Maharashtra Breaking News : आषाढी एकादशीच्या निमित्ताने पंढरपुरात वैष्णवांचा मेळा भरला आणि अवघी पंढरी विठुनामाच्या गजरात दुमदुमली. मुख्यमंत्री एकनाथ शिंदे यांनी सहपरिवार विठुरायाचं दर्शन घेतलं. एकीकडे विठुनामाचा गजर चालू असताना दुसरीकडे यानिमित्ताने राजकीय चर्चांनाही उधाण आलं आहे. राज ठाकरेंनी 'हिमालयाच्या मदतीला धावून जाणारा एकसंध सह्याद्री दिसू दे', असं सूचक ट्वीट केलं. तर मुख्यमंत्र्यांनी यानिमित्ताने केलेल्या घोषणा व विधानांवर राजकीय वर्तुळातून पडसाद उमटू लागले आहेत.