List of Ministers in Maharashtra 2024: नुकत्याच संपलेल्या महाराष्ट्र विधानसभा निवडणुकीमध्ये लोकसभा निकालांच्या उलट निकाल लागल्याचं पाहायला मिळालं. महायुतीनं जोरदार कमबॅक करत अभूतपूर्व असं यश मिळवलं. राज्यात महायुतीला २३५ जागांचं घवघवीत बहुमत मिळालेलं असताना महाविकास आघाडी मात्र ४९ जागांपर्यंतच मर्यादित राहिली. पण २३ नोव्हेंबर रोजी निकाल लागूनही मुख्यमंत्री देवेंद्र फडणवीस, उपमुख्यमंत्री अजित पवार व उपमुख्यमंत्री एकनाथ शिंदे यांचा शपथविधी १२ दिवसांनंतर म्हणजेच ५ डिसेंबरला झाला. यानंतर १५ डिसेंबर रोजी मंत्रिमंडळाचा पहिलाच विस्तार पार पडला. नागपूर येथील विधीमंडळात हा पहिलाच मंत्रीमंडळ विस्तार आहे. एकूण ३९ मंत्र्यांनी यावेळी शपथ घेतली. या ३९ मंत्र्यांपैकी ३३ आमदारांनी कॅबिनेट तर सहा आमदारांनी राज्यमंत्रीपदाची शपथ घेतली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

अनेक चर्चा-बैठकांनंतर झाला देवेंद्र फडणवीसांचा शपथविधी!

निकालानंतर १२ दिवसांमध्ये बऱ्याच राजकीय घडामोडी पाहायला मिळाल्या. आधी मुख्यमंत्री कोण होणार? यावर बरेच तर्क-वितर्क आणि बैठका झाल्याचं दिसून आलं. त्यानंतर एकनाथ शिंदे उपमुख्यमंत्रीपद स्वीकारणार का? यावरून बराच काथ्याकूट झाला. अखेर ५ डिसेंबरला शपथविधीला अवघे २ तास उरले असताना एकनाथ शिंदेंनी उपमुख्यमंत्रीपदाची शपथ घ्यायला संमती दर्शवली आणि ५.३० वाजता आझाद मैदानावर तिघांचा शपथविधी पार पडला.

मुख्यमंत्री व दोन उपमुख्यमंत्री हा फॉर्म्युला निश्चित झाल्यानंतर कोणतं खातं कुठल्या पक्षाला आणि कोणत्या नेत्याला मिळणार? यावरूनही पुन्हा चर्चेच्या फेऱ्या झडल्या. कधी मुंबईत तर कधी दिल्लीत सत्ताधारी गटाच्या तिन्ही पक्षांच्या नेत्यांच्या एकत्र आणि स्वतंत्र बैठकाही झाल्याचं दिसून आलं. गृहमंत्रीपदासाठी शिवसेना (एकनाथ शिंदे) पक्ष आग्रही असल्याची चर्चा पाहायला मिळाली.

विश्लेषण : महाराष्ट्रात ४३ मंत्रीच? मंत्रिमंडळात मंत्र्यांची संख्या किती असते? या संख्येवर बंधने का असतात?

महाराष्ट्र सरकारमधील मंत्र्यांची संपूर्ण यादी

क्रमांकपक्षमंत्र्यांचं नावजबाबदारी/खातं
भाजपादेवेंद्र फडणवीसमुख्यमंत्री, गृह
शिवसेनाएकनाथ शिंदेउपमुख्यमंत्री, नगरविकास, गृहनिर्माण
राष्ट्रवादीअजित पवारउपमुख्यमंत्री, राज्य उत्पादन शुल्क
१भाजपाचंद्रकांत पाटीलउच्च तंत्र शिक्षण
२भाजपामंगलप्रभात लोढाकौशल्य विकास
३भाजपाराधाकृष्ण विखे पाटीलजलसंधारण
४भाजपापंकजा मुंडेपशुसंवर्धन आणि पर्यावरण
५भाजपागिरीश महाजनजलसंपदा
६भाजपागणेश नाईकवनखातं
७भाजपाचंद्रशेखर बावनकुळेमहसूल
८भाजपाआशिष शेलारमाहिती व तंत्रज्ञान
९भाजपाअतुल सावेओबीसी विकास, दुग्धविकास
१०भाजपासंजय सावकारेवस्त्रोद्योग
११भाजपाअशोक उईकेआदिवासी विकास
१२भाजपाआकाश फुंडकरकामगार
१३भाजपामाधुरी मिसाळ सामाजिक न्याय,अल्पसंख्याक विकास वैद्यकीय शिक्षण (राज्यमंत्री)
१४भाजपाजयकुमार गोरेग्रामविकास आणि पंचायत राज
१५भाजपामेघना बोर्डीकरसार्वजनिक आरोग्य, कुटुंब कल्याण, (राज्यमंत्री)
१६भाजपापंकज भोयरगृह निर्माण, (राज्यमंत्री)
१७भाजपाशिवेंद्रराजे भोसलेसार्वजनिक बांधकाम
१८भाजपानितेश राणेमत्स्य आणि बंदरे
१९भाजपाजयकुमार रावलविपणन
२०शिवसेनादादा भूसे शालेय शिक्षण
२१शिवसेनागुलाबराव पाटीलपाणीपुरवठा
२२शिवसेनासंजय राठोडमाती व पाणी परीक्षण
२३शिवसेनाउदय सांमतउद्योग व मराठी भाषा
२४शिवसेनाशंभूराज देसाईपर्यटन व खाण स्वातंत्र्य सैनिक कल्याण मंत्रालय
२५शिवसेनाप्रताप सरनाईकपरिवहन
२६शिवसेनायोगेश कदमगृहराज्य शहर, राज्यमंत्री
२७शिवसेनाआशिष जैस्वालअर्थ आणि नियोजन आणि विधी व न्याय, (राज्यमंत्री)
२८शिवसेनाभरत गोगावलेरोजगार हमी व फलोत्पादन
२९शिवसेनाप्रकाश आबिटकरसार्वजनिक आरोग्य कुटुंब कल्याण
३०शिवसेनासंजय शिरसाटसामाजिक न्याय
३१राष्ट्रवादी काँग्रेस</td>हसन मुश्रीफवैद्यकीय शिक्षण
३२राष्ट्रवादी काँग्रेसआदिती तटकरेमहिला व बालविकास
३३राष्ट्रवादी काँग्रेसधनंजय मुंडेअन्न व नागरी पुरवठा
३४राष्ट्रवादी काँग्रेसदत्तमामा भरणेक्रीडा व अल्पसंख्याक विकास
३५राष्ट्रवादी काँग्रेसबाबासाहेब पाटीलसहकार
३६राष्ट्रवादी काँग्रेसनरहरी झिरवाळअन्न व औषध प्रशासन
३७राष्ट्रवादी काँग्रेसमकरंद पाटीलमदत व पुनर्वसन
३८राष्ट्रवादी काँग्रेसइंद्रनील नाईकउच्च आणि तंत्र शिक्षण आणि आदिवासी विकास, (राज्यमंत्री)
३९राष्ट्रवादी काँग्रेसमाणिकराव कोकाटेकृषी

कोणत्या नेत्याला कोणतं खातं मिळणार?

मंत्रिमंडळाचा पहिला विस्तार झाला असून आता हिवाळी अधिवेशनही पार पडलं. त्यामुळे कोणत्या मंत्र्याला कोणते खाते मिळणार? याकडे अनेकां लक्ष लागलं होतं. अखेर आज खातेवाटप जाहीर करण्यात आलं.