Mumbai Maharashtra News Updates, 09 September 2024 : विधानसभेची निवडणूक तोंडावर आली आहे. त्यामुळे राज्यात राजकीय वातावरण चांगलंच तापलं आहे. निवडणुकीच्या पार्श्वभूमीवर राजकीय पक्षांच्या नेत्यांनी कंबर कसली आहे. गेल्या काही दिवसांपासून राज्यातील विविध मतदारसंघात नेत्यांचे दौरे वाढले आहेत. या दौऱ्यांच्या माध्यमातून विविध मतदारसंघाचा आढावा आणि उमेदवारांची चाचपणी केली जात आहे. तसेच महाविकास आघाडी आणि महायुतीमधील पक्षात जागावाटपासंदर्भात खलबतं सुरु आहेत. गेल्या काही दिवसांपासून महायुतीमध्ये धुसफूस सुरू असल्याच्या चर्चा राजकीय वर्तुळात आहेत. यातच केंद्रीय गृहमंत्री अमित शाह दोन दिवसांच्या मुंबई दौऱ्यावर आहेत. आज अमित शाह लालबागच्या राजाचं राजाचे दर्शन घेणार आहेत. दरम्यान, आगामी निवडणुकीच्या पार्श्वभूमीवर गृहमंत्री अमित शाह यांचा दौरा महत्वाचा मानला जात आहे. यासह राज्यातील आणि देशभरातील राजकीय व सामाजिक घडामोडी येथे जाणून घ्या…
