Maharashtra Politics Live Updates Today: महाराष्ट्रात निवडणुकांची धामधूम सुरु झाली आहे. अवघ्या १९ दिवसांनी महाराष्ट्र लोकशाहीच्या उत्सवाला म्हणजेच विधानसभा निवडणुकीला सामोरा जाणार आहे. महाराष्ट्रात महायुती विरुद्ध महाविकास आघाडी असा सामना आहे. हा सामना कोण जिंकणार? हे पाहणं महत्त्वाचं असणार आहे. तसंच उमेदवार याद्या जाहीर होत असताना काहीसं नाराजीचं चित्र आहे. अनेक मतदारसंघांमध्ये बंडखोरीही झालेली दिसते आहे. ४ नोव्हेंबरला उमेदवारी अर्ज मागे घेण्याचा दिवस आहे. त्यादिवशी नेमकं काय होतं हे पाहणं महत्त्वाचं असणार आहे. माहीममध्ये मनसेने अमित ठाकरेंना उमेदवारी दिली आहे. या ठिकाणी एकनाथ शिंदेंच्या शिवसेनेने सदा सरवणकर यांना तिकिट दिलंय. सदा सरवणकर निवडणूक लढवण्यावर ठाम आहेत. या आणि निवडणुकीच्या संदर्भातल्या बातम्यांचा आढावा आपण लाईव्ह ब्लॉगच्या माध्यमातून घेणार आहोत.
Maharashtra Breaking News Live Today, 01 November 2024 | महाराष्ट्रात निवडणुकांच्या तयारीची लगबग, ४ नोव्हेंबरला बंडखोर काय करणार?
महाराष्ट्राच्या लोकांनी ठरवलं आहे की देवेंद्र फडणवीस आणि त्यांचा गुजराती कँप यांना निवडणुकीत विजयी करायचं नाही हे जनतेने ठरवलं आहे. हा जनतेचा आत्मविश्वास आहे, अतिआत्मविश्वास नाही. तसंच मनसेला मदत करणं या मागे भाजपाचा हेतू हा फक्त शिवसेनेची मतं कापण्याचा आहे. हे त्यांचं राष्ट्रीय धोरण आहे अशी बोचरी टीकाही संजय राऊत यांनी केली आहे.
आगामी विधानसभा निवडणुकीत राज्यांत अनेक महत्वाच्या लढती पहायला मिळणार आहेत. त्यापैकीच एक म्हणजे माहीम येथील निवडणूक . महाराष्ट्र नवनिर्माण सेनेचे अध्यक्ष अमित ठाकरे हे माहीममधून निवडणूक लढवणार असून त्यामुळे तेथे मनसे वि. शिवसेना ठाकरे गट वि. शिवसेना शिंदे गट अशी बिग फाईट पहायला मिळणार आहे. माहीम मतदारसंघातून मनसेकडून अमित ठाकरे यांच्याविरोधात शिंदे गटाचे विद्यमान आमदार सदा सरवणकर हे रिंगणात उतरले आहेत. महायुतीने अमित ठाकरे यांना पाठिंबा देण्याचे ठरवल्यामुळे सरवणकर यांनी फॉर्म मागे घ्यावा यासाठी त्यांची मनधरणी करण्यात येत आहे. मात्र सरवणकर हे अद्याप आपल्या भूमिकेवरच ठाम आहेत. अशी माहिती समोर येते आहे. त्यामुळे माहीमच्या जागेचा पेच भाजपासह महायुती सोडवणार का? हा प्रश्न आहे.
करुणा शर्मा यांना अश्रू अनावर झाले कारण त्यांचा उमेदवारी अर्ज बाद ठरला. त्यांनी धनंजय मुंडेंचा उल्लेख राक्षस असा करत आपलं म्हणणं इन्स्टाग्रामवर मांडलं आहे.
महाराष्ट्रात लोकशाही संपली आहे त्यामुळेच..महाराष्ट्रात लोकशाही संपली आहे. महाराष्ट्रात लोकशाहीच राहिलेली नाही. मी परळी विधानसभा मतदारसंघातून उमेदवारी अर्ज भरला होता. परळीत सुरु असलेल्या गुंडगिरी, अन्याय आणि अत्याचाराविरोधात मी आवाज उठवलेला होता. मला कोणाचा सपोर्ट नसताना आणि माझा मोठा पक्ष नसताना मी लढत होते. मला जनतेवर विश्वास आहे. त्यामुळेच मी परळीमधून अर्ज भरला होता. असं करुणा शर्मा म्हणाल्या, तसंच त्यांनी धनंजय मुंडेंचा उल्लेख राक्षस असा केला आहे.
महाराष्ट्रात निवडणुकीचं घोडामैदान जवळ आलं आहे. महायुती असो किंवा महाविकास आघाडी दोहोंकडून विजयाचा दावा करण्यात आला आहे. आता नेमकं काय होणार ते पाहणं महत्त्वाचं असणार आहे.
काही मतदारसंघांमध्ये मविआ व महायुतीने उमेदवारच दिलेला नाही. (फोटो : लोकसत्ता ग्राफीक्स टीम)
