Maharashtra Latest News Updates, 27 January 2023 : शिवशक्ती आणि भीमशक्ती एकत्र आल्याची घोषणा २३ जानेवारी रोजी शिवसेना पक्षप्रमुख उद्धव ठाकरे आणि वंचित बहुजन आघाडीचे अध्यक्ष प्रकाश आंबेडकर यांनी केली होती. यावरून महाविकास आघाडीमध्ये धुसपूस असल्याची चर्चा रंगू लागली होती. अशातच शरद पवार हे आजही भाजपाबरोबर असल्याचं विधान प्रकाश आंबेडकर यांनी केलं. दरम्यान, यावरून पुन्हा एकदा राजकारण तापू लागलं आहे. नाना पटोले यांनी वंचित आघाडी ही महाविकास आघाडीचा भाग नसल्याची प्रतिक्रिया दिली आहे. तर अशा प्रकारची विधानं कोणीही करु नये. देशात भाजपाविरोधी आघाडी तयार करण्याचा प्रयत्न होतोय, त्याचे स्तंभ शरद पवार आहेत, असं संजय राऊत म्हणाले. आजही दिवसभर हा मुद्दा चर्चेत राहण्याची शक्यता आहे.
दरम्यान, आज पंतप्रधान मोदी हे देशभरातील विद्यार्थ्यांबरोबर ‘परीक्षा पे चर्चा’ हा कार्यक्रम करणार आहे. या कार्यक्रमात पंतप्रधान मोदी विद्यार्थांना काय संदेश देतात, याकडेही लक्ष असणार आहे.
Marathi News Updates : प्रकाश आंबेडकरांच्या शरद पवारांवरील विधानावरून राजकारण तापल!
दौंडमधील भीमानदीपात्रात सापडलेल्या सात मृतदेहापैकी तीन मृतदेहांचे पोलिसांकडून पुन्हा शवविच्छेदन करण्यात आले. सामूहिक हत्याकांड प्रकरणाचा सखोल तपास करण्यासाठी पुन्हा तीन मृतदेहांचे शवविच्छेदन करण्यात आले आहे.
महाविकास आघाडीतील घटक पक्ष शिवसेनेने नागपूरमध्ये काँग्रेस समर्थित उमेदवाराला पाठिंबा दिला असला तरी अलीकडेच या पक्षाने वंचित बहुजन आघाडीसोबत युती केली आणि येथे वंचितचाही उमेदवार रिंगणात आहे, त्यामुळे शिवसेना नेमकी कोणासोबत? असा पेच निर्माण झाला आहे.
ॲड. प्रकाश आंबेडकर संग्रहित छायाचित्र
प्रकाश आंबेडकरांच्या शरद पवारांवरील विधानावरून राज्याचील राजकीय वातावरण तापू लागलं आहे. नाना पटोले यांनी वंचित आघाडी ही महाविकास आघाडीचा भाग नसल्याची प्रतिक्रिया दिली आहे. तर अशा प्रकारची विधानं कोणीही करु नये, असं संजय राऊत म्हणाले.