Mumbai Maharashtra News Updates, 05 September 2024: लाडक्या बाप्पाच्या आगमनासाठी अवघे काही दिवस उरले असताना चाकरमान्यांची गणेशोत्सवासाठी कोकणात जाण्याची लगबग सुरू झाली आहे. त्यामुळे कोकणाकडे जाणाऱ्या रस्त्यांवर वाहतूक कोंडीची स्थिती पाहायला मिळत आहे. दुसरीकडे महाराष्ट्र विधानसभा निवडणुकीच्या निमित्ताने राज्यातील सर्व राजकीय पक्ष उमेदवारांप्रमाणेच मतदारांचीही विविध प्रकारचे कार्यक्रम, भेटीगाठींमधून चाचपणी करताना दिसत आहेत.
Maharashtra News Live Today, 05 September 2024: महाराष्ट्र विधानसभा निवडणुकीशी संबंधित सर्व महत्त्वाच्या बातम्या
सावंतवाडी : बार कौन्सिल ऑफ महाराष्ट्र गोव्याच्या अध्यक्षपदी अँड संग्राम देसाई यांची निवड झाली आहे ते सिंधुदुर्ग जिल्ह्याचे सुपुत्र असून बार कौन्सिल ऑफ महाराष्ट्र गोव्याचे सदस्य होते. सिंधुदुर्ग जिल्ह्याला हा मान प्रथमच मिळाला आहे.
बार कौन्सिल वर निवडून गेल्यानंतर पहिल्याच प्रयत्नात दोन वेळा ते उपाध्यक्ष व आता अध्यक्ष म्हणून बिनविरोध निवड झाली आहे. मुंबई उच्च न्यायालयातील बार कौन्सिलच्या सभागृहात झालेल्या विशेष कार्यक्रमात ही निवड करण्यात आली. या अध्यक्षपदाच्या माध्यमातून अँड देसाई यांना राज्यभरातील सुमारे अडीच लाख वकिलांचे नेतृत्व करण्याची व त्यांच्या कल्याणासाठी काम करण्याची संधी मिळाली आहे. बार कौन्सिलचे विद्यमान अँड. राजेंद्र उमप यांचा कार्यकाल बुधवारी समाप्त झाला. यावेळी झालेल्या सदस्यांच्या बैठकीची ही बिनविरोध निवड करण्यात आली.
आदिवासी विकास विभागाने पहिली ते चौथीच्या क्रमिक पुस्तकांचे १२ स्थानिक बोलीभाषांमध्ये रूपांतर करण्याचा निर्णय घेतला आहे. टप्याटप्याने ही पुस्तके उपलब्ध होणार असल्याने आदिवासी विद्यार्थ्यांना त्यांच्या बोलीभाषेत शिक्षण मिळणार आहे.
पुणे : गणेशोत्सवाच्या काळात शहरातील रस्ते सायंकाळी पाच नंतर वाहतुकीसाठी बंद राहणार असल्याने पीएमपीच्या ६६ मार्गातही बदल करण्यात आले आहेत.
पुणे : विसर्जन मिरवणूक रद्द करून गुरुवार पेठेतील हिंद युवक मित्र मंडळाने आरोग्य जागर करीत शैक्षणिक आणि वैद्यकीय उपक्रम आयोजित केले आहेत.
पुणे : पूर्ववैमनस्यावरुन तरुणावर वार करून पळून गेलेल्या दोघांना गुन्हे शाखेच्या दरोडा आणि वाहन चोरी विरोधी पथकाने अवघ्या दोन तासांमध्ये वारजे येथे जेरबंद केले.
पुणे : माजी नगरसेवक वनराज आंदेकर यांची हत्या करण्यासाठी तब्बल दीड महिन्यापासून रेकी करण्यात येत असल्याची माहिती उघडकीस आली आहे.
अडचणी अनेक, उपाय एक.. तो म्हणजे आमचा महाराष्ट्रवादी व्हॉट्सॲप हेल्पलाइन क्रमांक – ९८६१७१७१७१ तुमच्या मोबाईलमध्ये सेव्ह करा आणि चिंतामुक्त व्हा. आम्ही तुमच्या सेवेकरताच बसलो आहोत. आम्हाला विचारून तर पहा. तुमच्या शंकेचं समाधान तत्काळ होणार. खालील लिंकवर क्लिक करा – अजित पवारांची पोस्ट व्हायरल
https://x.com/AjitPawarSpeaks/status/1831640485150007678
पुणे : वैभवशाली गणेशोत्सवाच्या आनंदपर्वाचा शनिवारपासून (७ सप्टेंबर) श्रीगणेशा होत असून गणरायाच्या प्रतिष्ठापनेसाठी ब्राह्ममुहूर्तापासून म्हणजे पहाटे ४ वाजून ४० मिनिटांपासून ते दुपारी १ वाजून ५१ मिनिटांपर्यंत मुहूर्त आहे.
बुलढाणा: सैन्य दलात भरती होण्यासाठी प्रशिक्षण देणाऱ्या संस्थेनेच सैन्यात नोकरीला लावून देण्याचे अमिष दाखवत गोरगरीब विद्यार्थ्यांकडून लाखो रुपये उकळत फसवणूक केल्याचा प्रकार मेहकर येथे उघडकीस आला आहे.
नागपूर : राज्याचे माजी गृहमंत्री अनिल देशमुख यांच्यावर गुन्हा दाखल करण्यात आला, ते अन्य कुठल्याही नेत्यांचे नाव घेणार नाही तर देवेंद्र फडणवीस यांचेच नाव घेतील. मी मंत्री होतो म्हणून आमच्यावर कुठली केस करू नये, असे त्यांना वाटत असेल तर ते चूक आहे. त्यांनी चुक केली असेल तर गुन्हा दाखल होईलच. मात्र राज्यात कुठलीही घटना घडली की विरोधी पक्षाकडून देवेंद्र फडणवीस यांचेच जबाबदार म्हणून नाव घेतले जाते.
मुंबई : मालाड येथील हाजी बापू मार्गावरील गोविंद नगर येथील बांधकाम सुरू असलेल्या नवजीवन या इमारतीच्या २० व्या मजल्याच्या छताचा काही भाग गुरुवारी दुपारी १२ च्या सुमारास अचानक कोसळला. या दुर्घटनेत तिघांचा मृत्यू झाला असून तिघे जखमी झाले आहेत.
मुंबई : कुलाबा ते सीप्झ या मेट्रो-३ प्रकल्पाच्या स्थानकांच्या बांधकामासाठी तोडलेल्या झाडांचे आच्छादन पुनर्संचयित करण्याचे वारंवार आदेश देऊनही मुंबई मेट्रो रेल कॉर्पोरेशन लिमिटेडने (एमएमआरसीएल) २८ पैकी १८ स्थानक परिसरात आतापर्यंत ३०९३ झाडांपैकी केवळ ७२४ झाडांचेच पुनर्रोपण केल्याबाबत उच्च न्यायालयाच्या विशेष समितीने बुधवारी नाराजी व्यक्त केली.
मुंबई : म्हाडाच्या मुंबई मंडळाच्या २०३० घरांच्या सोडतीसाठी १३ सप्टेंबरला सोडत काढली जाणार होती. मात्र काही कारणाने अर्जविक्री-स्वीकृतीसह सोडतपूर्व प्रक्रियेला १५ दिवसांची मुदतवाढ देण्यात आल्याने सोडत लांबणीवर पडली आहे. त्यामुळे आता नक्की सोडत केव्हा जाहीर होणार याकडे अर्जदारांचे, इच्छुकांचे लक्ष लागले आहे. त्यानुसार मुंबई मंडळाकडून सोडतीची तारीख निश्चित करण्यात आली आहे.
मुख्यमंत्री एकनाथ शिंदे आज शिक्षक दिनानिमित्ताने आयोजित कार्यक्रमात उपस्थित होते. यावेळी शिक्षकांसमोर केलेल्या भाषणात त्यांनी शिक्षण मंत्री दीपक केसरकर यांना मिश्किल शब्दांत कोपरखळी मारताच उपस्थितांमध्ये हशा पिकला. “तुम्हीही नेहमीच सहकार्याची भूमिका घेत असतात. तुमचे मंत्रीही चांगले आहेत. ते हळूहळी पिकअप घेतात आणि मग टॉप गिअर टाकतात. तसे ते गुवाहाटीमध्ये हळूहळू पिकअप घेत होते. ते सगळ्या गोष्टी विचारपूर्वक करतात”, असं एकनाथ शिंदे म्हणाले.
धुळे – चोरी करणारे दोघेच. परंतु, त्यांचा आपसातील समन्वय मजबूत. त्यामुळेच ही जोडी धुळे जिल्ह्यात सहजपणे मोटारसायकलींची चोरी करत असे.
पुणे : बिबवेवाडी भागातून बेपत्ता झालेल्या तीन शाळकरी मुलींचा शाेध पोलिसांच्या तत्परतेमुळे लागला. मुली बेपत्ता झाल्याची माहिती मिळताच बिबवेवाडी पोलिसांनी तपास सुरू केला.
नगर जिल्ह्याच्या उत्तर भागाची भाग्यरेखा असणारे आणि अभिजात निसर्ग सौन्दर्याचे कोंदण लाभलेले अकोले तालुक्यातील धरण आता ‘आद्य क्रांतिकारक वीर राघोजी भांगरे जलाशय’ म्हणून ओळखले जाणार आहे.
पुणे : आगामी विधानसभेच्या निवडणुका राज्यात सत्ताधारी असलेल्या एकनाथ शिंदे देवेंद्र फडणवीस अजित पवार यांनी महायुतीच्या माध्यमातून लढविण्याचा निर्णय घेतला आहे.
सोलापूर : अक्कलकोट तालुक्यातील काँग्रेसचे नेते, माजी मंत्री सिद्धाराम म्हेत्रे यांच्या मातोश्री साखर कारखान्याकडून ऊस उत्पादकांना देय असलेल्या रकमा अदा न झाल्याने या ऊस उत्पादक शेतकऱ्यांनी सोलापुरात थेट काँग्रेस भवनासमोर आमरण उपोषण सुरू केले. हे सर्व आंदोलक मराठवाड्यातील उमरगा भागातील आहेत. दुसऱ्या दिवशीही या आंदोलनावर कोणताही तोडगा निघाला नव्हता.
अक्कलकोट तालुक्यातील दुधनी येथे म्हेत्रे यांचा मातोश्री साखर कारखाना कार्यरत आहे. मागील वर्षीच्या गळीत हंगामात धाराशिव जिल्ह्यातील उमरगा व अन्य भागातून ऊस उत्पादक शेतकऱ्यांनी या साखर कारखान्यासाठी पाठविलेल्या उसाची थकीत देयके प्रलंबित आहेत. या प्रश्नावर यापूर्वी शेतकऱ्यांनी आंदोलन केले होते.
खेड : मुंबई येथून गणेशोत्सवासाठी कोकणात जाणाऱ्या दोन एसटी बस कंटेनरवर धडकल्या. या अपघातात कोणतीही जिवितहानी झाली नाही.
मुंबई: चेंबूरच्या पीएल लोखंडे मार्ग परिसरात बुधवारी सायंकाळी एका घराच्या पोटमाळ्याचा काही भाग अचानक कोसळला. यामध्ये एका दीडवर्षीय मुलीचा मृत्यू झाला असून एक महिला जखमी झाली आहे. ही घटना चेंबूर लोखंडे मार्गावरील एकता मित्रमंडळ परिसरात बुधवारी सायंकाळी साडेसातच्या सुमारास घडली. येथील कविता साळवे यांच्या घराच्या पोटमाळ्याचा काही भाग अचानक कोसळला. घटनेनंतर स्थानिकांनी तत्काळ साळवे यांच्या घराकडे धाव घेत कविता साळवे (३५) आणि त्यांची मुलगी खुशी साळवे (दीड वर्ष) यांना राजावाडी रुग्णालयात दाखल केले. मात्र उपचारांपूर्वीच खुशीचा मृत्यू झाला.
वसई : वसई विरार शहरातील वाढत्या नागरीकरणामुळे विजेची मागणी वाढत आहे. याशिवाय सातत्याने महावितरण वीज चोरट्यांवर होणारी कारवाई यामुळे नवीन वीज जोडण्या घेण्याकडे ग्राहकांचा कल वाढला आहे. मागील दोन वर्षात ७४ हजार २७४ इतक्या नवीन वीज जोडण्या देण्यात आल्या आहेत.
नागपूर : पर्यावरणासाठी हानिकारक असणाऱ्या प्लास्टर ऑफ पॅरिस (पीओपी) आणि तत्सम वस्तूंपासून देवी-देवतांच्या मूर्तीवर बंदी आणण्याचा न्यायालयाचा मानस आहे. यासाठी मागील सुनावणीत महापालिकेला सार्वजनिक मंडळांना परवानगी देताना पीओपीबाबत स्पष्ट अट ठेवण्याचे आदेश दिले होते, असे मुंबई उच्च न्यायालयाच्या नागपूर खंडपीठाने स्पष्ट केले.
मुंबई : पैगंबर हजरत मोहम्मद यांचा जन्मदिन म्हणून साजरा केल्या जाणाऱ्या ‘ईद मिलाद उन-नबी’निमित्त राज्यात अनेक ठिकाणी मिरवणूक काढण्यात येते. या मिरवणुकीत मोठ्या प्रमाणावर डीजे आणि प्रखर दिव्यांचा (लेझर बीम) वापर करण्यात येत असून त्यावर बंदी घालण्याची मागणी पुण्यातील काही ज्येष्ठ मुस्लिम बांधवांनी उच्च न्यायालयात केली आहे.
नाशिक – पंचवटी आणि राज्यराणी एक्स्प्रेस काही महिन्यांपासून दररोज अर्धा ते पाऊण तास विलंबाने धावत असल्याच्या पार्श्वभूमीवर, मासिक पासधारक व प्रवासी वेल्फेअर असोसिएशनने मध्य रेल्वेला कायदेशीर नोटीस बजावली आहे.
वसई विरारमधील २१ हजार वीज ग्राहकांनी महावितरणचे वीज देयक न भरल्याने महावितरणने त्यांच्या वीज जोडण्या खंडित केल्या आहेत.
ठाणे : सलग दुसऱ्या दिवशी या मार्गावर वाहतुक कोंडी झाली. मेट्रो मार्गिकेच्या तुळई उभारण्याच्या काम सकाळी उशीरापर्यंत सुरू राहिल्याने ही वाहतुक कोंडी झाली. कोंडीमुळे अनेक विद्यार्थी सकाळच्या सत्रात वेळेत शाळेमध्ये पोहचू शकले नाही. रोंजदारीवर असलेल्या नोकरदारांना वेळेत कामाच्या ठिकाणी जाता आले नाही.
मुंबई : एमबीबीएस आणि बीडीएस या अभ्यासक्रमाच्या प्रवेश प्रक्रियेची पहिली यादी जाहीर झाली. त्यानंतर आता सीईटी कक्षाने आयुर्वेद, होमिओपॅथी व युनानी या पदवी अभ्यासक्रमाच्या प्रवेश प्रक्रियेचे वेळापत्रक राज्य सामाईक प्रवेश परीक्षा कक्षाकडून जाहीर करण्यात आले. त्यानुसार ९ सप्टेंबरपासून प्रवेश प्रक्रियेला सुरुवात होणार आहे.
नागपूर : रेल्वेने दिवाळी आणि छट पूजेसाठी आपल्या मूळ शहरात, गावाकडे जाणाऱ्यांसाठी ९६ विशेष गाड्या सोडण्याचा निर्णय घेतला आहे.
चंद्रपूर: जिल्ह्यातील बल्लारपूर शहरात दोन बलात्काराच्या घटनेने संपूर्ण शहर हादरले. बदलापूरची घटना ताजी असतांना बल्लारपूरात एका अल्पवयीन मुलीवर व एका मंतिमंद मुलींवर बलात्कार केल्याची घटना मंगळवार २ सप्टेंबरला उघडकीस आली आहे. दरम्यान अल्पवयीन मुलींवर झालेल्या बलात्कारामुळे बदनामीच्या भीतीने पिडीत मुलीने घरात गळफास घेवून आत्महत्या केल्याने खळबळ उडाली आहे.
पुणे पोलिसांकडून बंदोबस्ताची आखणी करण्यात आली आहे.<br />फोटो : लोकसत्ता ग्राफिक्स टीम
Maharashtra News Live Today, 05 September 2024: महाराष्ट्रातील महत्त्वाच्या बातम्या
Maharashtra News Live Today, 05 September 2024: महाराष्ट्र विधानसभा निवडणुकीशी संबंधित सर्व महत्त्वाच्या बातम्या
सावंतवाडी : बार कौन्सिल ऑफ महाराष्ट्र गोव्याच्या अध्यक्षपदी अँड संग्राम देसाई यांची निवड झाली आहे ते सिंधुदुर्ग जिल्ह्याचे सुपुत्र असून बार कौन्सिल ऑफ महाराष्ट्र गोव्याचे सदस्य होते. सिंधुदुर्ग जिल्ह्याला हा मान प्रथमच मिळाला आहे.
बार कौन्सिल वर निवडून गेल्यानंतर पहिल्याच प्रयत्नात दोन वेळा ते उपाध्यक्ष व आता अध्यक्ष म्हणून बिनविरोध निवड झाली आहे. मुंबई उच्च न्यायालयातील बार कौन्सिलच्या सभागृहात झालेल्या विशेष कार्यक्रमात ही निवड करण्यात आली. या अध्यक्षपदाच्या माध्यमातून अँड देसाई यांना राज्यभरातील सुमारे अडीच लाख वकिलांचे नेतृत्व करण्याची व त्यांच्या कल्याणासाठी काम करण्याची संधी मिळाली आहे. बार कौन्सिलचे विद्यमान अँड. राजेंद्र उमप यांचा कार्यकाल बुधवारी समाप्त झाला. यावेळी झालेल्या सदस्यांच्या बैठकीची ही बिनविरोध निवड करण्यात आली.
आदिवासी विकास विभागाने पहिली ते चौथीच्या क्रमिक पुस्तकांचे १२ स्थानिक बोलीभाषांमध्ये रूपांतर करण्याचा निर्णय घेतला आहे. टप्याटप्याने ही पुस्तके उपलब्ध होणार असल्याने आदिवासी विद्यार्थ्यांना त्यांच्या बोलीभाषेत शिक्षण मिळणार आहे.
पुणे : गणेशोत्सवाच्या काळात शहरातील रस्ते सायंकाळी पाच नंतर वाहतुकीसाठी बंद राहणार असल्याने पीएमपीच्या ६६ मार्गातही बदल करण्यात आले आहेत.
पुणे : विसर्जन मिरवणूक रद्द करून गुरुवार पेठेतील हिंद युवक मित्र मंडळाने आरोग्य जागर करीत शैक्षणिक आणि वैद्यकीय उपक्रम आयोजित केले आहेत.
पुणे : पूर्ववैमनस्यावरुन तरुणावर वार करून पळून गेलेल्या दोघांना गुन्हे शाखेच्या दरोडा आणि वाहन चोरी विरोधी पथकाने अवघ्या दोन तासांमध्ये वारजे येथे जेरबंद केले.
पुणे : माजी नगरसेवक वनराज आंदेकर यांची हत्या करण्यासाठी तब्बल दीड महिन्यापासून रेकी करण्यात येत असल्याची माहिती उघडकीस आली आहे.
अडचणी अनेक, उपाय एक.. तो म्हणजे आमचा महाराष्ट्रवादी व्हॉट्सॲप हेल्पलाइन क्रमांक – ९८६१७१७१७१ तुमच्या मोबाईलमध्ये सेव्ह करा आणि चिंतामुक्त व्हा. आम्ही तुमच्या सेवेकरताच बसलो आहोत. आम्हाला विचारून तर पहा. तुमच्या शंकेचं समाधान तत्काळ होणार. खालील लिंकवर क्लिक करा – अजित पवारांची पोस्ट व्हायरल
https://x.com/AjitPawarSpeaks/status/1831640485150007678
पुणे : वैभवशाली गणेशोत्सवाच्या आनंदपर्वाचा शनिवारपासून (७ सप्टेंबर) श्रीगणेशा होत असून गणरायाच्या प्रतिष्ठापनेसाठी ब्राह्ममुहूर्तापासून म्हणजे पहाटे ४ वाजून ४० मिनिटांपासून ते दुपारी १ वाजून ५१ मिनिटांपर्यंत मुहूर्त आहे.
बुलढाणा: सैन्य दलात भरती होण्यासाठी प्रशिक्षण देणाऱ्या संस्थेनेच सैन्यात नोकरीला लावून देण्याचे अमिष दाखवत गोरगरीब विद्यार्थ्यांकडून लाखो रुपये उकळत फसवणूक केल्याचा प्रकार मेहकर येथे उघडकीस आला आहे.
नागपूर : राज्याचे माजी गृहमंत्री अनिल देशमुख यांच्यावर गुन्हा दाखल करण्यात आला, ते अन्य कुठल्याही नेत्यांचे नाव घेणार नाही तर देवेंद्र फडणवीस यांचेच नाव घेतील. मी मंत्री होतो म्हणून आमच्यावर कुठली केस करू नये, असे त्यांना वाटत असेल तर ते चूक आहे. त्यांनी चुक केली असेल तर गुन्हा दाखल होईलच. मात्र राज्यात कुठलीही घटना घडली की विरोधी पक्षाकडून देवेंद्र फडणवीस यांचेच जबाबदार म्हणून नाव घेतले जाते.
मुंबई : मालाड येथील हाजी बापू मार्गावरील गोविंद नगर येथील बांधकाम सुरू असलेल्या नवजीवन या इमारतीच्या २० व्या मजल्याच्या छताचा काही भाग गुरुवारी दुपारी १२ च्या सुमारास अचानक कोसळला. या दुर्घटनेत तिघांचा मृत्यू झाला असून तिघे जखमी झाले आहेत.
मुंबई : कुलाबा ते सीप्झ या मेट्रो-३ प्रकल्पाच्या स्थानकांच्या बांधकामासाठी तोडलेल्या झाडांचे आच्छादन पुनर्संचयित करण्याचे वारंवार आदेश देऊनही मुंबई मेट्रो रेल कॉर्पोरेशन लिमिटेडने (एमएमआरसीएल) २८ पैकी १८ स्थानक परिसरात आतापर्यंत ३०९३ झाडांपैकी केवळ ७२४ झाडांचेच पुनर्रोपण केल्याबाबत उच्च न्यायालयाच्या विशेष समितीने बुधवारी नाराजी व्यक्त केली.
मुंबई : म्हाडाच्या मुंबई मंडळाच्या २०३० घरांच्या सोडतीसाठी १३ सप्टेंबरला सोडत काढली जाणार होती. मात्र काही कारणाने अर्जविक्री-स्वीकृतीसह सोडतपूर्व प्रक्रियेला १५ दिवसांची मुदतवाढ देण्यात आल्याने सोडत लांबणीवर पडली आहे. त्यामुळे आता नक्की सोडत केव्हा जाहीर होणार याकडे अर्जदारांचे, इच्छुकांचे लक्ष लागले आहे. त्यानुसार मुंबई मंडळाकडून सोडतीची तारीख निश्चित करण्यात आली आहे.
मुख्यमंत्री एकनाथ शिंदे आज शिक्षक दिनानिमित्ताने आयोजित कार्यक्रमात उपस्थित होते. यावेळी शिक्षकांसमोर केलेल्या भाषणात त्यांनी शिक्षण मंत्री दीपक केसरकर यांना मिश्किल शब्दांत कोपरखळी मारताच उपस्थितांमध्ये हशा पिकला. “तुम्हीही नेहमीच सहकार्याची भूमिका घेत असतात. तुमचे मंत्रीही चांगले आहेत. ते हळूहळी पिकअप घेतात आणि मग टॉप गिअर टाकतात. तसे ते गुवाहाटीमध्ये हळूहळू पिकअप घेत होते. ते सगळ्या गोष्टी विचारपूर्वक करतात”, असं एकनाथ शिंदे म्हणाले.
धुळे – चोरी करणारे दोघेच. परंतु, त्यांचा आपसातील समन्वय मजबूत. त्यामुळेच ही जोडी धुळे जिल्ह्यात सहजपणे मोटारसायकलींची चोरी करत असे.
पुणे : बिबवेवाडी भागातून बेपत्ता झालेल्या तीन शाळकरी मुलींचा शाेध पोलिसांच्या तत्परतेमुळे लागला. मुली बेपत्ता झाल्याची माहिती मिळताच बिबवेवाडी पोलिसांनी तपास सुरू केला.
नगर जिल्ह्याच्या उत्तर भागाची भाग्यरेखा असणारे आणि अभिजात निसर्ग सौन्दर्याचे कोंदण लाभलेले अकोले तालुक्यातील धरण आता ‘आद्य क्रांतिकारक वीर राघोजी भांगरे जलाशय’ म्हणून ओळखले जाणार आहे.
पुणे : आगामी विधानसभेच्या निवडणुका राज्यात सत्ताधारी असलेल्या एकनाथ शिंदे देवेंद्र फडणवीस अजित पवार यांनी महायुतीच्या माध्यमातून लढविण्याचा निर्णय घेतला आहे.
सोलापूर : अक्कलकोट तालुक्यातील काँग्रेसचे नेते, माजी मंत्री सिद्धाराम म्हेत्रे यांच्या मातोश्री साखर कारखान्याकडून ऊस उत्पादकांना देय असलेल्या रकमा अदा न झाल्याने या ऊस उत्पादक शेतकऱ्यांनी सोलापुरात थेट काँग्रेस भवनासमोर आमरण उपोषण सुरू केले. हे सर्व आंदोलक मराठवाड्यातील उमरगा भागातील आहेत. दुसऱ्या दिवशीही या आंदोलनावर कोणताही तोडगा निघाला नव्हता.
अक्कलकोट तालुक्यातील दुधनी येथे म्हेत्रे यांचा मातोश्री साखर कारखाना कार्यरत आहे. मागील वर्षीच्या गळीत हंगामात धाराशिव जिल्ह्यातील उमरगा व अन्य भागातून ऊस उत्पादक शेतकऱ्यांनी या साखर कारखान्यासाठी पाठविलेल्या उसाची थकीत देयके प्रलंबित आहेत. या प्रश्नावर यापूर्वी शेतकऱ्यांनी आंदोलन केले होते.
खेड : मुंबई येथून गणेशोत्सवासाठी कोकणात जाणाऱ्या दोन एसटी बस कंटेनरवर धडकल्या. या अपघातात कोणतीही जिवितहानी झाली नाही.
मुंबई: चेंबूरच्या पीएल लोखंडे मार्ग परिसरात बुधवारी सायंकाळी एका घराच्या पोटमाळ्याचा काही भाग अचानक कोसळला. यामध्ये एका दीडवर्षीय मुलीचा मृत्यू झाला असून एक महिला जखमी झाली आहे. ही घटना चेंबूर लोखंडे मार्गावरील एकता मित्रमंडळ परिसरात बुधवारी सायंकाळी साडेसातच्या सुमारास घडली. येथील कविता साळवे यांच्या घराच्या पोटमाळ्याचा काही भाग अचानक कोसळला. घटनेनंतर स्थानिकांनी तत्काळ साळवे यांच्या घराकडे धाव घेत कविता साळवे (३५) आणि त्यांची मुलगी खुशी साळवे (दीड वर्ष) यांना राजावाडी रुग्णालयात दाखल केले. मात्र उपचारांपूर्वीच खुशीचा मृत्यू झाला.
वसई : वसई विरार शहरातील वाढत्या नागरीकरणामुळे विजेची मागणी वाढत आहे. याशिवाय सातत्याने महावितरण वीज चोरट्यांवर होणारी कारवाई यामुळे नवीन वीज जोडण्या घेण्याकडे ग्राहकांचा कल वाढला आहे. मागील दोन वर्षात ७४ हजार २७४ इतक्या नवीन वीज जोडण्या देण्यात आल्या आहेत.
नागपूर : पर्यावरणासाठी हानिकारक असणाऱ्या प्लास्टर ऑफ पॅरिस (पीओपी) आणि तत्सम वस्तूंपासून देवी-देवतांच्या मूर्तीवर बंदी आणण्याचा न्यायालयाचा मानस आहे. यासाठी मागील सुनावणीत महापालिकेला सार्वजनिक मंडळांना परवानगी देताना पीओपीबाबत स्पष्ट अट ठेवण्याचे आदेश दिले होते, असे मुंबई उच्च न्यायालयाच्या नागपूर खंडपीठाने स्पष्ट केले.
मुंबई : पैगंबर हजरत मोहम्मद यांचा जन्मदिन म्हणून साजरा केल्या जाणाऱ्या ‘ईद मिलाद उन-नबी’निमित्त राज्यात अनेक ठिकाणी मिरवणूक काढण्यात येते. या मिरवणुकीत मोठ्या प्रमाणावर डीजे आणि प्रखर दिव्यांचा (लेझर बीम) वापर करण्यात येत असून त्यावर बंदी घालण्याची मागणी पुण्यातील काही ज्येष्ठ मुस्लिम बांधवांनी उच्च न्यायालयात केली आहे.
नाशिक – पंचवटी आणि राज्यराणी एक्स्प्रेस काही महिन्यांपासून दररोज अर्धा ते पाऊण तास विलंबाने धावत असल्याच्या पार्श्वभूमीवर, मासिक पासधारक व प्रवासी वेल्फेअर असोसिएशनने मध्य रेल्वेला कायदेशीर नोटीस बजावली आहे.
वसई विरारमधील २१ हजार वीज ग्राहकांनी महावितरणचे वीज देयक न भरल्याने महावितरणने त्यांच्या वीज जोडण्या खंडित केल्या आहेत.
ठाणे : सलग दुसऱ्या दिवशी या मार्गावर वाहतुक कोंडी झाली. मेट्रो मार्गिकेच्या तुळई उभारण्याच्या काम सकाळी उशीरापर्यंत सुरू राहिल्याने ही वाहतुक कोंडी झाली. कोंडीमुळे अनेक विद्यार्थी सकाळच्या सत्रात वेळेत शाळेमध्ये पोहचू शकले नाही. रोंजदारीवर असलेल्या नोकरदारांना वेळेत कामाच्या ठिकाणी जाता आले नाही.
मुंबई : एमबीबीएस आणि बीडीएस या अभ्यासक्रमाच्या प्रवेश प्रक्रियेची पहिली यादी जाहीर झाली. त्यानंतर आता सीईटी कक्षाने आयुर्वेद, होमिओपॅथी व युनानी या पदवी अभ्यासक्रमाच्या प्रवेश प्रक्रियेचे वेळापत्रक राज्य सामाईक प्रवेश परीक्षा कक्षाकडून जाहीर करण्यात आले. त्यानुसार ९ सप्टेंबरपासून प्रवेश प्रक्रियेला सुरुवात होणार आहे.
नागपूर : रेल्वेने दिवाळी आणि छट पूजेसाठी आपल्या मूळ शहरात, गावाकडे जाणाऱ्यांसाठी ९६ विशेष गाड्या सोडण्याचा निर्णय घेतला आहे.
चंद्रपूर: जिल्ह्यातील बल्लारपूर शहरात दोन बलात्काराच्या घटनेने संपूर्ण शहर हादरले. बदलापूरची घटना ताजी असतांना बल्लारपूरात एका अल्पवयीन मुलीवर व एका मंतिमंद मुलींवर बलात्कार केल्याची घटना मंगळवार २ सप्टेंबरला उघडकीस आली आहे. दरम्यान अल्पवयीन मुलींवर झालेल्या बलात्कारामुळे बदनामीच्या भीतीने पिडीत मुलीने घरात गळफास घेवून आत्महत्या केल्याने खळबळ उडाली आहे.
पुणे पोलिसांकडून बंदोबस्ताची आखणी करण्यात आली आहे.<br />फोटो : लोकसत्ता ग्राफिक्स टीम
