सोशल मीडियावर मोदींवर आक्षेपार्ह टीका, राज्यात अनेकांना पोलिसांची नोटीस

कांजुरमार्गमध्ये राहणाऱ्या महेंद्र रावले (वय ३१) या तरुणाला पोलिसांनी नोटीस बजावली आहे. ‘सोशल मीडियावर पंतप्रधान नरेंद्र मोदी यांच्याविषयी आक्षेपार्ह मजकूर पोस्ट केल्याची माहिती प्राप्त झाली असून यामुळे शांतता भंग होऊन कायदा व सुव्यवस्थेचा प्रश्न निर्माण होण्याची शक्यता आहे. आपल्याकडून कोणताही अनुचित प्रकार किंवा कृत्य घडून सार्वजनिक शांतता भंग होऊन कायदा आणि सुव्यवस्थेचा प्रश्न निर्माण झाल्यास कायदेशीर कारवाई करण्यात येईल’ असे या नोटीशीत म्हटले आहे.

आणखी वाचा

विरोधकांचे ‘सोयाबीन अस्त्र’ ‘लाडक्या बहीण’चा प्रभाव रोखणार ?

Nana Patole : निकालाआधी राजकीय घडामोडींना वेग; यातच…

“आरएसएससुद्धा धार्मिक संघटना, मग त्यांनी…”; देवेंद्र फडणवीसांच्या टीकेला नाना पटोले यांचे प्रत्युत्तर!

स्कॅमरचा झाला गेम! नकली पोलीस बनून खऱ्या पोलीस अधिकाऱ्याला केला व्हिडीओ कॉल अन्… VIDEO पाहून तुम्हालाही हसू आवरणार नाही

झारखंडमध्ये ‘राहुल विमान’ कोसळणार! केंद्रीय गृहमंत्री अमित शहा यांची टीका

दारूच्या नशेत पोलिसांचे लज्जास्पद कृत्य, रस्त्याच्या मधोमध पँटची चेन उघडली अन्…; घटनेचा VIDEO व्हायरल

काँग्रेसची सध्याची अवस्था ‘चाची ४२०’ प्रमाणे, मुनगंटीवार यांची टीका

“गद्दारांनी गुवाहाटीचा डोंगर बघितला, आता त्यांना टकमक टोक दाखवायचंय”, उद्धव ठाकरेंची शहाजीबापू पाटलांवर घणाघाती टीका!

सोशल मीडियावर ही नोटीस व्हायरल होत असून ‘लोकसत्ता ऑनलाइन’ने कांजुरमार्ग पोलीस ठाण्याचे वरिष्ठ पोलीस अधिकारी गजानन टपले यांच्याशी दुरध्वनीद्वारे संपर्क साधला. टपले यांनी नोटीशीला दुजोरा दिला असून आठ दिवसांपूर्वी आम्ही नोटीस बजावली होती असे त्यांनी सांगितले. ‘आमच्या पोलीस ठाण्याच्या हद्दीत अशा स्वरुपाची एक घटना होती. रावले नामक तरुण सोशल मीडियावर मोदींविरोधात आक्षेपार्ह पोस्ट शेअर केल्याची तक्रार होती. त्यामुळे ही नोटीस बजावली’ असे त्यांनी स्पष्ट केले. महेंद्र रावलेने नेमकी काय पोस्ट केली होती हे मात्र समजू शकलेले नाही.

कांजुरमार्गपाठोपाठ राज्यातील अन्य भागांमध्येही मोदींविरोधात सोशल मीडियावर आक्षेपार्ह लिखाण करणाऱ्या तरुणांना आणि काही पत्रकारांनाही नोटीस बजावल्याचे समोर येत आहे. सोशल मीडियावर अशा काही नोटीस व्हायरल होत असून कांजुरमार्ग वगळता अन्य कोणत्याही नोटीशीला पोलिसांकडून दुजोरा मिळू शकलेला नाही.  विधान परिषदेचे विरोधी पक्षनेते धनंजय मुंडे यांनीदेखील यावरुन राज्य सरकारवर टीका केली. ‘महाराष्ट्रात अनेकांना पोलिसांकडून येत असलेली नोटीस ही अभिव्यक्ती स्वातंत्र्याची गळचेपी आहे’, अशी टीका त्यांनी केली. राज्यातील महागाई, बेरोजगारी व मंत्र्यांच्या भ्रष्ट्राचाराविरुद्धचा जनआक्रोश दडपून टाकण्यासाठी राज्य सरकारकडून पोलीसी बळाचा गैरवापर सुरु असल्याचे त्यांनी सांगितले. त्यांनी कितीही कोंबडे झाकले तरी जनआक्रोशाचा सूर्य उगवल्याशिवाय राहणार नाही असेही मुंडेंनी म्हटले आहे. टीका सहन होत नसेल तर सत्ता सोडावी. टीका करणाऱ्यांच्या मागे  पोलीस लावण्याचा अर्थ सरकारचे अस्तित्व डळमळीत झाले आहे असेही त्यांनी म्हटले आहे. सरकारची पत्रकारांवर पाळत होती, आता पोलीस पत्रकारांना चौकीत बोलवून धमकावत आहेत. माध्यमांवरचा घाला हा लोकशाहीवरचा हल्ला असल्याचा दावा त्यांनी केला. सोशल मीडियावरील टीकेने सरकारच्या अस्तित्वाला धक्का दिला. त्यांची पोलखोल झाली असून पोलीस चौकशीचा ससेमिरा हा आणीबाणीपेक्षा भीषण असल्याचे धनंजय मुंडे यांनी म्हटले आहे.

सोशल मिडीयावरच्या टीकेनं सरकारच्या अस्तित्वाला धक्का दिला आहे. त्यांची पोलखोल झाली आहे. अशा पोलिस चौकशीचा ससेमीरा हा आणिबाणीपेक्षा भीषण आहे.

— Dhananjay Munde (@dhananjay_munde) September 22, 2017

सरकारची पत्रकारांवर पाळत होती, आता पोलिस पत्रकारांना चौकीत बोलवून धमकावत आहेत. माध्यमांवरचा घाला हा लोकशाहीवरचा हल्ला आहे. @ChattePatil

— Dhananjay Munde (@dhananjay_munde) September 22, 2017

पोलिसांनी निवडून पत्रकारांना बोलावणं व चौकशीच्या नावाखाली धमकावणं, ही दुसऱ्या आणिबाणीची चाहूल आहे. पत्रकारांना धमकावणं सरकारला महाग पडेल.

— Dhananjay Munde (@dhananjay_munde) September 22, 2017