Maharashtra Politics Updates : महाराष्ट्र विधानसभा निवडणुकीचा निकाल जाहीर होऊन नऊ दिवस झाले तरी अद्याप राज्यात नवं सरकार स्थापन झालेलं नाही. राज्यातील जनतेने महायुतीच्या बाजूने कौल देऊनही महायुती सत्तास्थापनेचा दावा करू शकलेली नाही. आधी मुख्यमंत्रीपद व आता राज्याच्या गृहमंत्रीपदावरून महायुतीमधील दोन प्रमुख पक्ष भाजपा व शिवसेनेत (शिंदे) रस्सीखेच चालू आहे. दरम्यान, देवेंद्र फडणवीस हेच मुख्यमंत्री होणार असून त्यांच्या नावावर भाजप पक्षश्रेष्ठींनी शिक्कामोर्तब केलं आहे. काळजीवाहू मुख्यमंत्री एकनाथ शिंदे हे देखील उपमुख्यमंत्रीपद स्वीकारण्यास राजी झाले असले तरी गृहखाते मिळावे, या मागणीवर ते ठाम असून भाजपाची त्यास तयारी नाही. त्यामुळे आता गृहखात्यावरून तिढा असून हे खाते कोणाकडे जाणार, याविषयी तर्कवितर्क सुरू आहेत. भाजप विधिमंडळ पक्षाची बैठक मंगळवार किंवा बुधवारी होण्याची शक्यता असून त्या वेळी फडणवीस यांच्या नावाची घोषणा होईल. यासह महायुतीत खातेवाटपावरही चर्चा होऊ शकते. दिवसभरात घडणाऱ्या या सर्व राजकीय घडामोडींवर आपलं लक्ष असेल. या सर्व घडामोडींचा आढावा आपण या लाईव्ह न्यूज ब्लॉगद्वारे घेणार आहोत.
Maharashtra Breaking News highlights : महाराष्ट्रातील राजकीय घडामोडींचा आढावा एकाच क्लिकवर.
शिक्षण मंडळातर्फे परीक्षा साहित्य संकलनाची नवीन केंद्रे
नाशिक - राज्य शिक्षण मंडळाच्या वतीने फेब्रुवारी-मार्च आणि जुलै-ऑगस्टमध्ये घेण्यात येणाऱ्या इयत्ता १०वी आणि १२ वी परीक्षेसंबंधीचे साहित्य वितरण आणि संकलन करण्याविषयी सूचना करण्यात आल्या असून यासाठी नव्या संकलन केंद्रांना सुरूवात करण्यात आली आहे.
राज्य शिक्षण मंडळाच्या वतीने इयत्ता १० वी आणि इयत्ता १२ वीची परीक्षा घेतली जाते. या परीक्षांशी संबंधित विविध प्रकारचे साहित्य असते. त्यात तोंडी, प्रात्यक्षिक आणि श्रेणी परीक्षांविषयक साहित्य वाटप करण्यात येते. वाढती शाळा आणि कनिष्ठ महाविद्यालयांची संख्या लक्षात घेता वाटप केंद्रांवर ताण येण्याची शक्यता लक्षात घेता नव्या संकलन केंद्रांना सुरूवात करण्यात आली आहे. यामध्ये नाशिक अ मंडळ कार्यालआत इगतपुरी, निफाड, सिन्नर, त्र्यंबकेश्वर आणि नाशिक ब मंडळ कार्यालयात नाशिक ग्रामीण, नाशिक शहर, दिंडोरी येथील जनता इंग्लिश स्कुल आणि कनिष्ठ महाविद्यालयात दिंडोरी, पेठ, सुरगाणा यांसाठी साहित्य वितरीत होईल.
फरार संशयित पोलिसांच्या जाळ्यात
नाशिक - अंबड पोलिसांना एका गुन्ह्यात पाहिजे असलेल्या संशयितास स्थानिक गुन्हे शाखा विभाग दोनने ताब्यात घेतले.
पोलीस आयुक्त संदीप कर्णिक यांनी गंभीर गुन्ह्यातील संशयितांचा शोध घेण्याच्या सूचना केल्या आहेत. त्यानुसार स्थानिक गुन्हे शाखा विभाग दोनच्या वतीने अंबड पोलिसांना एका गुन्ह्यात हवा असलेला संशयित महाकाली चौक परिसरात वावरत असल्याची माहिती मिळाली. स्थानिक गुन्हे शाखेच्या पथकाने महाकाली चौक परिसरात सापळा रचत सनी उर्फ माँटी दळवी (३४, रा.अंबड) याला ताब्यात घेतले.
विरोधी पक्षनेतेपदासाठी रोहित पवारांचे मोठे संकेत
रोहित पवार यांनी राष्ट्रवादी काँग्रेस (शरद पवार) पक्षाच्या गटनेते आणि प्रतोद निवडीबाबतही भाष्य केलं. ते म्हणाले की, "प्रतोद पदी कोणाची निवड करायची याची चर्चा पक्षाच्या बैठकीत सुरु होती, त्या ठिकाणी शरद पवार देखील होते. त्या बैठकीत मीच विनंती केली की रोहित पाटील यांना मुख्य प्रतोद म्हणून संधी द्यावी. त्यामुळे माझ्यावर अन्याय झाला हे बोलणं योग्य ठरणार नाही. मात्र, येत्या काळात जे संविधानिक पद असतं, ज्या काही कमिट्या विरोधी पक्षाला दिल्या जातात, त्यामध्ये कदाजित माझ्यासारख्याला संधी मिळू शकते. त्यामुळे काल जे पदे दिली आहेत ते खूप विचार करून दिली आहेत", असं रोहित पवार यांनी म्हटलं आहे.
भाजपाचा गटनेता कधी ठरणार? आमदारांची गटनेते पदाची बैठक कधी होणार? महत्वाची माहिती समोर
विधानसभा निवडणुकीत महायुतीला मोठं बहुमत मिळालं. बहुमतानंतर राज्यात महायुतीकडून सरकार स्थापनेच्या हालचाली सुरु आहेत. आता ४ डिसेंबर २०२४ रोजी सकाळी १० वाजता सेंट्रल हॉल, विधानभवन येथे भाजपा आमदारांची बैठक पार पडणार आहे. या बैठकीत भाजपाचा विधीमंडळ नेता निवडला जाणार आहे. या बैठकीत विधीमंडळ नेता म्हणून कोणाला नेमलं जाणार? याकडे आता राज्याचं लक्ष लागलं आहे. दरम्यान, ४ डिसेंबर रोजीच सत्ता स्थापनेचा दावा केला जाईल अशी चर्चा आहे. तसेच ५ डिसेंबर रोजी शपधविधी सोहळा पार पडणार असल्याचंही बोललं जात आहे.
नाचता येईना अंगण वाकडं, विरोधकांची अवस्था - आमदार हेमंत रासने
पुण्यातील कसबा विधानसभा मतदारसंघाचे भाजपचे नवनिर्वाचित आमदार हेमंत रासने यांनी मतदारसंघातील पाणी प्रश्नाबाबत नागरिकांशी संवाद साधून उपस्थित अधिकारी वर्गाला आवश्यक त्या सूचना केल्या. त्यानंतर अनेक राजकीय घडामोडींबाबत हेमंत रासने यांनी पत्रकारांशी संवाद साधताना भाष्य केले.
ईव्हीएमबाबत महाविकास आघाडीतील पराभव झालेल्या नेत्यांनी शंका उपस्थित केली आहे. त्या प्रश्नावर आमदार हेमंत रासने म्हणाले की, देशभरात चार महिन्यांपूर्वी लोकसभा निवडणूक पार पडली. त्या निवडणुकीत ते जिंकले. त्यावेळी नागरिकांचा किंवा कामाचा विजय म्हणाले, पण ज्यावेळी पराभवाला सामोरे जाव लागले तेव्हा ईव्हीएमबाबत मुद्दा उपस्थित करतात. त्यामुळे नाचता येईना अंगण वाकडं, अशी विरोधकांची अवस्था झाली असल्याचे सांगत महाविकास आघाडीतील नेत्यांना त्यांनी सुनावले.
राजकीय घडामोडींना वेग, अजित पवार एकटेच तातडीने दिल्लीला रवाना
विधानसभा निवडणुकीत महायुतीला मिळालेल्या बहुमतानंतर राज्यात महायुतीकडून सरकार स्थापनेच्या दिशेने पावलं टाकण्यात येत आहेत. निवडणुकीचा निकाल लागून तब्बल आठ दिवस होऊन गेले आहेत. तरीही महायुतीचं सरकार स्थापन होऊ शकलं नाही.तसेच काळजीवाहू मुख्यमंत्री एकनाथ शिंदे यांनी महायुतीकडे राज्याचं गृहखातं मागितल्याची चर्चा आहे. मात्र, गृहखातं देण्यास भाजपाचा विरोध असल्याचं बोललं जात आहे. त्यामुळे शिंदे नाराज असल्याची चर्चा आहे. यातच आता अजित पवार तातडीने दिल्लीला रवाना झाले असल्याची माहिती सांगण्यात येत आहे. या दिल्लीत ते अमित शाह यांची घेणार भेट घेणार आहेत. या भेटीत अमित शाह यांच्याबरोबर मंत्रिमंडळाच्या वाटपाबद्दल चर्चा होण्याची शक्यता आहे. त्यामुळे मोठ्या घडामोडींना वेग आला आहे.
सुवर्णसंधी! सोन्याचा भाव पुन्हा उतरला… तीनच दिवसांत…
सोन्याच्या दरात चढ- उताराचा क्रम आताही कायम आहे. महाराष्ट्र विधानसभा निवडणुकीनंतर प्रथमच सोन्याचे दर घसरले.
Eknath Shinde : मुख्यमंत्र्यांच्या बैठका रद्द, ठाण्यातील निवास्थानी एकनाथ शिंदे घेत आहेत विश्रांती
ठाणे : काळजीवाहू मुख्यमंत्री एकनाथ शिंदे हे साताऱ्यातील दरे गावातून ठाण्यातील निवासस्थानी रविवारी परतले असले तरी, त्यांची प्रकृती पुर्णपणे बरी झालेली नाही. यामुळे डॉक्टरांच्या सल्ल्यानुसार त्यांनी सोमवारी निवासस्थानीच विश्रांती घेतली असून यामुळे त्यांच्या सर्वच बैठका रद्द करण्यात आल्या आहेत.
Video: Tiger vs Tiger… ताडोबात छोटी ताराच्या दोन बछड्यांमधे जुंपली
जंगलातील पर्यटनाचा हंगाम आता कुठे सुरू झाला आहे आणि पर्यटकांनी धाव घेतली आहे ती ताडोबा-अंधारी व्याघ्रप्रकल्पाकडे.
वन विभागाचा प्रताप! आंधळेपणाने केली शेकडो झाडांची कत्तल
झाडांची कत्तल का करण्यात आली याबाबत फॉरेस्ट डेव्हलपमेंट कॉर्पोरेशन ऑफ महाराष्ट्र लिमिटेडचे भंडारा विभागाचे निखिल राऊत यांना विचारणा केली असता त्यांच्याकडे याबाबत कोणतेही उत्तर नव्हते.
रेल्वे रुळालगत १,२०० किलोमीटरची सुरक्षा भिंत उभारणार
मध्य रेल्वे विभाग रुळाशेजारी सुमारे १,१४१ कोटी रुपये खर्चून १२०० किलोमीटर लांब संरक्षक भिंत उभारणार आहे.
महाराष्ट्र विधीमंडळ नेता निवडीसाठी निर्मला सीतारामन पर्यवेक्षक
भारतीय जनता पार्टीच्या संसदीय मंडळाने गुजरातचे माजी मुख्यमंत्री विजय रुपाणी आणि पंजाबचे राज्य प्रभारी, केंद्रीय वित्त तथा कॉर्पोरेट व्यवहार मंत्री निर्मला सीतारामन यांची महाराष्ट्र भाजपाचा विधीमंडळ नेता निवडीसाठी पर्यवेक्षक म्हणून नियुक्ती केली आहे.
जातीआधारित आरक्षणाबाबत ‘व्हॉट्सॲप’वर चर्चा गुन्हा? उच्च न्यायालयाने दिला हा निर्णय…
जातीआधारित आरक्षण हा नेहमी चर्चेचा विषय ठरला आहे. आरक्षणाला समर्थन देणारे तसेच विरोध करणारे लोक मोठ्या संख्येत आहे.
अंदाज पावसाचा, पण आकाशातून पडले वेगळेच काही…कोरियन भाषेतला मजकूर बघून…
चिखली तालुक्यातील अंचरवाडी येथे पाऊस तर पडला नाही, पण भलतीच वस्तू पडल्याने गाव परिसरासह चिखली तालुक्यात एकच खळबळ उडाली आहे.
सावधान ! ‘लेप्टोस्पायरोसिस’च्या मृत्यूसंख्येत वाढ; आठवडाभरात…
लेप्टोस्पायरा म्हणून ओळखल्या जाणाऱ्या जिवाणूंमुळे होणाऱ्या लेप्टोस्पायरोसिसच्या वाढत्या रुग्णसंख्येने आरोग्य विभागाची चिंता वाढली आहे.
“‘त्यांना’ दणदणीत विजयाचा विश्वास होता; शिंदेची सभा नाकारली”, जाधव यांचा संजय गायकवाड यांना टोला
मीच काय त्यांनी दस्तुरखुद्द मुख्यमंत्री एकनाथ शिंदे यांची सभा नाकारली, असा मार्मिक टोला बुलढाणा खासदार प्रतापराव जाधव तथा केंद्रीय आरोग्य राज्यमंत्री प्रतापराव जाधव यांनी आमदार संजय गायकवाड यांना लगावला आहे.
शिवशाही अपघात : आदल्या दिवशी बस चुकली अन्…
शुक्रवारी झालेला शिवशाही बसचा भीषण अपघात हा भंडारा जिल्ह्याच्या इतिहासातील सर्वांत मोठा अपघात ठरला.
केजरीवालांपाठोपाठ उद्धव ठाकरे काँग्रेसला धक्का देणार? आगामी निवडणुकांबाबत पदाधिकाऱ्यांची महत्त्वाची मागणी
दिल्ली विधानसभा निवडणुकीत आम आदमी पार्टीने स्वबळाचा नारा दिला आहे. पक्षाचे प्रमुख अरविंद केजरीवाल यांनी रविवारी (१ डिसेंबर) जाहीर केलं की दिल्लीच्या निवडणुकीत त्यांचा पक्ष कोणत्याही पक्षाबरोबर आघाडी किंवा युती करणार नाही. हरियाणा व महाराष्ट्राच्या निवडणुकीतील पराभवानंतर काँग्रेसचं नुकसान होऊ लागलं आहे. आता शिवसेना (ठाकरे) देखील काँग्रेसची साथ सोडणार असल्याची चर्चा रंगतेय. अशातच शिवसेनेच्या (ठाकरे) पदाधिकाऱ्यांनी देखील तशीच मागणी केली आहे. पुण्यात आज शिवसेनेच्या (ठाकरे) कार्यकर्ते व पदाधिकाऱ्यांचा मेळावा आयोजित करण्यात आला होता. या मेळाव्यात पक्षाच्या आगामी स्थानिक स्वराज्य संस्थांमधील निवडणुकीच्या रणनितीवर चर्चा करण्यात आली. त्यानंतर पक्षाचे नेते सचिन अहिर यांनी प्रसारमाध्यमांशी बातचीत केली. यावेळी अहिर म्हणाले की "पुणे जिल्ह्यातील पदाधिकारी व कार्यकर्त्यांशी विभागनिहाय चर्चा करण्यात आली. आम्ही सर्व पदाधिकाऱ्यांचं म्हणणं ऐकलं. यावेळी आम्ही आमच्या पदाधिकाऱ्यांना विचारलं की आगामी निवडणुका आपण स्वबळावर लढवायला हव्यात की महाविकास आघाडी म्हणून आपण निवडणुकांना सामोरं जायला हवं? यावेळी बरेच पदाधिकारी म्हणाले की आपण आगामी निवडणूक स्वबळावर लढवली पाहीजे. तर बहुसंख्य कार्यकर्ते, पदाधिकारी म्हणाले की आपण ही महाविकास आघाडी केली आहे. ती कायम ठेवली पाहिजे. आपण महाविकास आघाडी म्हणून आगामी जिल्हा परिषद व नगर परिषदेच्या निवडणुकांना सामोरं जावं लागेल".
चार कोटींचे कर्ज मिळवून देण्याच्या आमिषाने व्यावसायिकाची फसवणूक
पुणे : व्यवसायासाठी चार कोटी रुपयांचे कर्ज मिळवून देण्याच्या आमिषाने एकाची सात लाख रुपयांची फसवणूक करण्यात आल्याचा प्रकार उघडकीस आला. याप्रकरणी समर्थ पोलिसांनी गुन्हा दाखल केला आहे.
कोण आहे ‘मतदारांच्या मनातील आमदार’…साकोलीतील फलकाची जोरदार चर्चा
साकोली मतदारसंघात काँग्रेस प्रदेशाध्यक्ष नाना पटोले विरुद्ध भाजपचे अविनाश ब्राह्मणकर यांच्यात लढत झाली.
कोकणातील ढासळलेले गड सावरण्याचे उद्धव ठाकरेंपुढे मोठे आव्हान
शिवसेना पक्षप्रमुख बाळासाहेब ठाकरे यांनी शिवसेनेची स्थापना करुन ती कोकणात मोठ्या प्रमाणावर रुजविली. कोकण म्हटले की, ठाकरे यांची शिवसेना तळागाळात पहावयास मिळत होती.
शिवशाही बस अपघात प्रकरणी धक्कादायक माहिती; चालकाने या पूर्वी ५ वेळा …
या अपघातात तब्बल ११ जणांनी नाहक प्राण गमावले. या प्रकरणी एसटी महामंडळाच्या भंडारा विभागीय अधिकाऱ्यांनी चालकाला निलंबित केले असून या प्रकरणात आणखी एक धक्कादायक माहिती समोर आली आहे.
आईला रुग्णालयात भेटून घरी जाताना १६ वर्षाच्या मुलाचा मृत्यू
मुंबई : रुग्णालयात उपचार घेणाऱ्या आईला भेटून घरी जाणाऱ्या १६ वर्षांच्या मुलाचा नागपाडा परिसरात झालेल्या अपघातात मृत्यू झाला. मृत मुलगा दुचाकीच्या मागे बसला होता. याप्रकरणी दुचाकीस्वाराविरोधात नागपाडा पोलिसांनी निष्काळजीपणाचा गुन्हा दाखल केला आहे. मृत मुलाच्या डोक्याला गंभीर दुखापत झाल्यामुळे त्याचा मृत्यू झाल्याची माहिती पोलिसांनी दिली.
कुलाब्यातील प्रकल्पाला पालिकेची स्थगिती?
मुंबई : दक्षिण मुंबईतील कुपरेज मैदानात लहान मुलांसाठी हॉर्स कॅरोसेल अर्थात फिरते चक्र (मेरी गो राऊंड) तयार करण्याच्या प्रकल्पाला पालिका प्रशासनाने स्थगिती दिल्याचा आरोप भाजपचे माजी नगरसेवक मकरंद नार्वेकर यांनी केला आहे. माजी विधानसभा अध्यक्ष व भाजपचे आमदार राहुल नार्वेकर यांच्या संकल्पनेतून आलेल्या चार प्रकल्पांना आतापर्यंत पालिका प्रशासनाने स्थगिती दिल्याचा आरोपही त्यांनी केला असून पालिका प्रशासन हे कुलाबा विरोधी असल्याचा आरोप त्यांनी केला आहे.
नवनियुक्त पोलीस कर्मचारी रिक्षात विसरला महत्त्वाची कागदपत्र आणि गणवेश
ठाणे : नगर येथील रहिवासी असलेला नवनियुक्त पोलीस कर्मचारी सोमवारपासून ठाणे पोलीस दलात त्याचे कर्तव्य बजावण्यास सुरूवात करणार होता. परंतु त्यापूर्वीच त्याच्याकडील रूजू होण्याची, इतर महत्त्वाची कागदपत्र आणि गणवेशाची बॅग रिक्षात विसरला. परंतु वाहतुक पोलिसांच्या सतर्कतेमुळे अवघ्या काही तासांत ही बॅग त्याला पुन्हा मिळाली. बॅग मिळताच कर्मचाऱ्याचा जीव भांड्यात पडला.
डोंबिवलीत मालमत्ता कर थकविणाऱ्या क्रिटीकल केअर सेंटरसह पाच गाळे सील, पालिकेच्या ग प्रभागाची कारवाई
डोंबिवली : वारंवार नोटिसा देऊनही मालमत्ता कराची थकबाकी न भरणाऱ्या कल्याण डोंबिवली पालिकेच्या येथील ग प्रभाग हद्दीतील वाणीज्य वापर असलेल्या पाच आस्थापना ग प्रभागाचे साहाय्यक आयुक्त संजयकुमार कुमावत यांच्या मार्गदर्शनाखाली मालमत्ता कर विभागाच्या पथकाने पोलीस बंदोबस्तात शुक्रवारी सील केल्या. या मालमत्ताधारकांकडे एकूण १६ लाख ५४ हजार ९७७ रूपयांची थकबाकी आहे.
नागपूर हिवाळी अधिवेशनाची तयारी, मंत्र्यांना बंगले; कर्मचारी एका खोलीत चार !
एकीकडे मंत्री, राज्यमंत्र्यांसाठी स्वतंत्र बंगले, स्वतंत्र गाळ्यांची व्यवस्था करण्यात आली असताना दुसरीकडे कर्मचाऱ्यांना मात्र एका खोलीत दोनहून अधिक कर्मचारी,अधिकाऱ्यांची व्यवस्था करण्यात आली आहे.
सविस्तर वाचा...
मुख्यमंत्र्याच्या शपथविधी सोहळ्याआधी नागपूरमध्ये चेहरा नसलेल्या नेत्याचे बॅनर्स, काय आहे संकेत?
राज्यातील विधानसभा निवडणुकीच्या निकालात भाजपसह महायुतीने दमदार कामगिरी करत विजय प्राप्त केला.
आईला रुग्णालयात भेटून घरी जाताना १६ वर्षाच्या मुलाचा मृत्यू
मुंबई : रुग्णालयात उपचार घेणाऱ्या आईला भेटून घरी जाणाऱ्या १६ वर्षांच्या मुलाचा नागपाडा परिसरात झालेल्या अपघातात मृत्यू झाला. मृत मुलगा दुचाकीच्या मागे बसला होता. याप्रकरणी दुचाकीस्वाराविरोधात नागपाडा पोलिसांनी निष्काळजीपणाचा गुन्हा दाखल केला आहे. मृत मुलाच्या डोक्याला गंभीर दुखापत झाल्यामुळे त्याचा मृत्यू झाल्याची माहिती पोलिसांनी दिली.
