अर्थसंकल्पाबाबत सूचनांचे अर्थमंत्र्यांचे आवाहन

राज्यातील नव्या सरकारचा प्रथम अर्थसंकल्प सादर करणाऱ्या अर्थमंत्री सुधीर मुनगंटीवार यांनी लोकांकडून अर्थसंकल्पाबाबत सूचना मागविल्या आहेत. या करीता व्हॉटस अ‍ॅपचा विशेष क्रमांक त्यांनी जाहीर केला असून फेसबुक, इ-मेल, तसेच अर्थ मंत्रालयाच्या संकेतस्थळाचा उपयोग करून लोकांनी आपल्या अपेक्षा व सूचना सरकारला कळवाव्यात, असे आवाहन त्यांनी केले आहे.