School Male Cleaner Abuse Girls in Badlapur : महाराष्ट्र विधानसभेची निवडणूक महिनाभर पुढे ढकलण्यात आली आहे. दरम्यान, सत्ताधारी व विरोधी पक्षांनी निवडणुकीच्या तयारीला सुरुवात केली आहे. वेगवेगळ्या पक्षांचे मेळावे, पदयात्रा, जाहीर सभा चालू आहेत. यासंबंधीच्या बातम्यांचा आढावा आपण या लाईव्ह न्यूज ब्लॉगद्वारे घेणार आहोत. यासह कोलकाता येथे झालेल्या बलात्कार व खूनप्रकरणी आज (२० ऑगस्ट) सर्वोच्च न्यायालयात सुनावणी होणार आहे. यासंबंधीच्या बातम्यांवरही आपलं लक्ष असेल. बदलापूरमधील एका शाळेत दोन चिमुकल्या मुलींवर लैंगिक अत्याचार झाल्याचं प्रकरण समोर आलं आहे. स्थानिक नागरिकांनी बदलापूर बंदची हाक दिली आहे. नागरिकांनी बदलापूर स्थानकात रेल रोको आंदोलन केल्यामुळे मुंबई लोकलसह मेल व एक्सप्रेसची वाहतूक विस्कळीत झाली आहे.