जाणून घेण्यासाठी हे पेज सतत रिफ्रेश करत राहा.
Maharashtra Assembly Monsoon Session 2024 : महाराष्ट्रातील महत्त्वाच्या घडामोडी वाचा एका क्लिकवर
पोलीस भरती प्रक्रियेदरम्यान मैदानी चाचणीच्या वेळी ३ उमेदवारांकडे उत्तेजक पदार्थांचे साहित्य आढळले आहे.
नवी मुंबई आंतरराष्ट्रीय विमानतळ प्रकल्पबाधितांचे पायी चालून आंदोलन करणा-यांना पोलीसांनी सोमवारी सकाळी रस्त्यावर रोखले.
सिडको महामंडळ पनवेलच्या ग्रामीण भागात शहरे निर्माण केल्याने लोकवस्ती झपाट्याने वाढत चालली आहे.
जिल्ह्यात आजअखेर पडलेला सरासरी पाऊस २०० मिलिमीटरच्या घरात असून अनेक तालुक्यात पावसाने द्विशतक पार केले आहे.
नव्या कायद्यांविरोधात सोमवारी संविधान सन्मान वकील समितीच्या वतीने जिल्हा न्यायालय प्रवेशद्वाराजवळ आंदोलन करण्यात आले.
नवरा दारू पिऊन त्रास देतो शिवीगाळ तसेच मारहाण करतो अशी तक्रार पिडीत विवाहितेने नव्या कायद्याचा आधार घेत पंचवटी पोलीस ठाण्यात केली.
शेतकरी कुटुंबातील चळवळीतील कार्यकर्ते असलेले सदाभाऊ खोत यांना भाजपमधून पुन्हा एकदा विधानपरिषदेचे आमदार पदासाठी उमेदवारी जाहीर करण्यात आली आहे.
दीक्षाभूमी एकात्मिक विकास प्रकल्पाअंतर्गंत भूमिगत वाहनतळाला नागपुरातील आंबेडकरी अनुयायांचा विरोध असून त्याविरोधात आज, सोमवारी आंदोलन करण्यात आले.
काँग्रेसकडून विधान परिषदेसाठी प्रज्ञा सातव यांना उमेदवारी
लोकसभा निवडणुकामध्ये भाजपला सपाटून मार खावा लागल्याने ‘माधव’ मतपेढी हातीची जाऊ नये म्हणून पंकजा मुंडे यांना उमेदवारी देण्यात आल्याची चर्चा राजकीय पटावर होताना दिसत आहे.
भारतीय जनता पक्षाचे प्रदेशाध्यक्ष, आमदार चंद्रशेखर बावनकुळे यांच्या मातोश्री प्रभावती कृष्णराव बावनकुळे यांचे आज सोमवारी दुपारी अल्पशा आजाराने निधन झाले. त्या ७४ वर्षांच्या होत्या. त्या काही दिवसांपासून आजारी होत्या. स्थानिक खासगी रुग्णालयात त्यांच्यावर उपचार सुरू होते. त्यांच्यामागे पती कृष्णराव, चार मुले, सूना, नातवंडं आणि बराच मोठा आप्तपरिवार आहे. दिवंगत प्रभावती बावनकुळे यांची अंत्ययात्रा उद्या मंगळवारी ( दि. २ जुलै) सकाळी १० वाजता त्यांच्या कोराडी येथील निवासस्थानावरून निघून कोलार घाट येथे त्यांच्यावर अंत्यसंस्कार करण्यात येतील.
https://twitter.com/BJP4Maharashtra/status/1807741005497827381
मुंबई पदवीधर मतदारसंघ निवडणूक २०२४ मध्ये शिवसेना-महाविकास-इंडिया आघाडीचे अधिकृत उमेद्वार ॲड.अनिल परब विजयी.
परदेशात भरपूर पगाराच्या नोक-या मिळवून आमीष दाखवून एका टोळीने बेरोजगार तरूणांना आर्थिक गंडा घालण्याचा चालविलेला उद्योग उजेडात आला आहे. यात ६० तरूणांची फसवणूक झाली असून आर्थिक फसवणुकीची रक्कम ३६ लाख एवढी आहे.
खानापूर तालुक्यातील मंगरूळ येथील सिध्दनाथ मंदिरातील चांदीच्या दोन मुर्ती चोरीला जाण्याचा प्रकार शनिवारी सकाळी उघडकीस आला. परिसराती सीसीठीव्हीच्या माध्यमातून या चोरीची उकल करून पोलीसांनी या प्रकरणी अनिल सोरटे या संशयिताला अटक केली आहे. सविस्तर वाचा…
कडेगांव येथे गॅस्ट्रोची साथ पसरली असून ३६ रूग्ण बाधित झाले असून काही रुग्ण ग्रामीण रूग्णालयात उपचारासाठी दाखल करण्यात आले आहेत. जिल्हा परिषदेचे माजी अध्यक्ष संग्रामसिंह देशमुख यांनी रूग्णालयास भेट देउन रूग्णांची विचारपूस केली.
स्मार्ट प्रीपेड मीटरला सर्वसामान्य नागरिकांचा विरोध आहे. दिवसेंदिवस या मीटरविरोधात राज्याच्या वेगवेगळ्या भागात आंदोलन होत आहे. परंतु केंद्रीय भूपृष्ठ वाहतूकमंत्री नितीन गडकरी मात्र स्मार्ट प्रीपेड मीटरच्या बाजूने आहेत .
अंधेरी पश्चिम येथील बारमध्ये हुक्का तपासणीसाठी गेलेल्या पोलीस शिपायाला धक्काबुक्की करून मारहाण केल्याप्रकरणी अंबोली पोलीस ठाण्यात गुन्हा दाखल करण्यात आला आहे.
काँग्रेस नेते राहुल गांधी यांनी संपूर्ण देशातील हिंदू समाजाचा अपमान केला आहे. त्यांच्या वक्तव्याचा निषेध आहे. हा केवळ हिंदू समाजाचाच अपमान नाही, तर संपूर्ण भारतीय संस्कृतीचाही अपमान आहे. राहुल गांधींनी ताबडतोब हिंदूंची आणि देशाची माफी मागावी आणि भारताचा गौरवशाली इतिहास नव्याने जाणून घ्यावा - देवेंद्र फडणवीस</p>
केंद्रीय मोटार वाहन नियमान्वये वाहन योग्यता प्रमाणपत्राच्या नुतनीकरणास विलंब झाल्यास प्रतिदिन ५० रुपयांची शुल्काची तरतूद आहे.
नागपूर : उपमुख्यमंत्र्यांच्या शहरानजिक असलेल्या खामगाव रोड येथील ज्ञान विद्या मंदिर शाळेतील विद्यार्थ्यांची शाळेतील पहिल्याच दिवसाची वाट बिकट ठरली. शाळेच्या पहिल्या दिवशी या विद्यार्थ्यांना चक्क चिखलातून जावे लागल्याचा गंभीर प्रकार समोर आला. त्यामुळे शाळा प्रवेशाच्या दिवशी एकीकडे विद्यार्थ्यांचे जंगी स्वागत तर दुसरीकडे असा बिकट प्रवास असे चित्र पहिल्याच दिवशी पाहायला मिळाले.
नागपूर : सोमवारी पावसाळी अधिवेशनादरम्यान उपमुख्यमंत्री देवेंद्र फडणवीस यांनी ‘क’ गटाच्या परीक्षाही ‘एमपीएससी’मार्फत होणार अशी घोषणा केली. शिवाय सरळसेवा भरतीच्या परीक्षा टप्प्याटप्याने एमपीएससीकडे दिल्या जातील असेही ते म्हणाले.
पुणे : कल्याणीनगर अपघात प्रकरणात नुकताच मुंबई उच्च न्यायालयाने बांधकाम व्यावसायिक विशाल अगरवालच्या अल्पवयीन मुलाची नुकतीच जामिनावर मुक्तता केली. उच्च न्यायालयाने दिलेल्या निकालाच्या विरोधात पुणे पोलीस सर्वोच्च न्यायालयात दाद मागणार आहेत. याबाबत राज्याच्या विधी आणि न्याय विभागाने पुणे पोलिसांना परवानगी दिली आहे.
नागपूर: महाराष्ट्र लोकसेवा आयोगाच्या महाराष्ट्र गट-क सेवा मुख्य परीक्षा-२०२३, मधील लिपिक टंकलेखक व करसहायक या संवर्गाची ‘टंकलेखन कौशल्य चाचणी’ परीक्षेत पहिल्याच दिवशी तांत्रिक गोंधळ उडाल्याने १ ते ३ जुलैपर्यंतची परीक्षा रद्द करण्यात आली.
कोल्हापूर : उच्च व तंत्र शिक्षण मंत्री नामदार चंद्रकांत पाटील यांनी राज्यातील सर्व मुलींना चालू शैक्षणिक वर्षापासून मोफत उच्च शिक्षण देण्याच्या ऐतिहासिक निर्णयाबद्दल आज कोल्हापूर भारतीय जनता पार्टीच्या वतीने आनंद उत्सव साजरा करण्यात आला. भाजपा पदाधिकारी, कार्यकर्ते यांनी विवेकानंद कॉलेज, नागाळा पार्क याठिकाणी एकत्र येत सर्वांनी नाम.चंद्रकांतदादा पाटील यांचा विजय असो, भारतीय जनता पार्टीचा विजय असो अशा घोषणा दिल्या. जिल्हाध्यक्ष विजय जाधव प्रदेश सचिव महेश जाधव यांनी शैक्षणिक क्षेत्रातील या महत्त्वपूर्ण निर्णयाबद्दल दादांचे मनस्वी अभिनंदन केले. या शैक्षणिक निर्णयासाठी शासनाच्यावतीने २००० कोटी रुपयांची तरतूद केली असून सरकारच्या या ऐतिहासिक निर्णयामुळे सर्वसामान्य कुटुंबातील मुलींच्या उच्च शिक्षणाचा मार्ग सुकर झाल्याचे मत याप्रसंगी जिल्हाध्यक्ष विजय जाधव यांनी व्यक्त केले.
बुलढाणा: जिजाऊंचे माहेर सिंदखेडराजा ते विदर्भपंढरी दरम्यानच्या प्रस्तावित भक्तिमार्ग विरोधात आता जिल्हा काँग्रेस देखील मैदानात उतरली आहे. पक्षाचे जिल्हाध्यक्ष, माजी आमदार राहुल बोन्द्रे यांच्या नेतृत्वात आज जिल्हाधिकारी कार्यालयासमोर ‘आत्मक्लेश’ आंदोलन करून शासन व जिल्हा प्रशासन यांचे लक्ष वेधण्यात आले.
संत श्री ज्ञानेश्वर महाराज पालखी सोहळ्यासाठी जिल्हा प्रशासन सज्ज असून पालखी मार्गावर वारकऱ्यांसाठी सर्व सोयी उभारण्यात आल्या आहेत.
सरकारने शेतकऱ्यांची संपुर्ण कर्जमाफी करावी ही मागणी घेऊन आज स्वाभिमानी शेतकरी संघटनेच्यावतीने राजू शेट्टी यांच्या नेतृत्वात आंदोलनाला सुरुवात झाली.
बुलढाणा : मातृतीर्थ सिंदखेडराजा ते विदर्भ पंढरी शेगाव दरम्यानच्या प्रस्तावित भक्ती महामार्गाच्या विरोधात शेतकरी नेते रविकांत तुपकर यांनी आक्रमक भूमिका घेतली आहे.
लोकसभा निवडणुकीत दारूण पराभव झालेल्या पंकजा मुंडे यांचं राजकीय पुनर्वसन करण्याची मागणी त्यांच्या कार्यकर्त्यांकडून केली जात होती. आता विधान परिषदेसाठी भाजपाने त्यांना उमेदवारी जाहीर केली आहे.
Maharashtra Assembly Monsoon Session 2024 : महाराष्ट्रातील महत्त्वाच्या घडामोडी वाचा एका क्लिकवर
