Marathi News Today : देशभर महात्मा गांधी जयंतीचा उत्साह आहे. ठिकठिकाणी स्वच्छता मोहीम आणि अनेकविध कार्यक्रम राबवले जात आहेत. तसंच, राज्यातही अनेक नेत्यांकडून गांधी विचारांना उजळणी दिली जात आहे. तर, दुसरीकडे राज्यात पावसाचा जोर वाढण्याची शक्यता आहे. गेल्या काही दिवसांपासून दडी मारून बसलेल्या पावसाने गणेश चतुर्थीपासून जोर धरला. तो जोर अद्यापही कायम आहे. त्यामुळे राज्यातील राजकीय घडामोडी, पावसाचे अपडेट्स आणि इतर महत्त्वाच्या बातम्या या ब्लाॉगमधून पाहुयात.
Maharashtra News Live in Marathi : राज्यातील महत्त्वाच्या घडामोडी जाणून घ्या एका क्लिकवर
वसई : वाहनाला धडक दिल्याने झालेल्या वादातून वाहनातील चौघांनी टॅंकरचालकाला बेदम मारहाण केली. या मारहाणीत टॅंकरचालकाचा मृत्यू झाला मुंबई अहमदाबाद महामार्गावरील मालजीपाडा येथे रविवारी सकाळी ही घटना घडली.
पुणे : राज्यात मोसमी पावसापूर्वी आणि मोसमी पावसाच्या काळात वीज पडण्याच्या ४७ घटनांची नोंद झाली. तर अतिवृष्टी आणि पुराच्या घटनांमध्ये महाराष्ट्र देशात दुसऱ्या स्थानी असून, अतिवृष्टी आणि पुराच्या राज्यात ६९ घटना नोंदवल्या गेल्या.
नागपूर : कुही तालुक्यातील पाचगावमध्ये असलेल्या सिल्वर लेक फार्म रिसॉर्टवर एका रंगारंग पार्टीचे आयोजन करण्यात आले होते. तब्बल १३ तरुणी तोकड्या कपड्यात अश्लील नृत्य करीत होत्या. स्थानिक गुन्हे शाखा पोलिसांनी रिसॉर्टवर छापा घातला.
नागपूर : महात्मा गांधी यांच्या जयंतीचे निमित्त साधून भाजपने आज सेवाग्राम येथून ओबीसी जागरण यात्रेला प्रारंभ केला. त्यावर विरोधी पक्ष नेते विजय वडेट्टीवार यांनी प्रहार केला.
पुणे : ‘नादातूनी या नाद निर्मितो श्रीराम जय राम जय जय राम’ या नाम गजरातून घराघरात पोहोचलेले प्रसिद्ध संगीतकार-गायक किशोर कुलकर्णी (वय ६०) यांचे अल्प आजाराने निधन झाले. त्यांच्यामागे पत्नी आणि मुलगा असा परिवार आहे.
मुंबई: मध्य रेल्वेवरील प्रवाशांची गर्दी विभाजित करण्यासाठी विशेष गाड्यांच्या कालावधीत वाढ करण्याचा निर्णय घेण्यात आला आहे.
जेव्हा जेव्हा भाजपा सरकार घाबरतं तेव्हा तेव्हा ते पोलिसांना पुढे करतात. सत्यता, अहिंसा, एकतेसंदर्भात बोलणं शासनाच्या दृष्टीने गुन्हा आहे का? आम्ही गेल्या वर्षी गांधीजी आणि शास्त्रीजींच्या सन्मानात रॅली काढली होती. तर, आज आम्हाला या प्रकारे रोखलं जात आहे. गोडसेसमर्थकांना रोखलं जात नाही, गांधीजींबद्दल अपशब्द बोलणाऱ्यांविरोधात कोणतेच पाऊल उचललं जात नाही आणि देशाच्या महापुरुषांना वंदन करण्यासाठी 'इंडिया आघाडी' पुढे आली तर पोलिसांकडून रोखलं जातं. ही कोणती लोकशाही आहे? असा सवाल मुंबई काँग्रेस अध्यक्ष वर्षा गायकवाड यांनी विचारला आहे.
नागपूर: गणेशोत्सवानंतर मुंबईत ‘सीएनजी’चे दर तब्बल ३ रुपये प्रति किलोने घटल्याने मुंबईकर सुखावले आहे. परंतु नागपुरात हे दर कमी झाले नाही.
नागपूर: केंद्र सरकारने महिन्याच्या सुरुवातीलाच व्यावसायिक सिलिंडरच्या दरात मोठी वाढ केल्याने हॉटेलचे जेवण व अल्पोपहार महागणार आहे.
डोंबिवली: येथील पूर्व भागातील आयरेगाव हद्दीतील बालाजी गार्डन संकुलाच्या पाठीमागील भागात एका कार्यालयात बिगारी कामगाराला पाचजणांनी शुक्रवारी रात्री खुर्चीला बांधून ठेवले.
पनवेल : पनवेल महापालिका क्षेत्रात रविवारी १४८ ठिकाणी स्वच्छता मोहीम राबविण्यात आली. नागरिकांसह राजकीय संघटना आणि सामाजिक संस्थांचे प्रतिनिधी तसेच सरकारी लोकसेवकांनी या राष्ट्रीय मोहिमेमध्ये सक्रिय सहभाग नोंदवून अनेक परिसर उजळून टाकले.
जळगाव – प्राथमिक शिक्षकांना देण्यात येणारी अशैक्षणिक कामे, वेगवेगळ्या प्रकारची ऑनलाइन माहिती, नोकर्‍यांचे खासगीकरण, वेगवेगळी अ‍ॅप बंद करून शिक्षकांना फक्त शिकविण्याचे काम द्यावे यांसह प्रलंबित १३ मागण्यांसाठी प्राथमिक शिक्षक आक्रमक होत सोमवारी आक्रोश मोर्चाद्वारे आंदोलन करण्यात आले.
वर्धा : उपमुख्यमंत्री देवेंद्र फडणवीस यांना मानणारे तसेच त्यांचे अनुयायी गांधी विचारांची कितीही थट्टा उडवीत असले तरी फडणवीस यांना मात्र गांधी वंदनीय असल्याचे ते सांगतात. म्हणून त्यांचे गुरुवर्य असलेले देशाचे पंतप्रधान नरेंद्र मोदी यांचे संकल्प तडीस जावे यासाठी त्यांनी आज बापू कुटीत बापूंना अभिवादन करीत आशीर्वाद घेतले.
पिंपरी : मालमत्ताकर थकबाकीदार महापालिकेच्या रडारवर आले आहेत. अनेक वर्षांपासून थकबाकी असलेल्या ४१ हजार ३०७ जणांना जप्ती नोटीसा तर ३६ हजार ७१९ मालमत्ता धारकांना जप्ती पत्रे धाडली आहेत. या मालमत्ता धारकांकडे ६७१ कोटी रुपयांचा कर थकीत आहे.
वाशीम : लोकसभा निवडणुकीचे पडघम वाजू लागले आहेत. यवतमाळ-वाशीम लोकसभा मतदार संघासाठी शिवसेना ठाकरे गट, काँग्रेससह सर्वच राजकीय पक्षांनी कंबर कसली असून व्यूहरचना आखण्यास सुरुवात केली आहे. या निवडणुकीत नवीन चेहरे उतरू शकतात. राज्यात भाजपकडून ‘मिशन ४५’ अभियान राबविण्यात येत आहे. त्यामध्ये यवतमाळ-वाशीम लोकसभा मतदार संघाचाही समावेश आहे.
नाशिक – व्यापाऱ्यांच्या संपामुळे निर्माण झालेली कांदा कोंडी दूर होण्याच्या दिशेने पावले पडत असून लासलगाव बाजार समितीच्या विंचूरपाठोपाठ निफाड उपबाजारात सोमवारी लिलावाला सुरुवात झाली.
यवतमाळ : शहरातील विवेकानंद विद्यालय व राणी लक्ष्मीबाई विद्यालयाची मोक्याची जागा तत्कालीन महसूल राज्यमंत्र्यांच्या आदेशाने बळकावण्याचा प्रयत्न भू-माफियांनी केला होता. त्यात त्यांना भूमिअभिलेख विभागाकडूनही मदत मिळाली होती. मात्र ही जागा हडपण्याच्या प्रयत्नात असलेल्या भू-माफियांना उच्च न्यायालयाच्या नागपूर खंडपीठाने चांगलीच चपराक दिली आहे.
चंद्रपूर : रेल्वेने तांत्रिक कारण समोर करून जिल्ह्यात युरियाची रॅकच पाठविली नाही. गेल्या काही महिन्यांपासून अत्यल्प युरियाचा साठा शिल्लक आहे. त्यातच आता पाऊस थांबला. धान, सोयाबीनला युरिआची मात्रा देण्याची वेळ आली आहे. युरियाची मागणी वाढली असतानाच दुसरीकडे पुरेसा साठाच उपलब्ध नसल्याने सध्या शेतकऱ्यांची धावपळ सुरू आहे.
नागपूर: देशभरात परतीच्या पावसाला सुरुवात झाली असली तरीही महाराष्ट्रात मात्र येत्या ४८ तासात पावसाचा जोर वाढणार असल्याची शक्यता हवामान खात्याने वर्तवली आहे.
मुंबई : पनवेल रिमॉडलिंग आणि मालवाहतुकीसाठी समर्पित असणाऱ्या ‘डेडिकेटेड फ्रेट कॉरिडॉर’च्या कामासाठी हार्बर मार्गावर ३८ तासांचा ब्लाॅक घेतला. हा ब्लाॅक सोमवारी दुपारच्या सुमारास संपला. त्यानंतर, पनवेल येथे सोमवारी रात्रीपासून ते शुक्रवारपर्यंत पाच दिवसांसाठी मध्यरात्रीचा वाहतूक ब्लाॅक घेतला. त्यामुळे ब्लॉक कालावधीत सोमवारी ते शनिवारपर्यंत रात्री १२.३० वाजल्यापासून ते पहाटे ५.३० वाजेपर्यंत लोकल सेवा रद्द असेल.
अमरावती : मेळघाटातून बुलढाणा जिल्ह्यात रस्‍त्‍याच्‍या कामावर गेलेल्या मजुरांना अनियंत्रित ट्रकने चिरडल्‍याने तीन जण ठार तर चार जण जखमी झाले. हा भीषण अपघात बुलढाणा जिल्ह्यातील नांदूरा ते मलकापूर दरम्‍यान राष्ट्रीय महामार्गावर सोमवारी सकाळी घडला.
नागपूर : गणेशोत्सवानिमित्त नातेवाईकांच्या गावी गेलेल्या १२ वर्षीय मुलीने मावशीच्या मोबाईलवरून प्रियकराला मॅसेज केला. प्रियकराचा तासाभराने ‘आय लव यू’ असा रिप्लाय आला. त्यामुळे मावशीला धक्का बसला. त्यामुळे मावशीने मुलीची आस्थेने चौकशी केल्यानंतर प्रियकराने केलेले धक्कादायक कृत्य उघडकीस आले.
चंद्रपूर: जिल्ह्यात सुगंधी तंबाखू व दारूची मोठ्या प्रमाणात तस्करी सुरू आहे. अवैध सुगंधी तंबाखु तस्करी करतांना ९ लाखाचा माल जप्त करण्यात आला आहे. तर पांढऱ्या गोणीत ३० दारूच्या बॉटल जप्त करण्यात आल्या.
नागपूर : भूमी अभिलेख विभागाकडून राज्यभरात १७ ऑगस्ट ते १४ सप्टेंबर २०२३ या कालावधीत घेण्यात आलेल्या तलाठी भरती परीक्षेची उत्तरतालिका जाहीर करण्यात आली आहे. २८ सप्टेंबर ते ८ ऑक्टोबर २०२३ या कालावधीत उत्तरपत्रिका पाहता येणार आहे.
डोंबिवली: मुंब्रा, दिवा रेल्वे स्थानकातील बहुतांशी प्रवासी डोंबिवली लोकलमध्ये उलट मार्गाने प्रवास करुन नियमित डोंबिवली रेल्वे स्थानकात येतात. अगोदरच मुंब्रा, दिवा रेल्वे स्थानकातून बसून आलेल्या प्रवाशांमुळे डोंबिवली लोकल प्रवाशांनी भरलेली असते.
कोल्हापूर – गेल्या वर्षी तुटलेल्या उसाचा दुसरा हप्ता प्रतिटन ४०० रुपये तातडीने द्या, अन्यथा गाठ स्वाभिमानीशी आहे, असे सांगून स्वाभिमानी शेतकरी संघटनेच्या वतीने आज जिल्ह्यातील चार साखर कारखान्यावर ढोल बजावो आंदोलन करून जागर करण्यात आले.
कल्याण: रस्ते, कचरा, खड्डे किंवा विकासाचे कोणतेही प्रकल्प असोत. ठाणे जिल्ह्यात हे प्रकल्प राबविणारे ठेकेदार अतिशय निकृष्ट पध्दतीने काम करतात.
नागपूर: शासनाने काढलेल्या कंत्राटी भरती विरोधात राज्यातील युवा वर्गात प्रचंड आक्रोश आहे. महायुती सरकारच्या या निर्णयाला राज्यात ठिकठिकाणी विरोध केला जात आहे.
अलिबाग- राज्यसरकारमध्ये सहभागी होताच, आदिती तटकरे यांच्या मतदारसंघात निधीचा ओघ सुरू झाला आहे. महाविकास आघाडी सरकारच्या काळात मंजूर केलेली कामे मार्गी लावण्याचा धडाकाही सुरु झाला आहे. यामुळे शिवसेना आणि भाजप आमदारांच्या गोटात मात्र अस्वस्थता पसरण्यास सुरुवात झाली आहे.
महाराष्ट् न्यूज लाइव्ह
Maharashtra News Live in Marathi : राज्यातील महत्त्वाच्या घडामोडी जाणून घेण्यासाठी क्लिक करा.
