Mumbai Marathi News Live Updates : महाराष्ट्र सरकारने अलीकडेच आप्पासाहेब धर्माधिकारी यांना ‘महाराष्ट्र भूषण’ पुरस्कार दिला. हा पुरस्कार सोहळा रखरखत्या उन्हात आयोजित केला होता. या कार्यक्रमानंतर १४ जणांचा उष्माघाताने मृत्यू झाला. अशातच काल रात्री राष्ट्रवादी काँग्रेसचे आमदार जितेंद्र आव्हाड यांनी प्रश्न उपस्थित केले आहेत. महाराष्ट्र भूषण सोहळ्यात कितीजण मृत्यूमुखी पडले? त्यांचा मृत्यू उष्माघाताने झाला की चेंगराचेंगरीत? असे सवाल जितेंद्र आव्हाडांनी विचारले. तसेच त्यांनी एक व्हिडीओसुद्धा ट्वीट केला. दरम्यान, यावरून आज पुन्हा एकदा राज्यातील राजकीय वातावरण तापण्याची शक्यता आहे.
याबरोबरच गेल्या काही दिवसांत राज्यातील काही भागात अवकाळी पाऊस आणि ढगाळ वातावरण होते. मात्र, आता बहुतांश भागात तापमान वाढण्यास सुरुवात झाली आहे. येत्या काही दिवसांत राज्यातील तापमान सरासरीपेक्षा अधिक असेल, असा अंदाज हवामान विभागाकडून वर्तवण्यात आला आहे. महत्त्वाचं म्हणजे राज्यातील अनेक भागांमध्ये तापमान ४० अंशांच्यावर गेलं आहे. त्यामुळे नागरिकांना काळजी घेण्याचं आवाहन करण्यात येत आहे.
याशिवाय राज्यातील इतर राजकीय, सामाजिक आणि सांस्कृतिक क्षेत्रातील बातम्यांवर आपलं लक्ष असेल.
Mumbai Pune News Update : पिंपरी-चिंचवडमध्ये ४३४ अनधिकृत होर्डिंग, धोरणाची अंमलबजावणी प्रलंबित
ठाणे : मुंबई नाशिक महामार्गावरील वाहतूकीच्या दृष्टिने अंत्यत महत्त्वाच्या असलेल्या खारेगाव आणि साकेत पूलाच्या दुरुस्ती कामास बुधवारपासून सुरुवात झाली. या दुरुस्ती कामाचा पहिल्याच दिवशी परिणाम जाणवला.
ठाणे : महापालिका क्षेत्रातील विविध भागात बेकायदा इमारती उभ्या राहत असल्याचा मुद्दा गेल्या काही महिन्यांपासून गाजत असतानाच, त्यापाठोपाठ आता कळवा येथील मफतलाल कंपनीच्या जागेवर भुमाफियांकडून झोपड्या उभारण्यात येत असल्याची बाब पुढे आली आहे.
दिव्यांग कर्मचाऱ्यांना पदोन्नतीत चार टक्के आरक्षण देण्याचा निर्णय आजच्या मंत्रीमंडळाच्या बैठकीत घेण्यात आल्याची माहिती राज्याचे उपमुख्यमंत्री देवेंद्र फडणवीस यांनी दिली आहे.
राज्यात गेल्या काही दिवसांत ढगाळ वातावरण आणि अवकाळी पाऊस बघायला मिळाला. मात्र, आता पुन्हा एकदा तापमान वाढण्यास सुरुवात झाली आहे. राज्यात अनेक ठिकाणी पारा ४० अशांच्या पार गेला आहे मंगळवारी कर्जतमध्ये ४५ अंश सेल्सिअस सह सर्वाधिक तापमानाची नोंद झाली. तर मुरबाडमध्येही ४४ अंश सेल्सिअस तापमान नोंदवण्यात आलं. विदर्भात तापमान वाढण्यास सुरूवात झाली आहे. पूर्व विदर्भातील चंद्रपुरात मंगळवारी ४३ अंश सेल्सिअससह सर्वाधिक तापमानाची नोंद झाली.
अमरावती : परसबागेत लावलेले वेल शेळीने खाल्ल्याच्या वादातून एकाने वृद्ध शेजारी शेळी मालकावर कुऱ्हाडीने वार करून त्याची हत्‍या केली. ही घटना सात वर्षांपूर्वी वलगाव ठाण्याच्या हद्दीतील विर्शी गावात घडली. या प्रकरणी येथील जिल्हा न्यायाधीश (क्रमांक २) पी.जे. मोडक यांच्या न्यायालयाने आरोपीला आजन्म कारावासाची शिक्षा सुनावली आहे.
चंद्रपूर : शहरातील १७ प्रभागांतील नाल्यांची साफसफाई आणि गाळ उचलण्यासाठी महापालिकेने थेट अमरावती येथून कंत्राटदार आयात केला आहे. तीन वर्षांसाठी १८ कोटी रुपयांना कंत्राट दिले असले तरी सर्वत्र घाणीचे साम्राज्य, साफ सफाई अभावी सर्व प्रभागांतील नाल्या तुडूंब भरलेल्या, गाळ साचलेल्या आणि सर्वत्र दुर्गंधीचे साम्राज्य आहे. महापालिकेतील माजी सत्ताधारी पदाधिकाऱ्यांच्या भागिदारीतून ही सर्व कामे सुरू असल्याची चर्चा पालिकेच्या वर्तुळात आहे.
नागपूर : विदर्भ पुत्र व केंद्रीय मंत्री नितीन गडकरी यांच्या पुढाकारातून दिल्लीत झालेल्या बैठकीत विदर्भ आणि मराठवाडा विभागातील दुग्धविकास प्रकल्पाच्या दुसऱ्या टप्प्यातील प्रकल्पांना गती मिळण्याचे संकेत मिळाले आहेत.
नागपूर : नागपूरची वज्रमूठ सभा यशस्वी झाली असली तरी यानिमित्ताने काँग्रेसमधील मानापमान नाट्य रंगले, माजी मंत्र्यांच्या अनुपस्थितीने या पक्षात सर्वच काही आलबेल नाही हे स्पष्ट झाले आहे.
वर्धा : पक्षीय चिन्हावर लढल्या जात नाही म्हणून बाजार समित्यांच्या निवडणुकीत विविध आघाड्यांना उधाण आले आहे. हिंगणघाट व समुद्रपूर बाजार समितीत असे चित्र असून, मधूर संबंध संपुष्टात आल्याची स्थिती आहे.
मुंबई : अवयवदानाकडे नागरिकांचा कल वाढावा यासाठी सरकार मोठ्या प्रमाणावर प्रयत्न करीत आहेत. या पार्श्वभूमीवर मेंदूमृत झालेल्या व्यक्तीच्या नातेवाईकांकडून अवयवदानास प्रतिसाद मिळू लागला आहे. मात्र नात्यांमधील अवयवदानालाही आता नागरिकांकडून प्रतिसाद मिळत आहे. मुंबई शहरामध्ये मागील १० महिन्यांमध्ये नात्यामध्ये ५२ अवयवदान झाले. यामध्ये परदेशातील एका नातेवाईकाने अवयवदान केल्याचे निदर्शनास आले आहे.
अमरावती : दिराने आपल्या वहिनीसोबतच बळजबरीचा प्रयत्न केला. वहिनीने प्रतिकार केल्यावर दिराने त्यांना चावा घेतला. ही संतापजनक घटना चांदूरबाजार ठाण्याच्या हद्दीत उघडकीस आली.
विधानसभा निवडणुकीनंतर अनपेक्षितपणे शिवसेना, काँग्रेस व राष्ट्रवादी काँग्रेस हे परस्पर विरोधी विचारांचे तीन पक्ष एकत्र आले, त्यांनी भाजपला सत्तेवरून दूर करीत सत्तेचा कब्जा मिळवला. शिवसेनेला म्हणजे उद्धव ठाकरे यांना मुख्यमंत्री व्हायचे होते, म्हणून त्यांनी निवडणूकपूर्व युती करूनही सत्ता स्थापनेच्या क्षणी भाजपशी फारकत घेऊन भाजपला एकाकी पाडले.
मुंबई : सादर पुराव्यांचा विचार करता राष्ट्रवादी काँग्रेसचे नेते आणि माजी महसूल मंत्री एकथान खडसे, त्यांची पत्नी मंदाकिनी आणि जावई गिरीश चौधरी यांनी भोसरी येथील जमीन बेकायदेशीररीत्या संपादित केल्याचे सकृतदर्शनी स्पष्ट होते, असे निरीक्षण उच्च न्यायालयाने नोंदवले आहे. खडसे यांचे जावई गिरीश चौधरी यांची जामीन याचिका फेटाळताना न्यायालयाने हे निरीक्षण नोंदवले.
भंडारा : गोंदिया जिल्ह्यातील घिवारी येथे लग्न सोहळा आटोपून १८ एप्रिल रोजी रात्रीच्या सुमारास परत निघालेल्या वऱ्हाड्याच्या वाहनाला तुमसर – गोंदिया राज्य मार्गावरील नवेगाव शेजारी अपघात झाला. वाहन चालकाचे नियंत्रण सुटल्याने झालेल्या या अपघातात दोघांचा मृत्यू झाला, तर सहाजण जखमी झाले आहेत.
नागपूर : शहरातील कळमना येथील कृषी उत्पन्न बाजारात सध्या आंब्याची आवक वाढली असताना एका व्यापाराकडे चक्क एक किलो वजनाचा एक आंबा विक्रीला असून या आंब्याची सध्या बाजारात चांगलीच चर्चा असून या त्याची मागणी वाढली आहे.
महाराष्ट्र सरकारने रविवारी आप्पासाहेब धर्माधिकारी यांना ‘महाराष्ट्र भूषण’ पुरस्कार दिला. हा पुरस्कार सोहळा रखरखत्या उन्हात आयोजित केला होता. या कार्यक्रमानंतर १४ जणांचा उष्माघाताने मृत्यू झाला आहे. दरम्यान, याचे पडसाद आता राजकीय वर्तुळातही उमटताना दिसून येत आहेत. ठाकरे गटाच्या उपनेत्या सुषमा अंधारे यांनी यावरून अमित शाह यांच्यावर जोरदार टीका केली आहे.
मुंबईतील कॉंक्रीट रस्त्याच्या कामामध्ये शिंदे सरकारकडून घोटाळा सुरू असल्याचा आरोप अदित्य ठाकरे यांनी केला आहे. कंत्राटं काढून तीन महिने झाले, पण अजूनही काम सुरू झालेलं नाही. राज्यात विकासाच्या नावावर केवळ घोटाळे सुरू आहे. हा मुंबईकरांचा पैसा कंत्राटदारांच्या घशात घालण्याचा डाव आहे, अशी टीकाही त्यांनी केली.
महाराष्ट्र स्टेट केमिस्ट अँड ड्रगिस्ट असोसिएशनने मुख्यमंत्री एकनाथ शिंदे यांना पत्र लिहत अन्न व औषध प्रशासन मंत्री संजय राठोड यांच्या कार्यालयात भ्रष्टाचार होत असल्याची तक्रार केली होती. त्यानंतर आता मंत्री संजय राठोड यांनी याबाबत स्पष्टीकरण दिलं आहे. महाराष्ट्र स्टेट केमिस्ट अँड ड्रगिस्ट असोसिएशनने केलेले आरोप तथ्यहीन असल्याचं ते म्हणाले.
भाजपा नेते विनोद तावडे यांच्या नेतृत्वात एक सर्व्हेक्षण झालं आहे आणि त्यांनी दिलेल्या अहवालानुसार आगामी लोकसभा निवडणुकीत भाजपाची ताकद घटेल, अशी जोरदार चर्चा आहे. याबाबत भाजपाचे प्रदेशाध्यक्ष चंद्रशेखर बावनकुळे यांना विचारलं असता त्यांनी या अहवालातील दाव्यांवर भूमिका स्पष्ट केली. ते बुधवारी (१९ एप्रिल) नागपूरमध्ये पत्रकारांनी विचारलेल्या प्रश्नांना उत्तर देत होते.
अमेरिकेच्या सर्वोच्च न्यायालयाचे न्यायाधीश सॅम्युएल अलिटो यांनी, गर्भपातासाठी मोठ्या प्रमाणात वापरल्या जाणाऱ्या मिफप्रिस्टेन या औषधाच्या वितरणावर निर्बंध लादणारा कनिष्ठ न्यायालयाचा (डिस्ट्रिक्ट कोर्ट) आदेश स्थगित ठेवला आहे. या गोळ्यांवर बंदी घालावी यासाठी गर्भपातविरोधी संघटना आणि डॉक्टरांनी फिर्याद दाखल केल्यानंतर कनिष्ठ न्यायालयाने त्यावर निर्बंध आणले. मात्र, हे निर्बंध दूर करावेत अशी आपत्कालीन विनंती बायडेन सरकार आणि औषध उत्पादकांनी सर्वोच्च न्यायालयाकडे केली आहे. त्यानुसार हा खटला सुरू आहे. या घडामोडींमधून अनेक प्रश्न उपस्थित होत आहेत.
जागतिक तापमान वाढीमुळे सध्या वातावरणात मोठ्या प्रमाणात बदल होत आहेत. परिणामी, उन्हाचा तडाखा वाढत आहे. मागील काही वर्षांपासून तापमानात होत असलेल्या वाढीचा परिणाम मानवी जीवनावर होत आहे. तापमानवाढीमुळे आरोग्याच्या समस्या निर्माण होत आहे. शेती, उद्योगांबरोबरच देशाच्या आर्थिक उत्पन्नावरही परिणाम होताना दिसत आहे. अलीकडे खारघरमधील दुर्दैवी घटनेमुळे उष्माघाताचे विपरीत परिणाम पुन्हा एकदा अधोरेखित झाले.
राष्ट्रवादी काँग्रेसचे नेते आणि राज्याचे विरोधी पक्षनेते अजित पवार यांच्या भाजपाबरोबर जाण्याच्या चर्चांनी महाराष्ट्राचं राजकारण ढवळून काढलं. त्यावर अनेक प्रतिक्रिया आल्या. त्यानंतर स्वतः अजित पवारांनी पत्रकार परिषद घेत हे सर्व दावे फेटाळून लावत आपण राष्ट्रवादीतच असल्याचं स्पष्ट केलं. यानंतर आता भाजपाने अजित पवारांच्या निमित्ताने शिवसेनेचे (ठाकरे गट) खासदार संजय राऊत यांच्यावर शाब्दिक हल्ला चढवला आहे.
भारतीय क्रिकेट नियामक मंडळाने (बीसीसीआय) देशांतंर्गत क्रिकेट स्पर्धांतील बक्षिसाच्या रकमेत वाढ करण्याचा निर्णय घेतला आहे. मात्र, असे असले तरी प्रतिष्ठेची रणजी स्पर्धा जिंकणाऱ्या संघाला विजेतेपदासाठी मिळणारी रक्कम ‘आयपीएल’मध्ये तिसऱ्या क्रमांकावर येणाऱ्या संघापेक्षाही कमी आहे. ‘बीसीसीआय’ने रणजीसह अन्य देशांतर्गत क्रिकेट स्पर्धांच्या बक्षिसाच्या रकमेत वाढ केली, पण ती पुरेशी आहे का, तसेच या वाढीमागचे नेमके कारण काय आणि देशातील क्रिकेट वाढीस किती फायदा होणार याचा घेतलेला आढावा.
काँग्रेस नेत्या आणि आसामच्या युवक काँग्रेस अध्यक्ष डॉ. अंकिता दत्ता यांनी राहुल गांधींचे निकटवर्तीय आणि युवक काँग्रेसचे अध्यक्ष श्रीनिवास व्ही. बी. व युवक काँग्रेसचे सचिव वर्धन यादव यांच्यावर छळाचे गंभीर आरोप केले आहेत. विशेष म्हणजे याबाबत वरिष्ठांकडे तक्रार करूनही यावर अद्याप साधी चौकशी समितीही नेमण्यात आलेली नाही, असंही त्यांनी नमूद केली. यानंतर एकच खळबळ उडाली आहे. त्या बुधवारी (१९ एप्रिल) एएनआय वृत्तसंस्थेला दिलेल्या प्रतिक्रियेत बोलत होत्या.
ठाणे: संजय गांधी राष्ट्रीय उद्यानातील अत्यंत संवेदनशील भाग असलेल्या तसेच ठाण्याचे फुफ्फुस म्हणून ओळखल्या जाणाऱ्या येऊरच्या जंगलाचे प्रवेशद्वार सायंकाळी ७ वाजतापासून बंद करण्याचा निर्णय वन विभागाने घेतला आहे. केवळ अत्यावश्यक सेवा, मुंबई उच्च न्यायालयाने दिलेल्या परवानगी दिलेल्या दोन उपाहारगृहातील कर्मचारी, गावातील आदिवासी, वायू दलाचे अधिकारी, कर्मचारी यांनाच सायंकाळी ७ नंतर प्रवेश असणार आहे.
“मुख्यमंत्री सुरुवातीपासून आकडे लपवत आहेत. त्यांचा पोलीस आणि प्रशासनावर दबाव आहे. ज्या दिवशी ही दुर्घटना घडली, त्याच दिवशी हा आकडा १४ पर्यंत पोहोचला, असं स्थानिक लोक सांगत होते. पण एकनाथ शिंदे यांनी पोलीस अधिकारी आणि आरोग्य अधिकारी यांच्यावर दबाव टाकून हा आकडा सहा ते सातच सांगा, असे निर्देश दिले”, असा आरोप संजय राऊत यांनी केली आहे.
महाराष्ट्र स्टेट केमिस्ट अँड ड्रगिस्ट असोसिएशनने मुख्यमंत्री एकनाथ शिंदे यांना पत्र लिहत अन्न व औषध प्रशासन मंत्री संजय राठोड यांच्या कार्यालयात भ्रष्टाचार होत असल्याची तक्रार केल्यानंतर संजय राऊत यांनी शिंदे सरकावर टीका केली आहे. तसेच फडणवीसांनी संजय राठोड यांचा राजीनामा घ्यावा, असेही ते म्हणाले.
मुंबईतील मध्यवर्ती टपाल केंद्राचं उद्घाटन आज मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या हस्ते पार पडले.
श्रीसदस्यांच्या मृत्यूनंतर सरकारने मोठा निर्णय घेतला आहे. दुपारी १२ ते ५ दरम्यान मोकळ्या जागेवर कार्यक्रम घेतला जाणार नाही, अशी माहिती मंत्री मंगलप्रभात लोढा यांनी दिली आहे.
अजित पवार हे राष्ट्रवादी काँग्रेस सोडून भाजपात जातील, अशी चर्चा काल राजकीय वर्तुळात रंगू लागली होती. त्यानंतर अजित पवारांनी त्यावर स्पष्टीकरणही दिलं. दरम्यान, आज अजित पवारांना भेटण्यासाठी राष्ट्रवादी काँग्रेसचे नेते छगन भुजबळ आणि इतर काही नेतेमंडळी अजित पवारांच्या निवासस्थानी दाखल झाली आहेत.
पिंपरी-चिंचवड शहराच्या विविध भागात तब्बल ४३४ अनधिकृत होर्डिंग असून याचा वाद न्यायालयात प्रलंबित आहे. आतापर्यंत महापालिकेने अवघ्या १२७ बेकायदा होर्डिंगवर कारवाई केली. पिंपरी महापालिकेने तयार केलेले होर्डिंग धोरण शासनाने रद्द केले. त्याऐवजी राज्य शासनाने ९ मे २०२२ रोजी सर्वच महापालिकांसाठी धोरण केले. त्याला एक वर्ष पूर्ण होत आले, तरी पिंपरी महापालिकेकडून या धोरणाची अद्यापही अंमलबजावणी झाली नाही.
