Marathi News Updates, 07 October 2024 : राज्यात सध्या विधानसभा निवडणुकीचे वारे वाहू लागले असून निवडणूक कार्यक्रम जाहीर झालेला नसला तरीही जागावाटपाचं काम जोरात सुरू आहे. महायुती आणि महाविकास आघाडीतील मित्र पक्षांना किती आणि कुठे जागा मिळणार याकडे अवघ्या राज्याचं लक्ष आहे. दरम्यान, राज्याचे उपमुख्यमंत्री अजित पवार यांना यंदा बारामतीमधून नाही तर शिरूरमधून संधी मिळण्याची शक्यता आहे. अजित पवार यांनी बारामती विधानसभेची जागा न लढण्याचे संकेत गुरुवारच्या मेळाव्यात दिले होते. त्यानंतर दादा कोणत्या मतदारसंघातून निवडणूक लढविणार, याची कार्यकर्त्यांमध्ये चर्चा आहे. आता शिरूर मतदारसंघातून निवडणूक लढविण्याच्या दृष्टीने चाचपणी सुरू केल्याची माहिती पक्षातील सूत्रांनी दिली. तर, कुलाबा-वांद्रे-सीप्झ या मेट्रो ३ मार्गिकेतील आरे ते बीकेसी टप्प्याचे शनिवारी पंतप्रधान नरेंद्र मोदी यांच्या हस्ते लोकार्पण झाले. या टप्पा आजपासून प्रवाशांसाठी खुला झाला आहे. यासह राज्यातील इतर घडामोडी जाणून घेऊयात
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
Maharashtra Breaking News Live Today, 07 October 2024 : महाराष्ट्रातील ताज्या घडामोडी वाचा
पुणे : समाज माध्यमातून अनोळखी व्यक्तीशी झालेली मैत्री एका महिलेला महागात पडली. सायबर चोरट्याने परदेशातून भेटवस्तू पाठविण्याच्या आमिषाने महिलेची १२ लाख रुपयांची फसवणूक केल्याचे उघडकीस आले.
पुणे : लाडकी बहीण योजनेतील बँक खात्याची कागदपत्रे पडताळणीवरुन बँक व्यवस्थापकाला धक्काबुक्की करून गोंधळ घालणाऱ्या तिघांना हडपसर पोलिसांनी अटक केली. हडपसर भागातील बँक ऑफ महाराष्ट्राच्या फुरसुंगी शाखेत ही घटना घडली.
एकनाथ शिंदेंची लाडकी बहीण म्हणून त्यांनी नीलम गोऱ्हेंना विधानसभेचं तिकीट देऊन बघावंच. लोकांमध्ये त्यांची किती पत आहे हे आजमावून बघावं. हे मी ऑन रेकॉर्ड सांगतेय – सुषमा अंधारे</p>
ठाणे : ठाणे जिल्ह्यात अनेक आमदार आहेत. परंतु असे असताना साताऱ्याचा माणूस ठाणे जिल्ह्यात पालकमंत्री बसवून ठेवला जात आहे. येथे कोणाला कामच करुन द्यायचे नाही. येथे केवळ एकाधिकारशाही सुरू आहे असा आरोप ठाकरे गटाचे नेते, माजी खासदार राजन विचारे यांनी मुख्यमंत्री एकनाथ शिंदे यांच्यावर केला.
अकोला : पश्चिम वऱ्हाडातील बाजार समित्या सोमवारी बंद असल्याने कोट्यवधींचे व्यवहार ठप्प झाले. राज्यात पणन मंत्र्यांच्या विरोधात बाजार समित्यांनी आज बंद पुकारला होता. त्यामध्ये अकोल्यासह बहुतांश बाजार समित्यांनी सहभाग घेतला.
बुलढाणा : मोताळा तालुक्यातील विशिष्ट परिसरात बिबट्याचा संचार वाढला आहे. जेमतेम काही दिवसांच्या कालावधीतच बिबट्याने चौघांवर हल्ले करून गंभीर जखमी केल्याने परिसरातील ग्रामस्थ, शेतकरी वर्गात दहशत निर्माण झाली आहे.
पुणे : पाषाण-सूस टेकडीवर फिरायला गेलेल्या महाविद्यालयीन तरुणाला कोयत्याचा धाक दाखवून लुटणाऱ्या चोरट्यांना चतु:शृंगी पोलिसांनी अटक केली. चोरट्यांकडून दुचाकी आणि कोयता जप्त करण्यात आला.
सविस्तर वाचा
वर्धा : निवडणुकीचा ज्वर विविध घडामोडीमुळे वाढत आहे. प्रत्येक पक्ष संभाव्य उमेदवारची चाचपणी करू लागला आहे. अश्या या इच्छुकांच्या मुलाखतीस वेग येत आहे. राष्ट्रवादी शरद पवार गटानेपण बाह्या सरसावून तयारी सुरू केल्याचे दिसून येते.
नाशिक – राज्यातील बाजार समित्यांच्या राज्यस्तरीय परिषदेत पणनमंत्री अब्दुल सत्तार हे समित्यांच्या अडचणी समजून न घेता निघून गेल्याच्या निषेधार्थ सोमवारी राज्यातील बाजार समित्यांनी पुकारलेल्या बंदमध्ये जिल्ह्यातील १५ बाजार समित्या सहभागी झाल्यामुळे कोट्यवधींचे व्यवहार ठप्प झाले. कांद्याच्या सर्वात मोठ्या लासलगावसह अन्य बाजारातही कांदा व धान्याचे व्यवहार पूर्णत: बंद होते.
सरकार ही निवडणूक हरणार आहे हे लक्षात आल्याने त्यांनी लाडकी बहीण योजना आणली. पूर्वी १५ लाखांची गोष्ट करत होते, आता ते पंधराशेवर आले आहेत. आता पुन्हा यांचं सरकार आलं तर ते दीडशेवर येतील. आता महाविकास आघाडीचं सरकार येणार आहे. त्यामुळे लाडकी बहीण योजनेचे पैसे वाढतील – आदित्य ठाकरे, आमदार, शिवसेना (उद्धव ठाकरे)
नागपूर : मी कोणत्याही कंत्राटदारांकडून कमिशन घेत नाही. कामात कसूर करणाऱ्या अधिकाऱ्यांना निलंबित करेल आणि कंत्राटादारांना काळ्या यादीत टाकेल, असा सज्जड इशारा केंद्रीय मंत्री नितीन गडकरी यांनी दिला.
पुणे : पेशवेकालीन ओंकारेश्वर मंदिरातील दानपेटी फोडून चोरट्यांनी सहा हजार रुपयांची रोकड चोरून नेल्याची घटना उघडकीस आली. याप्रकरणी विश्रामबाग पोलीस ठाण्या चोरट्याविरुद्ध गुन्हा दाखल करण्यात आला आहे.
पुणे : बालेकिल्ल्यातील पोटनिवडणुकीतील पराभवामुळे सावध झालेल्या भारतीय जनता पक्षाने कसबा विधानसभा मतदारसंघावर लक्ष्य केंद्रीत केले आहे. त्याअंतर्गत ‘खासदार जनसंपर्क सेवा अभियाना’अंतर्गत दुसरा कार्यक्रम कसबा विधानसभा मतदारसंघात घेण्यात आला.
कल्याण – महाराष्ट्र प्रदुषण नियंत्रण मंडळाने कल्याण डोंबिवली पालिका हद्दीमधील बेकरी मालकांना प्रदुषणकारी इंधनाऐवजी (लाकूड, कोळसा) जैविक इंधन वापरण्याच्या सूचना यापूर्वीच केल्या आहेत. या आदेशाचे उल्लंघन करणाऱ्या पालिका हद्दीमधील बेकरी चालकांना प्रदूषण नियंत्रण मंडळाच्या आदेशाप्रमाणे कल्याण डोंबिवली पालिकेच्या बाजार व परवाना विभागाने कारवाईच्या नोटिसा बजावल्या आहेत.
पनवेल : राज्य परिवहन महामंडळाचा बस आगारातून प्रवास करताना एका ज्येष्ठ महिलेची सोनसाखळी चोरट्यांनी लंपास केली आहे. ही घटना शनिवारी दुपारी पनवेल बस आगारत घडली. रोडपाली येथे राहणाऱ्या ६१ वर्षीय महिला त्यांच्या मूळ गावी अलिबाग येथे जाण्यासाठी शनिवारी पनवेल बस आगारात आल्या होत्या. अलिबाग येथे जाणाऱ्या बसमध्ये दुपारी जेष्ठ महिला चढत असताना त्यांच्या गळ्यातील सोन्याच्या मन्यांची माळ चोरट्यांनी अलगद चोरली. अखेर या जेष्ठ महिलेने पनवेल शहर पोलीस ठाण्यात धाव घेऊन ४० हजार रुपयांची गळ्यातील सोन्याच्या मन्यांची माळ चोरीस गेल्याची तक्रार नोंदविली. याबाबत पनवेल शहर पोलीस चोरट्याचा शोध घेत आहेत.
वसई- बहुजन विकास आघाडीचे ज्येष्ठ नेते राजीव पाटील भाजपाच्या वाटेवर असल्याच्या वृत्तानंतर वसईच्या राजकारणात खळबळ उडाली आहे. याबाबत आमदार हितेंद्र ठाकूर यांनी सावध प्रतिक्रिया दिली आहे. माझं राजीव पाटील यांच्याशी या विषयावर बोलणं झालेलं नाही. पक्ष, कुटुंब आणि राजकारण या वेगळ्या गोष्टी आहेत आणि प्रत्येकाला स्वत:ची मते असतात असे ठाकूर यांनी सांगितले.
सविस्तर वाचा….
आपल्याला कॅन्सर झाला आहे हे समजाच संबंधित रुग्ण व त्याचे नातेवाईक पुरते हादरून जातात. कॅन्सरवरील उपचार आणि त्यासाठी लागणारं आर्थिक आणि मानसिक बळ फार महत्त्वाचं असतं. अनेकदा आर्थिक बळ मिळतंही, पण कॅन्सरशी लढा देताना लागणारं मानसिक बळ मिळणं खूप महत्त्वाचं असतं. कारण कॅन्सरशी लढा देण्यासाठी तुमच्याकडे मानसिक बळ असेल तर तुम्ही कॅन्सरविरोधातली अर्धी अधिक लढाई जिंकू शकतात. कॅन्सरग्रस्त रुग्ण व त्यांच्या नातेवाईकांना हेच मानसिक बळ देण्याचं व कॅन्सरीविषयी मार्गदर्शन करण्याचं काम आधाररेखा प्रतिष्ठानद्वारे रश्मी जोशी करतात.
नागपूर : राजस्थानातच अडखळलेल्या मान्सूनने उशिरा का होईना, पण महाराष्ट्रातून परतीचा प्रवास सुरू केला. तरीही ‘ऑक्टोबर हिट’चे चटके मात्र वाढतच चालले आहेत. राज्यातील आणि विशेषकरून विदर्भातील अनेक शहरांमधील तापमानाचा पारा वाढतच आहे.
कल्याण : कल्याणमधील आई आणि तिची अल्पवयीन मुलगी उत्तराखंड ऋषिकेश येथे पर्यटनासाठी गेले होते. तेथे महिलेचा (आई) मित्र आला होता. या तिघांनी ऋषिकेष भागात पर्यटन केले. नंतर एका हॉटेलमधील निवासात मित्राने आपल्या मैत्रिणीच्या सहमतीने अल्पवयीन मुलीला पाण्यात गुंगीचे औषध टाकून दिले. मुलीला गुंगी आल्यानंतर त्याचा गैरफायदा घेत मित्राने या मुलीचा विनयभंग करून तिच्यावर लैंगिक अत्याचार केले.
पुणे : बारामती विधानसभा मतदारसंघातून निवडणूक न लढविण्याचे संकेत देणारे उपमुख्यमंत्री व पुण्याचे पालकमंत्री अजित पवार शिरूर मतदारसंघातून निवडणूक लढविण्याची शक्यता आहे. शिरूर मतदारसंघ राष्ट्रवादी काँग्रेसचा बालेकिल्ला म्हणून ओळखला जात असल्याने त्या दृष्टीने अजित पवार यांनी चाचपणी सुरू केली आहे.
“देशाला दिशा देणारं राज्य म्हणजे महाराष्ट्र आहे. पण आता भाषा इतक्या खालच्या थराला गेली आहे. ज्या महाराष्ट्रातील बुजूर्ग म्हणावं तेच त्यांच्या आहारी लागले आहेत. ही जबाबगदारी साहित्यिकांनी हातात घेणं गरजेचं आहे. पण ज्याला आपण अशा प्रकारची साहित्यिक चळवळ उभं करणं गरजेचं वाटतं. भविष्यातील लहान मुलांना वाटेल की हेच राजकारण. ही भाषा म्हणजे राजकारण. या राजकारण्यांना खडेबोल सुनावण्याचं काम साहित्यिकांनी करावं.”, असंही राज ठाकरे म्हणाले.
पुणे : सराफ व्यावसायिकांनी दागिने घडविण्यासाठी दिलेले पावणेदोन कोटींचे शुद्ध सोने चोरून कारागीर पसार झाल्याची घटना उघडकीस आली. याप्रकरणी फरासखाना पोलिसांकडून पश्चिम बंगालमधील पाच कारागिरांविरुद्ध गुन्हा दाखल करण्यात आला आहे.
पुणे : भरधाव डंपरने दुचाकीस्वार दाम्पत्याला धडक दिल्याची घटना नगर रस्त्यावर घडली. अपघातात दुचाकीवरील सहप्रवासी महिलेचा मृत्यू झाला. अपघातानंतर डंपरचालक पसार झाला असून, लोणीकंद पोलिसांकडून त्याचा शोध घेण्यात येत आहे.
पुणे : बोपदेव घाटात महाविद्यालयीन तरुणीवर झालेल्या सामुहिक बलात्कार प्रकरणात पोलिसांकडून कृत्रिम बुद्धीमत्तेचा (आर्टीफिशियल इंटलिजन्स) वापर करण्यात येणार आहे. बलात्कार प्रकरणातील आरोपींची माहिती देणाऱ्यास पुणे पोलिसांकडून दहा लाख रुपयांचे रोख बक्षीस देण्यात येणार आहे.
अलिबाग : विधानसभा निवडणुकीच्या पार्श्वभूमीवर महिला मतदारांना आकर्षित करण्यासाठी सत्ताधारी पक्षासह विरोधकांनी प्रयत्न सुरू केले आहेत. यासाठी महिला संवाद मेळाव्यांच्या आडून साडी वाटपाचे कार्यक्रम घेण्यात येत आहेत.
गोंदिया : अपक्ष आमदार तसेच चाबी संघटनेचे प्रमुख विनोद अग्रवाल यांना भाजप पक्षश्रेष्ठींनी मागील २०१९ मधील विधानसभा निवडणुकीपूर्वी निलंबित केले होते. आता त्यांचे निलंबन मागे घेण्यात आले आहे. भाजपचे प्रदेशाध्यक्ष चंद्रशेखर बावनकुळे यांनी आमदार अग्रवाल यांचे निलंबन मागे घेण्यात आल्याचे समाज माध्यमावर जाहीर केले. यामुळे आगामी विधानसभा निवडणुकीत गोंदिया मतदारसंघात अग्रवाल विरुद्ध अग्रवाल, अशी लढत होण्याची चिन्हे आहे.
नागपूर : आगामी विधानसभा निवडणुकीच्या निमित्ताने का होईना, अनेक वर्षांपासून प्रलंबित प्रस्ताव, विविध समाजासाठींचे महामंडळे आणि मागण्या राज्य शासनाने मार्गी लावल्या. मराठी भाषेला अभिजात भाषेचा दर्जा देण्याची अनेक वर्षांपासूनची मागणीही पूर्ण झाली. मात्र, या लोकप्रिय घोषणांच्या भाऊगर्दीत मागासभागांच्या विकास मंडळांना पुनर्जीवित करण्याचा प्रस्ताव अडीच वर्षांपासून केंद्र सरकारकडे प्रलंबित आहे.
ठाणे : घोडबंदर येथील कासारवडवली भागात सोमवारी सकाळी विद्युत वाहिन्या जळाल्याने या भागातील वीज पुरवठा खंडीत झाला आहे. येथील विद्युत पुरवठा सायंकाळी पाच वाजेपर्यंत सुरळीत होणार असल्याचा संदेश नागरिकांना प्राप्त झाला आहे.
अलेक्झांडर महाराष्ट्राचे राज्यपाल होते. मी राजूदतमधून मेळघाटातील गावांत फिरलो. तेव्हा रस्त्यांची स्थिती खूप खराब होती. फॉरेस्टवाले येथे काहीच काम करू देत नव्हते. तेव्हा एक नांदडचे आयुक्त होते. दर मीटिंगला आम्ही बसायचो, फॉरेस्ट ऑफिसरला सांगायचे की किती गंभीर प्रश्न आहे. मग मनोहर जोशींनी आले. मनोहर जोशींनी सर्व अधिकाऱ्यांची मीटिंग घेतली. पण तरीही काम होईना. त्यामुळे मी हा विषय माझ्यावर सोडून द्या असं म्हटलं. मी चुकून राजाकरणात आलो. माझ्या तारुण्यात मी नलक्षवादी चळवळीतच गेलो होतो.पण पुन्हा एकदा जाईन आणि तुम्हाला गोळ्यांनी फोकल्याशिवाय राहणार नाही. त्यानंतर फॉरेस्ट वाल्यांना काय काय केलं हे सांगता येणार नाही – नितीन गडकरी</p>
Maharashtra Breaking News Live Today, 07 October 2024 : महाराष्ट्रातील ताज्या घडामोडी वाचा
Maharashtra Breaking News Live Today, 07 October 2024 : महाराष्ट्रातील ताज्या घडामोडी वाचा
पुणे : समाज माध्यमातून अनोळखी व्यक्तीशी झालेली मैत्री एका महिलेला महागात पडली. सायबर चोरट्याने परदेशातून भेटवस्तू पाठविण्याच्या आमिषाने महिलेची १२ लाख रुपयांची फसवणूक केल्याचे उघडकीस आले.
पुणे : लाडकी बहीण योजनेतील बँक खात्याची कागदपत्रे पडताळणीवरुन बँक व्यवस्थापकाला धक्काबुक्की करून गोंधळ घालणाऱ्या तिघांना हडपसर पोलिसांनी अटक केली. हडपसर भागातील बँक ऑफ महाराष्ट्राच्या फुरसुंगी शाखेत ही घटना घडली.
एकनाथ शिंदेंची लाडकी बहीण म्हणून त्यांनी नीलम गोऱ्हेंना विधानसभेचं तिकीट देऊन बघावंच. लोकांमध्ये त्यांची किती पत आहे हे आजमावून बघावं. हे मी ऑन रेकॉर्ड सांगतेय – सुषमा अंधारे</p>
ठाणे : ठाणे जिल्ह्यात अनेक आमदार आहेत. परंतु असे असताना साताऱ्याचा माणूस ठाणे जिल्ह्यात पालकमंत्री बसवून ठेवला जात आहे. येथे कोणाला कामच करुन द्यायचे नाही. येथे केवळ एकाधिकारशाही सुरू आहे असा आरोप ठाकरे गटाचे नेते, माजी खासदार राजन विचारे यांनी मुख्यमंत्री एकनाथ शिंदे यांच्यावर केला.
अकोला : पश्चिम वऱ्हाडातील बाजार समित्या सोमवारी बंद असल्याने कोट्यवधींचे व्यवहार ठप्प झाले. राज्यात पणन मंत्र्यांच्या विरोधात बाजार समित्यांनी आज बंद पुकारला होता. त्यामध्ये अकोल्यासह बहुतांश बाजार समित्यांनी सहभाग घेतला.
बुलढाणा : मोताळा तालुक्यातील विशिष्ट परिसरात बिबट्याचा संचार वाढला आहे. जेमतेम काही दिवसांच्या कालावधीतच बिबट्याने चौघांवर हल्ले करून गंभीर जखमी केल्याने परिसरातील ग्रामस्थ, शेतकरी वर्गात दहशत निर्माण झाली आहे.
पुणे : पाषाण-सूस टेकडीवर फिरायला गेलेल्या महाविद्यालयीन तरुणाला कोयत्याचा धाक दाखवून लुटणाऱ्या चोरट्यांना चतु:शृंगी पोलिसांनी अटक केली. चोरट्यांकडून दुचाकी आणि कोयता जप्त करण्यात आला.
सविस्तर वाचा
वर्धा : निवडणुकीचा ज्वर विविध घडामोडीमुळे वाढत आहे. प्रत्येक पक्ष संभाव्य उमेदवारची चाचपणी करू लागला आहे. अश्या या इच्छुकांच्या मुलाखतीस वेग येत आहे. राष्ट्रवादी शरद पवार गटानेपण बाह्या सरसावून तयारी सुरू केल्याचे दिसून येते.
नाशिक – राज्यातील बाजार समित्यांच्या राज्यस्तरीय परिषदेत पणनमंत्री अब्दुल सत्तार हे समित्यांच्या अडचणी समजून न घेता निघून गेल्याच्या निषेधार्थ सोमवारी राज्यातील बाजार समित्यांनी पुकारलेल्या बंदमध्ये जिल्ह्यातील १५ बाजार समित्या सहभागी झाल्यामुळे कोट्यवधींचे व्यवहार ठप्प झाले. कांद्याच्या सर्वात मोठ्या लासलगावसह अन्य बाजारातही कांदा व धान्याचे व्यवहार पूर्णत: बंद होते.
सरकार ही निवडणूक हरणार आहे हे लक्षात आल्याने त्यांनी लाडकी बहीण योजना आणली. पूर्वी १५ लाखांची गोष्ट करत होते, आता ते पंधराशेवर आले आहेत. आता पुन्हा यांचं सरकार आलं तर ते दीडशेवर येतील. आता महाविकास आघाडीचं सरकार येणार आहे. त्यामुळे लाडकी बहीण योजनेचे पैसे वाढतील – आदित्य ठाकरे, आमदार, शिवसेना (उद्धव ठाकरे)
नागपूर : मी कोणत्याही कंत्राटदारांकडून कमिशन घेत नाही. कामात कसूर करणाऱ्या अधिकाऱ्यांना निलंबित करेल आणि कंत्राटादारांना काळ्या यादीत टाकेल, असा सज्जड इशारा केंद्रीय मंत्री नितीन गडकरी यांनी दिला.
पुणे : पेशवेकालीन ओंकारेश्वर मंदिरातील दानपेटी फोडून चोरट्यांनी सहा हजार रुपयांची रोकड चोरून नेल्याची घटना उघडकीस आली. याप्रकरणी विश्रामबाग पोलीस ठाण्या चोरट्याविरुद्ध गुन्हा दाखल करण्यात आला आहे.
पुणे : बालेकिल्ल्यातील पोटनिवडणुकीतील पराभवामुळे सावध झालेल्या भारतीय जनता पक्षाने कसबा विधानसभा मतदारसंघावर लक्ष्य केंद्रीत केले आहे. त्याअंतर्गत ‘खासदार जनसंपर्क सेवा अभियाना’अंतर्गत दुसरा कार्यक्रम कसबा विधानसभा मतदारसंघात घेण्यात आला.
कल्याण – महाराष्ट्र प्रदुषण नियंत्रण मंडळाने कल्याण डोंबिवली पालिका हद्दीमधील बेकरी मालकांना प्रदुषणकारी इंधनाऐवजी (लाकूड, कोळसा) जैविक इंधन वापरण्याच्या सूचना यापूर्वीच केल्या आहेत. या आदेशाचे उल्लंघन करणाऱ्या पालिका हद्दीमधील बेकरी चालकांना प्रदूषण नियंत्रण मंडळाच्या आदेशाप्रमाणे कल्याण डोंबिवली पालिकेच्या बाजार व परवाना विभागाने कारवाईच्या नोटिसा बजावल्या आहेत.
पनवेल : राज्य परिवहन महामंडळाचा बस आगारातून प्रवास करताना एका ज्येष्ठ महिलेची सोनसाखळी चोरट्यांनी लंपास केली आहे. ही घटना शनिवारी दुपारी पनवेल बस आगारत घडली. रोडपाली येथे राहणाऱ्या ६१ वर्षीय महिला त्यांच्या मूळ गावी अलिबाग येथे जाण्यासाठी शनिवारी पनवेल बस आगारात आल्या होत्या. अलिबाग येथे जाणाऱ्या बसमध्ये दुपारी जेष्ठ महिला चढत असताना त्यांच्या गळ्यातील सोन्याच्या मन्यांची माळ चोरट्यांनी अलगद चोरली. अखेर या जेष्ठ महिलेने पनवेल शहर पोलीस ठाण्यात धाव घेऊन ४० हजार रुपयांची गळ्यातील सोन्याच्या मन्यांची माळ चोरीस गेल्याची तक्रार नोंदविली. याबाबत पनवेल शहर पोलीस चोरट्याचा शोध घेत आहेत.
वसई- बहुजन विकास आघाडीचे ज्येष्ठ नेते राजीव पाटील भाजपाच्या वाटेवर असल्याच्या वृत्तानंतर वसईच्या राजकारणात खळबळ उडाली आहे. याबाबत आमदार हितेंद्र ठाकूर यांनी सावध प्रतिक्रिया दिली आहे. माझं राजीव पाटील यांच्याशी या विषयावर बोलणं झालेलं नाही. पक्ष, कुटुंब आणि राजकारण या वेगळ्या गोष्टी आहेत आणि प्रत्येकाला स्वत:ची मते असतात असे ठाकूर यांनी सांगितले.
सविस्तर वाचा….
आपल्याला कॅन्सर झाला आहे हे समजाच संबंधित रुग्ण व त्याचे नातेवाईक पुरते हादरून जातात. कॅन्सरवरील उपचार आणि त्यासाठी लागणारं आर्थिक आणि मानसिक बळ फार महत्त्वाचं असतं. अनेकदा आर्थिक बळ मिळतंही, पण कॅन्सरशी लढा देताना लागणारं मानसिक बळ मिळणं खूप महत्त्वाचं असतं. कारण कॅन्सरशी लढा देण्यासाठी तुमच्याकडे मानसिक बळ असेल तर तुम्ही कॅन्सरविरोधातली अर्धी अधिक लढाई जिंकू शकतात. कॅन्सरग्रस्त रुग्ण व त्यांच्या नातेवाईकांना हेच मानसिक बळ देण्याचं व कॅन्सरीविषयी मार्गदर्शन करण्याचं काम आधाररेखा प्रतिष्ठानद्वारे रश्मी जोशी करतात.
नागपूर : राजस्थानातच अडखळलेल्या मान्सूनने उशिरा का होईना, पण महाराष्ट्रातून परतीचा प्रवास सुरू केला. तरीही ‘ऑक्टोबर हिट’चे चटके मात्र वाढतच चालले आहेत. राज्यातील आणि विशेषकरून विदर्भातील अनेक शहरांमधील तापमानाचा पारा वाढतच आहे.
कल्याण : कल्याणमधील आई आणि तिची अल्पवयीन मुलगी उत्तराखंड ऋषिकेश येथे पर्यटनासाठी गेले होते. तेथे महिलेचा (आई) मित्र आला होता. या तिघांनी ऋषिकेष भागात पर्यटन केले. नंतर एका हॉटेलमधील निवासात मित्राने आपल्या मैत्रिणीच्या सहमतीने अल्पवयीन मुलीला पाण्यात गुंगीचे औषध टाकून दिले. मुलीला गुंगी आल्यानंतर त्याचा गैरफायदा घेत मित्राने या मुलीचा विनयभंग करून तिच्यावर लैंगिक अत्याचार केले.
पुणे : बारामती विधानसभा मतदारसंघातून निवडणूक न लढविण्याचे संकेत देणारे उपमुख्यमंत्री व पुण्याचे पालकमंत्री अजित पवार शिरूर मतदारसंघातून निवडणूक लढविण्याची शक्यता आहे. शिरूर मतदारसंघ राष्ट्रवादी काँग्रेसचा बालेकिल्ला म्हणून ओळखला जात असल्याने त्या दृष्टीने अजित पवार यांनी चाचपणी सुरू केली आहे.
“देशाला दिशा देणारं राज्य म्हणजे महाराष्ट्र आहे. पण आता भाषा इतक्या खालच्या थराला गेली आहे. ज्या महाराष्ट्रातील बुजूर्ग म्हणावं तेच त्यांच्या आहारी लागले आहेत. ही जबाबगदारी साहित्यिकांनी हातात घेणं गरजेचं आहे. पण ज्याला आपण अशा प्रकारची साहित्यिक चळवळ उभं करणं गरजेचं वाटतं. भविष्यातील लहान मुलांना वाटेल की हेच राजकारण. ही भाषा म्हणजे राजकारण. या राजकारण्यांना खडेबोल सुनावण्याचं काम साहित्यिकांनी करावं.”, असंही राज ठाकरे म्हणाले.
पुणे : सराफ व्यावसायिकांनी दागिने घडविण्यासाठी दिलेले पावणेदोन कोटींचे शुद्ध सोने चोरून कारागीर पसार झाल्याची घटना उघडकीस आली. याप्रकरणी फरासखाना पोलिसांकडून पश्चिम बंगालमधील पाच कारागिरांविरुद्ध गुन्हा दाखल करण्यात आला आहे.
पुणे : भरधाव डंपरने दुचाकीस्वार दाम्पत्याला धडक दिल्याची घटना नगर रस्त्यावर घडली. अपघातात दुचाकीवरील सहप्रवासी महिलेचा मृत्यू झाला. अपघातानंतर डंपरचालक पसार झाला असून, लोणीकंद पोलिसांकडून त्याचा शोध घेण्यात येत आहे.
पुणे : बोपदेव घाटात महाविद्यालयीन तरुणीवर झालेल्या सामुहिक बलात्कार प्रकरणात पोलिसांकडून कृत्रिम बुद्धीमत्तेचा (आर्टीफिशियल इंटलिजन्स) वापर करण्यात येणार आहे. बलात्कार प्रकरणातील आरोपींची माहिती देणाऱ्यास पुणे पोलिसांकडून दहा लाख रुपयांचे रोख बक्षीस देण्यात येणार आहे.
अलिबाग : विधानसभा निवडणुकीच्या पार्श्वभूमीवर महिला मतदारांना आकर्षित करण्यासाठी सत्ताधारी पक्षासह विरोधकांनी प्रयत्न सुरू केले आहेत. यासाठी महिला संवाद मेळाव्यांच्या आडून साडी वाटपाचे कार्यक्रम घेण्यात येत आहेत.
गोंदिया : अपक्ष आमदार तसेच चाबी संघटनेचे प्रमुख विनोद अग्रवाल यांना भाजप पक्षश्रेष्ठींनी मागील २०१९ मधील विधानसभा निवडणुकीपूर्वी निलंबित केले होते. आता त्यांचे निलंबन मागे घेण्यात आले आहे. भाजपचे प्रदेशाध्यक्ष चंद्रशेखर बावनकुळे यांनी आमदार अग्रवाल यांचे निलंबन मागे घेण्यात आल्याचे समाज माध्यमावर जाहीर केले. यामुळे आगामी विधानसभा निवडणुकीत गोंदिया मतदारसंघात अग्रवाल विरुद्ध अग्रवाल, अशी लढत होण्याची चिन्हे आहे.
नागपूर : आगामी विधानसभा निवडणुकीच्या निमित्ताने का होईना, अनेक वर्षांपासून प्रलंबित प्रस्ताव, विविध समाजासाठींचे महामंडळे आणि मागण्या राज्य शासनाने मार्गी लावल्या. मराठी भाषेला अभिजात भाषेचा दर्जा देण्याची अनेक वर्षांपासूनची मागणीही पूर्ण झाली. मात्र, या लोकप्रिय घोषणांच्या भाऊगर्दीत मागासभागांच्या विकास मंडळांना पुनर्जीवित करण्याचा प्रस्ताव अडीच वर्षांपासून केंद्र सरकारकडे प्रलंबित आहे.
ठाणे : घोडबंदर येथील कासारवडवली भागात सोमवारी सकाळी विद्युत वाहिन्या जळाल्याने या भागातील वीज पुरवठा खंडीत झाला आहे. येथील विद्युत पुरवठा सायंकाळी पाच वाजेपर्यंत सुरळीत होणार असल्याचा संदेश नागरिकांना प्राप्त झाला आहे.
अलेक्झांडर महाराष्ट्राचे राज्यपाल होते. मी राजूदतमधून मेळघाटातील गावांत फिरलो. तेव्हा रस्त्यांची स्थिती खूप खराब होती. फॉरेस्टवाले येथे काहीच काम करू देत नव्हते. तेव्हा एक नांदडचे आयुक्त होते. दर मीटिंगला आम्ही बसायचो, फॉरेस्ट ऑफिसरला सांगायचे की किती गंभीर प्रश्न आहे. मग मनोहर जोशींनी आले. मनोहर जोशींनी सर्व अधिकाऱ्यांची मीटिंग घेतली. पण तरीही काम होईना. त्यामुळे मी हा विषय माझ्यावर सोडून द्या असं म्हटलं. मी चुकून राजाकरणात आलो. माझ्या तारुण्यात मी नलक्षवादी चळवळीतच गेलो होतो.पण पुन्हा एकदा जाईन आणि तुम्हाला गोळ्यांनी फोकल्याशिवाय राहणार नाही. त्यानंतर फॉरेस्ट वाल्यांना काय काय केलं हे सांगता येणार नाही – नितीन गडकरी</p>
Maharashtra Breaking News Live Today, 07 October 2024 : महाराष्ट्रातील ताज्या घडामोडी वाचा
