काँग्रेस प्रदेशाध्यक्षांपाठोपाठ राष्ट्रवादी प्रदेशाध्यक्षांची भगवान गडाला भेट! ; अचानक दिलेल्या भेटीने राजकीय चर्चाना उधाण

नगर : काँग्रेसचे प्रदेशाध्यक्ष नाना पटोले यांनी काल, शनिवारी अचानक भगवानगडाला भेट दिली. त्यापाठोपाठ आज, रविवारी सायंकाळी अचानकपणे राष्ट्रवादी काँग्रेसचे प्रदेशाध्यक्ष जयंत पाटील यांच्यासह माजी मंत्री धनंजय मुंडे यांनीही भगवानगडाला भेट देत भगवानबाबांचे दर्शन घेतले. नेत्यांच्या या अचानक भेटीचे रहस्य काय? याची चर्चा राजकीय वर्तुळात सुरू झाली आहे. पक्षचिन्ह व शिवसेना नावाबाबत दिलेला निर्णय म्हणजे भाजपने उघड उघडपणे शिवसेना संपवण्यासाठी टाकलेली पावले दिसतात, असाही आरोप राष्ट्रवादीचे प्रदेशाध्यक्ष पाटील यांनी केला. भगवानबाबांचे दर्शन घेतल्यानंतर राष्ट्रवादीचे प्रदेशाध्यक्ष पाटील व माजी मंत्री मुंडे यांनी गडाचे महंत डॉ. नामदेव शास्त्री यांच्याशी स्वतंत्रपणे चर्चा केली. त्यानंतर बोलताना पाटील म्हणाले, शिवसेनेच्या बाबतीत जो निर्णय झाला तो इतिहासात यापूर्वी कधीही झाला नव्हता. चिन्ह गोठवणे एक वेळ समजू शकतो, मात्र पक्षच हिसकावून घेणे ही भाजपची खेळी आहे. या खेळीने लोकांच्या मनात शंका निर्माण झाली आहे. अंधेरीच्या विधानसभा निवडणुकीपूर्वी हा निर्णय झाला, याबाबत आश्चर्य वाटते. भाजपने शिवसेना संपवण्यासाठी कशी पावले टाकली ते सर्वाना दिसत आहे. आता हा प्रकार भाजपाच्या अंगलट येऊ लागल्याने भाजपचेच बगलबच्चे राष्ट्रवादीवर बेछूट आरोप करत आहेत.

बाळासाहेब ठाकरे व शरद पवार यांची मैत्री होती. जुन्या काळी पवार दसरा मेळाव्याला गेलेले छायाचित्रे मी पाहिली आहेत. त्यामुळे पवार शिवसेना संपवतील या आरोपात तथ्य नाही, असाही दावा पाटील यांनी केला. माजी आमदार चंद्रशेखर घुले यांच्या सूचनेनुसार आपण भगवानगडाला राज्याचा अर्थमंत्री असताना निधी दिला होता, याकडे त्यांनी लक्ष वेधले.

आणखी वाचा

विरोधी पक्षनेतेपदासाठी अद्याप अर्जच नाही, विधानसभा अध्यक्ष राहुल नार्वेकर यांचे स्पष्टीकरण

१४ डिसेंबर पंचांग: आज १२ पैकी ‘या’ राशींवर…

लोकप्रतिनिधींना हेल्मेट नको, मग पोलिसांचाच आग्रह का? जनमंचचे राजीव जगताप म्हणतात, ‘पायी चालणाऱ्यांनाही…’

Rahul Narvekar : शिवसेना, राष्ट्रवादी व्हाया भाजपा, सर्वात कमी वयाचे विधानसभाध्यक्ष; राहुल नार्वेकरांची राजकीय कारकीर्द कशी आहे?

राष्ट्रवादीचे जयंत पाटील यांच्यासमोर मतदारसंघात कडवे आव्हान

विधानसभा उपाध्यक्ष, विरोधी पक्षनेतेपदाची विरोधकांची मागणी; मुख्यमंत्र्यांची भेट

Rahul Narwekar : विधानसभेच्या अध्यक्षपदी राहुल नार्वेकरांची निवड निश्चित; अर्ज भरताच विरोधकांवर टीका “विरोधकांचा लोकशाहीवर विश्वास…”

सरन्यायाधीशांची खटल्यातून माघार; निवडणूक आयुक्तांच्या निवड प्रक्रियेतील बदलाला याचिकांद्वारे आव्हान

पक्षावर बंदी घालण्याची घटना इतिहासात कधीही घडलेली नाही. घरातील लहान मुलांना विचारले तरीही हे कोणी केले याबद्दल ते सांगतील. देवेंद्र फडणवीस जरी म्हणत असले की त्यांना आश्चर्य वाटले, तरीही त्यात तथ्य नाही. त्यांना ही अगोदरच माहिती असावी, असेही माजी मंत्री मुंडे म्हणाले. 

महंतांशी बंद दरवाजाआड चर्चा

भगवानगडाचे महंत नामदेव शास्त्री यांनी राष्ट्रवादीचे प्रदेशाध्यक्ष पाटील व माजी मंत्री मुंडे या दोघांना गडाचा परिसर संपूर्णपणे फिरून दाखवला. गडावरील नियोजित मंदिराच्या दगडी बांधकामाची माहिती दिली. अपूर्ण बांधकामाच्या इमारतीकडे बोट दाखवून महंतांनी हे भांडणाचे (पंकजा मुंडे) फलित आहे. सात वर्षांपासून यात्रीनिवासचे काम बंद आहे, त्याबद्दल आपण आत बसून बोलू सगळी माहिती देतो, असे म्हणत पाटील व मुंडे या दोघांशीही बंद दरवाजाआड चर्चा केली.