महिलांसाठी आनंदाची बातमी! लाडकी बहीण योजनेचे अर्ज भरण्यासाठी पुन्हा एकदा मुदतवाढ; ‘या’ तारखेपर्यंत करता येणार अर्ज!

१५ ऑक्टोबरपर्यंत वाढवली मुदत

राज्य सरकारने यापूर्वी लाडकी बहीण योजनेचे अर्ज भरण्यासाठी ३० सप्टेंबरपर्यंतची मुदत दिली होती. त्यानुसार, लाखो महिलांनी त्यांचे अर्ज सादर केले होते. तसेच ज्यांनी ऑगस्ट आणि सप्टेंबरमध्ये अर्ज सादर केले त्या महिलांना योजनेचा लाभही मिळाला. दरम्यान, सरकारने अर्जकरण्याची मुदत आता १५ ऑक्टोबरपर्यंत वाढवली आहे. त्यामुळे महिलांना अर्ज करण्यासाठी पुन्हा एक संधी मिळाली आहे. महिलांकडून सरकारच्या या निर्णयाचं स्वागत केलं जातं आहे.

हेही वाचा – Ladki Bahin Yojana : लाडकी बहीण योजनेबाबत सरकारने जारी केला नवा जीआर; सुधारित शासन निर्णयातून कोणती घोषणा?

सरकारने अर्थसंकल्पात केली होती मुख्यमंत्री लाडकी बहीण योजनेची घोषणा

राज्य सरकारने यंदाच्या अर्थसंकल्पात मुख्यमंत्री लाडकी बहीण योजनेची घोषणा केली होती. तसेच रक्षाबंधनाच्या मुहूर्तावर या योजनेच्या पहिल्या हफ्याही महिलांच्या खात्यात जमा केला होता. तेव्हापासून आजपर्यंत जवळपास २ कोटी ३० लाख महिलांना या योजनेचा लाभ मिळाल्याची माहिती सरकारकडून देण्यात आली आहे.

या योजनेला पात्र कोण असणार?

• सुविधेचा लाभ फक्त महाराष्ट्रातील महिलांना घेता येणार आहे.
• २१ ते ६५ वयोगटातील महिला या योजनेचा लाभ घेऊ शकतील.
• मुख्यमंत्री माझी लाडकी बही योजनेचा लाभ घेण्याकरता कुटुंबाचं वार्षिक उत्पन्न २.५ लाखांपेक्षा कमी असावी.
• इन्कम टॅक्स भरणारी महिला या योजनेस पात्र नसेल.
• सरकारी नोकरी करणाऱ्या महिलांना या योजनेचा लाभ घेता येणार नाही.
• सरकारी योजनेतून मानधन घेणाऱ्या महिलांनाही ही योजना लागू नाही.

हेही वाचा – Ladki Bahin Yojana Apply Online : लाडकी बहीण योजनेसाठी सरकारने आणली वेबसाईट, जाणून घ्या अर्ज भरण्याची सर्वांत सोपी प्रक्रिया!

मुख्यमंत्री माझी लाडकी बहीण योजनेसाठी आवश्यक कागदपत्रे कोणती?

• आधार कार्ड,
• मूळ निवासी प्रमाणपत्र किंवा मतदार ओळखपत्र किंवा शाळा सोडल्याचा दाखला किंवा जन्म दाखला
• पिवळे किंवा केशरी कार्ड,
• उत्पन्नाचा दाखला किंवा पिवळे किंवा केशरी शिधापत्रिका
• बँकेचे पासबूक,
• मोबाईल क्रमांक,
• पासपोर्ट साईज फोटो,
• मुख्यमंत्री माझी लाडकी बहीण योजनेचा अर्ज फॉर्म