Maharashtra Breaking News Updates : “मी तुमच्या परिवारातीलच एक सदस्य आहे”, पंतप्रधान मोदींचं बोहरा समाजाच्या कार्यक्रमात वक्तव्य, म्हणाले…

पंतप्रधान नरेंद्र मोदी मरोळमध्ये दाखल, बोहरा मुस्लीम समुदायाचं अलजेमा-तूस-सैफी या संकुलाचं उद्घाटन करणार, मद्रास बँडकडून मोदींचं स्वागत

२०१४ च्या आधी काय परिस्थिती होती तुम्ही पाहा. जे लोक २ लाखापेक्षा जास्त कमावत होते त्यांनाही कर भरावा लागत होता. भाजपा सरकारने आधी ५ लाख रुपयांपर्यंतचं उत्पन्न करमुक्त केलं. आता या अर्थसंकल्पात ७ लाख रुपयांपर्यंतचं उत्पन्न करमुक्त करण्यात आलं. आज मध्यमवर्गीयांच्या ज्या उत्पन्नावर शून्य कर आहे, त्यावर युपीए सरकार २० टक्के कर आकारत होतं - नरेंद्र मोदी

https://twitter.com/BJP4India/status/1623997577724334080

आज देशात आधुनिक रेल्वे सुरू करण्यात आल्या आहेत. मेट्रोचा विस्तार होत आहे. नवे विमानतळ आणि बंदरं तयार केली जात आहेत. भारताच्या इतिहासात पहिल्यांदा १० लाख कोटी रुपये भारतातील पायाभूत सुविधांच्या (इंफ्रास्ट्रक्चर) विकासासाठी देण्यात आले आहेत - नरेंद्र मोदी

https://twitter.com/BJP4India/status/1623995236795154433

रेल्वेच्या क्षेत्रात मोठी क्रांती होत आहे. देशाला आज नववी आणि दहावी वंदे भारत ट्रेन समर्पित करताना मला अत्यंत आनंद होत आहे - नरेंद्र मोदी (मराठीत भाषणाला सुरुवात)

https://twitter.com/ANI/status/1623991074942521346

पंतप्रधान मोदींकडून वंदे भारत एक्स्प्रेसला हिरवा झेंडा, मुंबईहून शिर्डी सोलापूरचा प्रवास करता येणार, वंदे भारत ट्रेन साडे सहा तासात सोलापूरला पोचणार अशी रेल्वे विभागाची माहिती

राहुल कलाटे म्हणाले, "मला उद्धव ठाकरेंसह अनेकांचे फोन आले, पण मी चिंचवड पोटनिवडणुकीतून माघार घेणार नाही, कारण या जनतेने राहुल कोणत्याही परिस्थितीत तू निवडणुकीत उभं राहा असं सांगितलं आहे."

भोसरी एमआयडीसी भूखंड घोटाळा प्रकरणी एकनाथ खसडेंना मोठा दिलासा, पुरवणी आरोपपत्र दाखल न करण्याचे उच्च न्यायालयाचे ईडीला आदेश, २० मार्चपर्यंत कोणतीही कारवाई होणार नाही, या प्रकरणात खडसेंसह पत्नी मंदाकिनी खडसे आणि जावयावर गुन्हा दाखल आहे

नाना पटोले म्हणाले, "माझी एच. के. पाटील यांच्याशी चर्चा झाली आहे. १५ फेब्रुवारीला कार्यकारणीची बैठक आहे. त्यानुसार मी माझा पुण्याचा दौरा तयार केला आहे. तो प्रचाराचा कार्यक्रम आहे. त्यामुळे मी त्यांना सांगितलं की, त्या बैठकीला आमचे सर्व कार्याध्यक्ष राहतील."

वेगवेगळ्या भागातून लोकांचे मला फोन येत आहेत. ते म्हणत आहेत की, राहुल तू कुठल्याही परिस्थितीत लढ, आम्ही तुझ्याबरोबर आहोत. त्यामुळे ही लोकभावना रोखण्याचं काम मी करणार नाही. कारण या लोकांनी वेळोवेळी माझ्यावर खूप प्रेम केलं आहे. २०१४, २०१९ च्या विधानसभा निवडणुकीत या लोकांनी माझ्यावर खूप प्रेम केलं. त्यांना अपेक्षित काम मी मागील चार ते पाच वर्षात केलं आहे. त्यामुळे ही जनभावना मी दुखावणार नाही - राहुल कलाटे (टीव्ही ९ मराठीशी बोलताना)