Gram Panchayat Election Results 2022 Updates : ग्रामपंचायत निवडणुकीत ‘काटे की टक्कर’, कोणत्या पक्षाला किती यश? वाचा…

अकोला जिल्हा परिषदेत प्रकाश आंबेडकर यांनी सत्ता राखली. जिल्हा परिषदेत वंचित बहुजन आघाडीची सत्ता कायम, पुढील अडीच वर्षासाठी पार निवडणूक पडली. भाजपाचे सदस्य गैरहजर राहिल्याने वंचितच्या विजयाचा मार्ग सुकर झाला. जिल्हा परिषदेत भाजपाचे पाच सदस्य, जिल्हा परिषद अध्यक्षपदी संगीता अढाऊ, तर उपाध्यक्षपदी सुनिल फाटकर यांची निवड.

जिल्हा परिषदेतील पक्षीय बलाबल

वंचित बहुजन आघाडी (अपक्षासह): २५

शिवसेना : १२

भाजप : ५

काँग्रेस : ४

राष्ट्रवादी : ४

प्रहार : १

अपक्ष : २

एकूण- ५३

रायगड जिल्ह्यातील महाड तालुक्यात भरत गोगावले यांना त्यांच्या गावातील ग्रामपंचायतीवर आपले वर्चस्व राखता आले नाही. बंडखोरी केल्यानंतर प्रतिष्ठा पणाला लावत आमदार भरत गोगावले ग्रामपंचायत निवडणूकीत 'बाळासाहेबांची शिवसेना' म्हणून उमेदवारांच्या प्रचारासाठी रस्त्यावर उतरले होते. मात्र, जनतेने त्यांच्याच गावात त्यांना जोर का झटका दिला आहे. गोगावलेंच्या काळीज खरवली ग्रामपंचायतीवर महाविकास आघाडीने झेंडा फडकविला आहे. सरपंचपदी काँग्रेसचे चैतन्य म्हामूणकर यांना जनतेने कौल दिला.

भाजपा - १३४

शिंदे गट - ९३

काँग्रेस - ९५

ठाकरे गट - ७५

राष्ट्रवादी - ७३

इतर - ८३

कल्याण तालुक्यातील ७ ग्रामपंचायतींची निवडणूक पार पडली. यात २ बिनविरोध झाल्या आहेत.

१. वाहोली - सलीम सरोले - उद्धव ठाकरे गट

२. आडीवली - राऊत कमलाकर दामोदर - उद्धव ठाकरे गट

३. केळणी - राजेश भोईर - अपक्ष

४. मामलोणी - कोर तुषाल दत्तात्रय - भाजप / उद्धव ठाकरे गट

५. रुंदे - नरेश चौधरी - भाजप

६. फळेगाव - भारती पाटील बिनविरोध- राष्ट्रवादी

७. उशीद - सुवर्णा भोईर बिनविरोध उद्धव ठाकरे गट

तालुका : भिवापूर

१) ग्रामपंचायत नाव: गाडेघाट- घाटउमरी

सरपंच :- विष्णु मंगर (काँग्रेस)

२) ग्रामपंचायत : पांजरेपार

सरपंच :- आकांक्षा पंकज मानवटकर ( शिवसेना)

३) ग्रामपंचायत :- थुटानबोरी

सरपंच :- विनोद नथ्थू गुरूपुडे (भाजप)

४) ग्रामपंचायत : अड्याळ

सरपंच :- योगेश तुमडाम (भाजप)

५) ग्रामपंचायत सावरगाव-नेरी

सरपंच : नलू भारत गजभीये (स्वतंत्र पॅनल)

६) ग्रामपंचायत : नागतरोली

सरपंच : नलु प्रदीप गजभीये (स्वतंत्र)

तालुका : रामटेक

ग्रामपंचायत नाव: टांगला चिकनापुर

विजयी सरपंचांचे नाव : पंचफुला वासुदेव मडावी

मिळालेली मते : २४२

कोणत्या राजकीय पक्षाचे समर्थक आहे : काँग्रेस

पराभूत उमदेवाराचे नाव (सरपंच पद) : रेखा शिवदास उईके

मिळालेली मते : २१८

कोणत्या राजकीय पक्षाचे समर्थक आहे : शिवसेना शिंदे गट

राजापूरमधील ग्रामपंचायतींमध्ये ठाकरे गटाचा दबदबा, १० पैकी ७ ठिकाणी विजय, राजापूरमधील राजन साळवेंच्या ताकदीचं दर्शन

कल्याण वाहोली ग्रामपंचायतीला २० वर्षांनंतर सरपंच, गावाने मागील २० वर्षे विविध कारणांनी मतदानावर बहिष्कार टाकला होता, यंदा निवडणूक संपन्न, महाविकासआघाडीचा विजय

कोल्हापूर ग्रामपंचायत निवडणुकीत शिंदे गटाचं खातं उघडलं, भुदरगडच्या फये गावात विजय, ७ ग्रामपंचायतपैकी ४ राष्ट्रवादी काँग्रेसकडे, तर ३ शिंदे आणि भाजपाकडे

नागपूर जिल्ह्यात तीन तालुक्यात १७ ग्रामपंचायत निवडणुकीत आज निकाल जाहीर होत आहे. नागपूर जिल्हा हा भाजपाच्या बालेकिल्ला मानला जातो. राज्याचे उपमुख्यमंत्री देवेंद्र फडणवीस, केंद्रीय मंत्री नितीन गडकरी व भाजपाचे प्रदेशाध्यक्ष चंद्रशेखर बावनकुळे हे तिन्ही नागपूर जिल्ह्यातील असल्याने ही निवडणूक भाजपासाठी प्रतिष्ठेची मानली जात आहे.