Maharashtra Cabinet Expansion Live Updates: राष्ट्रवादी काँग्रेस (अजित पवार) पक्षाचे ९ आमदार शपथ घेणार, तटकरेंची माहिती

नागपूर: मुख्यमंत्री देवेंद्र फडणवीस यांच्या नेतृत्वाखालील सरकारचा शपथविधी काही तासावर आला असताना रविवारी सकाळपर्यंत संभाव्य मंत्र्यांची नावे जाहीर करण्यात आली नव्हती. त्यामुळे भाजप व मित्र पक्षाच्या नेत्यांमध्ये संभ्रम निर्माण झाला होता. अखेर सकाळी १० वाजता संभाव्य मंत्र्यांना फोनव्दारे शपथविधीसाठी तयार राहा, असे निरोप देण्यात आले.

सविस्तर वाचा….

राष्ट्रवादी काँग्रेस (अजित पवार) पक्षाचे ९ आमदार आज मंत्रिपदाची शपथ घेणार आहेत, अशी माहिती पक्षाचे प्रदेशाध्यक्ष सुनील तटकरे यांनी दिली. आज नागपूर येथे प्रसार माध्यमांशी बोलत असताना त्यांनी सांगितले की, राष्ट्रवादीला १० मंत्रिपदं मिळणार आहेत. अजित पवार यांनी आधीच शपथ घेतली आहे. तर आज ९ आमदार शपथ घेतील.

नागपूर: मुख्यमंत्री देवेंद्र फडणवीस यांच्या नेतृत्वाखालील सरकारचा शपथविधी काही तासांवर आला असताना अद्याप संभाव्य मंत्र्यांची नावे जाहीर करण्यात आली नसल्याने नेत्यांमध्ये संभ्रम निर्माण झाला आहे.

सविस्तर वाचा…

भाजपाचे नेते गिरीश महाजन यांनी आज मंत्रिपदाची शपथ घेणार असल्याचे म्हटले आहे. तसेच भाजपाकडून काही जुन्या आणि काही नव्या चेहऱ्यांना मंत्रिपदाची संधी दिली जाणार आहे, असेही ते म्हणाले. आम्ही देवेंद्र फडणवीस यांच्या नेतृत्वाखाली काम करणार असून याचा आनंद वाटतो. तसेच काही वरिष्ठ नेत्यांना मंत्रिपद दिले जाणार नाही, असेही ते म्हणाले.

भाजपाकडून नितेश राणे, मंगलप्रभात लोढा, पंकज भोयर, चंद्रकांत पाटील, पंकजा मुंडे, शिवेंद्रराजे भोसले, पंकज भोयर यांना भाजपाचे प्रदेशाध्यक्ष चंद्रशेखर बावनकुळे यांच्याकडून फोन गेल्याची माहिती मिळत आहे.

महायुतीच्या मंत्रिमंडळाचा आज पहिला विस्तार होणार आहे. यानिमित्त शपथविधीसाठी प्रत्येक पक्षाकडून आमदारांना फोन जात आहेत. भाजपाचे २१ जण शपथ घेतल्याचे सांगितले जात आहे. आतापर्यंत भाजपाकडून १९ आमदारांना मंत्रिपदासाठी फोन गेल्याची माहिती मिळत आहे.